^{1 2} 1 ಅನ್ನಬೇಮ್ಮರೆ ,ವಂಡುಲು ವಂಡು ದೋಷತ್ಕುರು ಸಿಕ್ಕಿನೇಕೆ ಅಂಥತ ಆತ್ಮಮಿಕವಾನ ನಿಂಗ ಸಾತ್ವಿಕಬಾವತಿಂಡು ತಿದ್ದಿ ಶಾಂತ ಪಡ್ಸಂಗೋ; ನೀನು ಶೊದನೇಕೆ ಒಳಗಾಗದೆ ನಿಟ್ಟು ವಿಷಯತ್ಕುರು ಎಚ್ಚರವಾಯಿರೊಂಗೋ. 2 ವಂಡು ಇನೋಡ್ತ ಬಾರುತ್ತ ಪೇಚ್ಕೊಟ್ಟು ; ಹಿಂಗು ಕ್ರಿಸ್ತನ ನಿಯಮನ ನೆರವೆರ್ಸಂಗೋ. ^{3 4 5} 3 ಯೇದು ಅಲ್ಪನಾಯಿಂದು ತಾನುನ ತಾನೇ ಬೇರದು ಇಂಡು ನೆಸ್ಕೊಡೆಕೆ ತನ್ನ ತಾನೇ ಮೋಸಪಡ್ಸಗೊಂಡ್ಕಾನಿ. 4 ಅದೆರು ತಟ್ಟು ಸ್ವಂತ ಪನಿನ ಪರಿಶೋದನೆಸೈಯೋಟ್ಟು ;ಅಪೋದು ಆದು ತಾಟ್ಟುತ್ಕುರು ಸಂತೋಷಪಡ್ರುಕು ಆಸ್ಪದಾವಗ್ದೆ ಇನೊಂಡಂಚಿಲ್ಲಿಯಾಲ್ಲ. 5 ಅದೇರು ತಗ್ಟ ಸ್ವಂತ ಹೋರೆನ ಪೆಚಿಗುರ್ದು. ^{6 7 8} 6 ವಾಕ್ಯತ್ಕುರು ಉಪದೆಶಹೊಂದುರದು ಉಪದೇಶ ಸೈರತ್ಗು ತಂಕಿಕ್ರ ಆದಿಕುರು ನಾಲ್ಲತ್ಕುರು ಪಾಲುಕುಡ್ಕೊಟ್ಟು. 7 ಮೋಸ ಹೋಗ್ಮಾನಂಗ; ದೌರು ಪರಿಹಾಸ್ಯಾತ್ಗು ಸೆಂದಿಕ್ರದಲ್ಲ: ಎಂತಿಗಿಂಡೆಕೆ ಮನುಷ್ಯ ತಾನು ಬಿತ್ತುನಾತ್ತೆ ಹರ್ಕುರ್ದು. 8 ತಟ್ಟು ವಡ್ಮಿಂಡು ಬಿತ್ತುರಾದು ವಡ್ಮಿಂಡು ನಾಶತೇ ಹರ್ಕಕು. ಆನೇಕೆ ಆತ್ಮನಿಂಡು ಬಿತ್ತುರಾದು ಆತ್ಮನಿಂಡು ನಿತ್ಯಜೀವನ ಹರ್ಕಾಕು. ^{9 10} 9 ನಾಲ್ಲತ ಸೈರತ್ಕುರು ಬೇಸರವಾಗ್ದೆಯಿಕೋಮು. ಎನ್ತಿಗಿಂದಡೆಕೆ ನಂಗ ಮನಗುಂದುದೆಯಿಂದೇಕೆ ಸರಿಯಾತ್ ಸಮಯತ್ಕುರು ಹರ್ಕಾರೋ. 10 ಇತಿಂಡು ಸಮಯಯಿಕ್ರಪೋದು ಅದೇರ್ಕು ನಾಲ್ಲತ ಸೈಯೋಮು; ಮುಖ್ಯವಾಯಿ ವಿಶ್ವಾಸತ ಉಟಲ್ಯಕೀ ಸೈಯೋಮು. ^{11 12 13} 11 ನಟ್ಟು ಸ್ವಂತ ಕೈಯಿಂಡು ಬೇರ್ ಅಕ್ಷರತ್ಕುರು ನಿಂಗುಲ್ಕು ವರ್ಜಿಕ್ರತ ಪರಂಗೋ. 12 ವಡ್ಮುಕುರು ನಾಲುಗು ಕಂಗುರ್ದುಯಿಂಡು ಇಷ್ಟಪಡ್ರಗದೇರು ತಂಗುಲ್ಕು ಕ್ರಿಸ್ತನ ಶಿಲುಬೇ ಇಂಡು ಹಿಂಸೆಯಾಗ್ಬಾರ್ಡುಯಿಂಡು ಸುನ್ನತಿ ಸೆಂದುಗುರ್ದುಯಿಂಡು ನಿಂಗುಲ್ನ ಬಲಾತ್ಕರಿಸಕ್ನು. 13 ಸುನ್ನತಿ ಸೇಂದುಗುರ ನಿಂಗ ನ್ಯಾಯಪ್ರಮಾಣನ್ನ ಕೈಕೊಂಡು ನಡುಕುದಿಲ್ಲ. ಆನೇಕೆ ಆಗ್ಯ ನಿಂಗ್ಟ ವಡ್ಮತ ವಿಷಯತ್ಕುರು ಹೆಚ್ಚಳ ಪಡುರ್ಕು ನಿಂಗುಲ್ಕು ಸುನ್ನತಿಯಾಗುರ್ದುಯಿಂಡು ಅಪೇಕ್ಷಿಸಾಕ್ನು. ^{14 15 16} 14 ನಾನೇಕೆ ನಾಗ್ಟಾ ಕರ್ತನನ ಯೇಸು ಕ್ರಿಸ್ತನ ಶಿಲುಬೆಯ ವಿಷಯಾತ್ಕುರು ಉಟೇಕೆ ಹೆಚ್ಚಳ ಪಡ್ರದು ಮಾನ. ಅತಿಂಡು ಲೋಕ ನನ್ನ ಪಾಲುಕು ಶಿಲುಬೇಕಿ ಹೊಟ್ಗೊಂಡುಸು .ನಾನು ಲೋಕತ ಪಾಲ್ಕು ಶಿಲುಬೇಕಿ ಹೊಟಿಕೊಂಡಿದು. 15 ಕ್ರಿಸ್ತ ಯೇಸುಕುರು ಸುನ್ನತಿಯಗ್ರತಿಂಡು ಎಂದು ಪ್ರಯೋಜನಯಿಲ್ಲ, ಸುನ್ನತಿಯಾಗ್ದೆ ಇಂದೇಕು ಎಂದು ಪ್ರಯೋಜನಯಿಲ್ಲ ;ಆನೇಕೆ ಪುದ್ದಿ ಸೃಷ್ಟಿಯೇ ಬೇಕು. 16 ಈ ಸೋತ್ರತ್ಕು ಸರಿಯಾಯಿ ನಡುದ್ಗುರಗ್ಯರದೇರು ಅಂಡೆಕೆ ದೌರ್ತ ಶಾಂತಿ ಕರುಣೆ ಇಸ್ರಾಯೇಲ್ ಮೇನಿ ಇಕೊಟ್ಟು . ^{17 18} 17 ಇನ್ನು ಮೇನಿ ಯೇದು ಕಳವಳ ಪಡ್ ಸ್ಬರ್ದು ;ಯೆಂತಿಗಿಂಡೆಕೆ ನಾನು ನಟ್ಟು ವಡ್ಮುಕುರು ಕರ್ತನ ಯೇಸುತ ಗುರ್ತ ಹೊಂದಿಕ್ರವನಾಯಿರೆ . 18 ಅನ್ನದೆಮ್ಬಿಮರೆ ,ನಂಗಟ ಕರ್ತನ ಯೇಸು ಕ್ರಿಸ್ತನ ಕೃಪೆ ನಿಂಗ್ಟ ಆತ್ಮ ನಿಂಗುಲೆಂಟಿ ಇಕೊಟ್ಟು ಆಮೇನ್ .