^{1 2 3} 1 ದೌರ್ ಚಿತ್ತನುಸಾರವಾಯಿ ಯೇಸು ಕ್ರಿಸ್ತತ ಅಪೋಸ್ತಲನಾನ ನಾಗ್ಟಾ ದೇಂಬಿಯಾನ ತಿಮೊಧೆಯಾದು 2 ಕೊಲೆಸ್ಸತ್ಕುರು ಕ್ರಿಸ್ತನ್ಕುರುಯಿಕ್ರ ಪರಿಶುದ್ದಲ್ಯಕಿ ನಂಬಿಗಸ್ತನಾನ ಅನ್ನದೆಂಬಿಮಾರೆ ನಾಗ್ಟಾ ಅವ್ವನ ದೌರ್ ರಿಂಡುಲು ಕರ್ತನಾನ ಯೇಸು ಕ್ರಿಸ್ತನಿಂಡುಲು ನಿಂಗುಲ್ಕು ಕೃಪೆ ಶಾಂತಿ ಹಾಗೋಟ್ಟು . 3 ನಂಗ ಪ್ರಾರ್ಥನೆ ಸೈರಾಪೋದು ನಿಂಗುಲ್ಕೊಸ್ಕಾರ ನಾಗ್ಟಾ ಯೇಸು ಕ್ರಿಸ್ತನ ದೌರುಕು ಅವ್ವಕು ಸ್ತೋತ್ರ ಸೋನಾರೆ ^{4 5 6} 4 ಕ್ರಿಸ್ತ ಯೇಸುಕುರು ನಿಂಗ ಅಚ್ಚಿಕ್ರ ನಂಬಿಕೆ ವಿಷಯಾವಾಯಿ ಪರಿಶುದ್ದರಾದೆರ್ಮೆನಿ ನಿಗ್ಟ ಪ್ರೀತಿ ವಿಷಯಾತ ನಾಂಗ ಕೊಟಿರೋ . 5 ಪರಲೋಕತ್ಕುರು ನಿಂಗುಲ್ಕೊಸ್ಕರ ಅಚ್ಚಿಕ್ರ ನಿರಿಕ್ಷೆತ ವಿಷಯವಾಯಿ ಸುವಾರ್ತೆಯಿಂಗ್ರ ಸತ್ಯ ವಾಕ್ಯಾನ ನಿಂಗ ಮುನ್ನೆ ಕೊಟ್ಟಿರಂಗ . 6 ನಿಂಗ ಸತ್ಯತ್ಕುರು ದೌರ ಕೃಪೆನ್ನ ಕೊಟ್ಟು ತಿಳಿಜ್ಗೊಂಡ ನಾಲ್ತಿಂಡು ನಿಗ್ಲಂಚುಗು ವಂದ ಆ ಸುವಾರ್ತೆತ ಲೋಕತ್ಕುರು ಫಲಕೊಡ್ಕಾಕು. ^{7 8} 7 ಇತಾತೆಯ ನಿಂಗ ಎಪಫ್ರನಿಂಡು ಕೆಚ್ಗೊಂಡಿರಂಗ :ಅದು ನಿಂಗುಲ್ಕೊಸ್ಕಾರ ಕ್ರಿಸ್ತನ ನಂಬಿಗಸ್ತನಾನ ಸೇವಾಕ . 8 ಆತ್ಮತ್ಕುರುಯಿಕ್ರ ನಿಗ್ಟ ಪ್ರೀತಿಯ ವಿಷಯಾತ್ಕುರು ತಿಳಿಸಿಕ್ರದು ಆದೇ. ^{9 10} 9 ನಂಗ ಅತಾತೆಯ ಕೊಟ್ಟ ನಾಲ್ತಿಂಡು ನಿಂಗುಲ್ಕೊಸ್ಕಾರ ಪಾರ್ಥಿಸ್ರತ ಉಡುದೆ ಸಕಲ ಜ್ಞಾನತ ಆತ್ಮಿಕ ಗ್ರಯಿಕೆನ್ನ ಹೊಂದಿ ಅತ್ರ ಚಿತ್ತ ವಿಷಾಯತ ತಿಳುವಳಿಕೆ ಇಂಡು ತುಂಬಿಗೊಂಡು 10 ಕರ್ತನ್ಗು ಯೋಗ್ಯರಾಯಿ ನಡ್ದು ಆದಿ ವಿದತ್ಕುರು ಆತನನ್ನ ಸಂತೋಷಪಡಿಸ್ರವರಗುರ್ದುಯಿಂಡು ನಿಂಗ ಸಕಲ ಸತ್ಕಾರ್ಯಯಿಗ್ರ ಫಲನ ಕೊಡ್ಕುತ್ತ ದೌರ್ ಜ್ಞಾನತ್ಕುರು ಅಬಿವೃದ್ದಿಯಗ್ತಯಿಕುರ್ದುಯಿಂಡು. ^{11 12} 11 ಅತ್ರ ಮಹಿಮಾ ಶಕ್ತಿತ ಪ್ರಕಾರ ಪರಿಪೂರ್ಣ ಬಲಹೊಂದಿ ಬಲಿಷ್ಟರಾಯಿ ಆನಂದ ಪೂರ್ವಾಕವಾನ ತಾಳ್ಮೆನ ದೀರ್ಘ ಶಾಂತಿ ಕಟಂಗೋ . 12 ವಲ್ಸುರ್ಕುರು ಇಕುರ ಪರಿಶುದ್ದರ ಬಾದ್ಯತೆಕುರು ಪಾಲುಗಾರರಾಗುರ್ಕು ನಂಗುಲ್ನ ಯೋಗ್ಯರಾಯಿ ಸೇಂದ ಅವ್ವುಕು ಕೃತಜ್ಞತ ಸುತ್ತಿ ಸೈತಯಿಕುರ್ದುಯಿಂಡು ನಾನು ಆಸೆಪಡರೆ. ^{13 14} 13 ದೌರು ನಂಗುಲ್ನ ಅಂಧಕಾರ ಶಕ್ತಿಯಿಂಡು ಉಡಿಚು ತಟ್ಟು ಪ್ರಿಯಕುಮಾರನ ರಾಜ್ಯತ್ಕುರು ಕುಡ್ಸುಸು . 14 ಅತ್ಕುರು ಆತ್ರ ರಕ್ತತಿಂಡು ನಂಗುಲ್ಕು ವಿಮೊಚನೇನು ಅನ್ಡೆಕೆ ಪಾಪಪರಿಹಾರ ಉಂಟಾಸು. ^{15 16 17} 15 ಅದು ಅದೃಷ್ಯನಾನ ದೌರ್ತ ಪ್ರತಿರೂಪನು ಸೃಷ್ಟಿಕಿ ಜ್ಯೇಷ್ಟನು ಆಯಿದು . 16 ಭೂಪರಲೋಕತ್ಕುರು ಇಕ್ರ ದೃಶ್ಯಾದೃಶ್ಯವಾನದಾದಿ ಸಿಂಹಾಸನತ್ಕುರು ಇಲ್ದೆ ಪ್ರಭುತ್ವತ್ಕುರು ಇಲ್ದೆ ದೊರೆತನತ್ಕುರು ಇಲ್ದೆ ಅಧಿಕಾರತ್ಕುರು ಅತಂಕುರು ಸೃಷ್ಟಿಸಲ್ಪಟ್ಸು . 17 ಅದು ಆದಿಕಿನ್ನ ಮುನ್ನೆ ಇಕ್ರದು ;ಅದು ಸಮಸ್ತಕು ಆಧಾರವಾಯಿದು. ^{18 19 20} 18 ಸಭೆಯಿಗ್ರ ವಡ್ಮುಕು ಅದು ತಲ್ಕಾಯಿಯಾಯಿದು .ಅದು ಪ್ರಾರಂಭವಾಯಿಂದು ಅದಿಕುರು ಪ್ರಮುಖರಾಯಿಕ್ರಕಾನ್ನಿ ಅದು ಸತ್ತಲಿಂಡು ವಂದ ಜ್ಯೇಷ್ಟನು ಆಯಿದು . 19 ಅದು ಸರ್ವಾ ಸಂಪೂರ್ಣಾತ್ಕುರು ವಾಸವಾಗ್ರಾದು ಅವ್ವುಕು ಇಷ್ಟಯಿಂಚು . 20 ಅದು ಶಿಲುಬೇತ ರಕ್ತತಿಂಡು ತಾನು ಸಮಾದಾನ ತರ್ರ ಅತ್ರಿಂಡು ಭೂಪರಲೋಕತ್ಕುರು ಇಕ್ರ ಆದಿನು ಅತ್ರಿಂಡು ತಂಕು ಸಂಧಾನಪಡಿಸ್ಗೊಂಡುಸು. ^{21 22 23} 21 ಇದಲ್ಲದೆ ನಿಂಗ ಪರ್ಕಾಲತ್ಕುರು ಅನ್ಯರು ದುಷ್ಟತ್ಯಯಿಂಡು ದ್ವೇಷ ಮನಸ್ಸುಲ್ಲವರಾಯಿನ್ನು .ಆನೇಕು ಇಪೋದು ಅದು ನಿಂಗುಲ್ನ ಸಂದಾನಪಡಿಸಿದು . 22 ತಟ್ಟು ವಡ್ಮುಕುರು ಅನಾ ಮರಣತಿಂಡು ನಿಂಗುಲ್ನ ಪರಿಶುದ್ದರಾಯಿ ನಿರ್ದೊಶಿಯಾಯಿ ನಿರಪರಾಧಿಯಾಯಿ ತಟ್ಟು ಸನ್ನಿದಿಕುರು ನಿಪಿಕುರ್ಡುಯಿಂಡು . 23 ಪೌಲಯಿಗ್ರ ನಾನು ಈ ಸುವಾರ್ತೆಕಿ ಸೇವಾಕನಾಯಿರೆ ;ನಿಂಗ ಕೋಟಾತ ಅಕಾಶತ ತರ್ಗಿಲಿ ಇಕ್ರ ಸರ್ವಾಸುಷ್ಟಿಕಿ ಸಾರಲ್ಪಟ್ಟ ಸುವಾರ್ತೆಯಿಂಡು ಆನ ನಿರಿಕ್ಷೆಯಿಂಡು ಉಟ್ಟು ಹೋಗ್ದೆ ಅಸ್ತಿವಾರತ್ ಮೆನ್ನಿ ನಿಡ್ರು ಸ್ಧಿರವಾಯಿಂದು ನಂಬಿಕೆತ್ಕುರು ನೆಲೆಗೊಂಡಿದೇಕೆ. ^{24 25 26 27} 24 ನಾನು ಇಪೋದು ನಿಂಗುಲ್ಕೊಸ್ಕಾರ ಅನುಭವಿಸ್ತಯಿಕ್ರ ಕಷ್ಟತ್ಕುರು ಸಂತೋಷಪಟ್ಟು ಕ್ರಿಸ್ತನ ಸಂಕಟತ್ಕುರು ಇನ್ನೂ ಉಳಿಜಿಕ್ರತ ಸಭೆಯಿಗ್ರ ಅತ್ರ ವಡ್ಮುಕೊಸ್ಕಾರ ನಟ್ಟು ವಡ್ಮುಕುರು ಅನುಭವಿಸಿ ತೀರಿಸಿದು . 25 ಅತ್ಗು ನಿಂಗುಲ್ಕೊಸ್ಕಾರ ನಂಕು ತಂದಿಕ್ರ ದೌರ್ತ ಯುಗಕ್ಕನುಸಾರವಾಯಿ ದೌರ್ತ ವಾಕ್ಯನ ಪೋರೈಸುರ್ಕು ನಾನು ಸೇವಕನಾನೆ . 26 ಆ ವಾಕ್ಯಾ ಪರ್ಕುರು ಯುಗತ್ಕುರು ತಲಾತಲಾಂತರತ್ಕುರು ಮರೆಯಾಯಿಂಚು ;ಅದು ಈ ಕಾಲತ್ಕುರು ಪರಿಶುದ್ದರ್ಕು ತಿಳಿದಲ್ಪಟ್ಟಿದು . 27 ಅನ್ಯ ಜನತ್ಕುರು ಈ ಮರ್ಮ ಮಹಿಮತಿಶಾಯ ಎದ್ನಯಿಗ್ರತ ದೌರು ತಟ್ಟು ಮಂದಿಲ್ಕಿ (ಪರಿಶುದ್ದರ್ಕು ) ತಿಳಿಸುರ್ಕು ಮನಸ್ಸು ಸೇಚು ಈ ಮರ್ಮ ಎಂದಯಿಂಡೆಕೆ ನಿಂಗಾದೇರು ನಿಂಗುಲ್ಕುರು ಇಕ್ರ ಕ್ರಿಸ್ತನು ಮಹಿಮೆತ ನಿರಿಕ್ಷೆಯಾಯಿದು ಇಗ್ರದೇ. ^{28 29} 28 ಕ್ರಿಸ್ತ ಯೇಸುಕುರು ಪ್ರತಿಯೊಂಡಲುನು ಪರಿಪೂರ್ಣರಾಯಿ ಸೈಯಿರ್ಕು ಪ್ರತಿಯೊಂಡಲ್ನು ಎಚ್ಚಾಸೈತ ಆದೆರ್ಕು ಜ್ಞಾನತ್ಕುರು ಪ್ರತಿಯೊಂಡಲ್ಕು ಬೋದನೆಸೈತ ನಾಂಗ ಅತ್ರತ ಸಾರ್ತ ಇರೋ . 29 ನಂಕುರು ಬಲತಿಂಡು ಕಾರ್ಯಸೈತ ಪನ್ನಿಕನುಸಾರವಾಯಿ ನಾನು ಸಹ ಅತ್ಕಾಯಿ ಪ್ರಯಾಸ ಸೈತ ಹೊರಡ್ತಯಿರೆ.