ಅದ್ಯಾಯ 1
1
2
1 ಕ್ರಿಸ್ತ ಯೇಸುಕುರು ಇಕ್ರ ಜೀವ ವಾಗ್ದಾನತ ಪ್ರಕಾರ ದೌರ್ ಚಿತ್ತಾತಿಂಡು ಯೇಸು ಕ್ರಿಸ್ತನ ಅಪೋಸ್ತಲನಾನ ಪೌಲ ಇಗ್ರ ನಾನು
2 ನಟ್ಟು ಪ್ರಿಯ ಕುಮಾರನಾನ ತಿಮೊಥೆನ್ಕು ಅವ್ವನ ದೌರಿಂಡು ನಗ್ಟ ಕರ್ತನಾನ ಯೇಸು ಕ್ರಿಸ್ತನಿಂಡು ಕೃಪೆ ಕರುಣೆ ಶಾಂತಿ ಹಾಗೊಟ್ಟು.
3
4
5
3 ನಾನು ಪಗ್ಮಾರ್ಕು ನಾಮರ್ಕು ಪ್ರಾರ್ಥನೆಕುರು ನಿನ್ನ ತಪ್ಪದೆ ಜ್ಞಾಪಾಕ ಸೇದ್ಗಾರೆ .ಇದಲ್ಲದೇ ಶುದ್ದ ಮನಸ್ಸಾಕ್ಷಿಯುಳ್ಳವಾನಾಯಿ ನಾನು ನಟ್ಟು ಪೂರ್ವಿಕಾರನ್ನ ಅನುಸಾರ್ಸಿ ದೌರ್ ಸೇವಿಸಿ ಸ್ತೋತ್ರ ಸಲ್ಲಿಸಾರೆ .
4 ನಾನು ನಿಟ್ಟು ಕಂನೆರ್ನ ನೆನ್ಪಿಸ್ಕೊಂಡು ನಿನ್ನ ಪಾತು ಸಂತೋಷಭರಿತ ನಾಗುರ್ದುಯಿಂಡು ಶ್ಯಾನ್ನ ಅಪೇಕ್ಷಿಸಾರೆ ;
5 ನಿಂಕುರು ಇಕ್ರ ನಿಷ್ಕಪಟವಾನ ನಂಬಿಕೆ ನಟ್ಟು ನೆಂಪುಕು ವಂಚು .ಆ ನಂಬಿಕೆ ಮುನ್ನಿ ನಿಟ್ಟು ಅಪ್ಪಾನ ಲೋವಿಕುರು ನಿಟ್ಟು ಅಮ್ಮಾನ ಯೂನಿಕೆತ್ಕುರು ವಾಸವಾಯಿಂಚು ಹಾಂಗೆ ಅದು ನಿಂಕುರು ವಾಸವಾಯಿದು ಇಡು ನಾನು ದೃಡವಾಯಿ ನಂಬಿರೆ.
6
7
6 ನಾನು ನೀನ್ ಮೇನ್ನಿ ಹಸ್ತಾರ್ಪಾಣ ಸೈರತಿಂಡು ನಿಂಕು ದೊರ್ಕನ್ನ ದೌರ್ ವರ ಪ್ರಜ್ವಲಿಸ್ರಾಕಾನಿ ಸೈಯಿರ್ದು ಇಂಡು ನಾನು ದೃಡವಾಯಿ ನಂಬಿರೆ .
7 ದೌರು ನಂಗುಲ್ಕು ತಂದಿಕ್ರ ಆತ್ಮ ಬಲ ಪ್ರೀತಿ ಸ್ವಸ್ಥಬುದ್ದಿ ಆತ್ಮನೇ ಉಟ್ಟೆಕೆ ಭಯಾತ ಆತ್ಮಯಲ್ಲ.
8
9
10
11
8 ಹಿಂಗಿಕ್ರತಿಂಡು ನಾನು ಕರ್ತನ ಸಾಕ್ಷಿತ ವಿಷಯತ್ಕುರು ಸೆರೆಯಾವನಾನ ನಟ್ಟು ವಿಷಯತ್ಕುರು ನೀನು ನಾಚಿಕೆ ಪಡ್ದೇ ದೌರ್ ಬಲತ್ಕಾನುಸಾರವಾಯಿ ಸುವಾರ್ತೆ ವಿಷಯತ್ಕುರು ಉಂಟಾನ ಶ್ರಮೆಕುರು ಪಾಲುಗಾರನಾಯಿಕ್ರ
9 ಅದು ನಗ್ಟ ಕ್ರಿಯೆತ್ಕಾಯಿಲ್ಲ , ತಟ್ಟು ಸ್ವಂತ ಸಂಕಲ್ಪ ಕೃಪೆ ಪ್ರಕಾರ ನನ್ನ ರಕ್ಷಿಸಿ ಪರಿಶುದ್ದವಾಯಿ ನನ್ನ ಹಗ್ಸುಸು .ಅದು ಜಗದುತ್ಪಾತ್ತಿ ಮುನ್ನೆ ಆ ಕೃಪೆನ್ನ ಕ್ರಿಸ್ತ ಯೇಸುಕುರು ನಂಕು ಅನುಗ್ರಹಿಸಿಯಿದು .
10 ಇಪೋದು ನಂಗ್ಟಾ ರಕ್ಷಕನಾನ ಯೇಸು ಕ್ರಿಸ್ತನ ಪ್ರತ್ಯಾಕ್ಷತೆ ಇಂಡು ಅತಾತೆಯ ಪ್ರಕಾಶ ಸೈಯಾಕು . ಅದು ಮರಣಾನ ನಿವೃತ್ತಿ ಸೆಂದು ಸುವಾರ್ತೆ ಇಂಡು ಜೀವನ ನಿರ್ಲಯತ್ವನ್ನ ಪ್ರಕಾಶಗೊಳಿಸಿದು
11 ಇತ್ಕೊಸ್ಕಾರ ನಾನು ಸಾರ್ರವಾನಾಯಿ ಅಪೋಸ್ತಲನಾಯಿ ಅನ್ಯಾಮಂದಿಕಿ ಉಪದೇಶಕನಾಯಿ ನೇಮಿಸಲ್ಪಟ್ಟಿರೆ .
12
13
14
12 ಇತಿಂಡೆ ಈ ಶ್ರಮೆನ್ನ ಅನುಭವಿಸ್ತಾ ಇರೇ ;ಆನೇಕು ನಾನು ನಾಚಿಕೆಪಡ್ಮಾಟೆ ; ಎಂತ್ಗಿನ್ಡೆಕೆ ನಾನು ನಂಬಿಕ್ರದು ನಾಂಕು ಗೊತ್ತು ,ನಾನು ಅತ್ಗು ಒಪ್ಪಿಸಿಕ್ರದು ಅದು ಆ ದೀನಾತ್ಕುರು ಕಾಪಾಡ್ರುಕು ಶಕ್ತನಾಯಿದೋ ದೃಡವಾಯಿ ನಂಬಿರೆ .
13 ನೀನು ಕ್ರಿಸ್ತ ಯೇಸುಕುರು ನಂಬಿಕೆ ಪ್ರೀತಿ ಉಳ್ಳವನಾಯಿ ನನ್ನಿಂಡು ಕೊಟ್ಟ ಸ್ವಸ್ಥ ವಾಕ್ಯತ ಕ್ರಮನ್ನ ಬಿಗಿಯಾಯಿ ಪುಡ್ಸಕೋ
14 ನಂಕುರು ವಾಸವಾಯಿಕ್ರ ಪವಿತ್ರಾತ್ಮನಿಂಡು ನಿಂಗುಲ್ಕು ಒಪ್ಪಿಸಲ್ಪಟ್ಟ ಆ ನಾಲ್ಲತ ನೀನು ಕಾಪಾಡು.
15
16
17
18
15 ಆಸ್ಯಾ ಸೀಮೆಕುರು ಇಕ್ರಗಾದೇರು ನನ್ನ ಉಟೋಟ್ಟು ಹೊಸ್ನು ಇಗ್ರದು ನಿಂಕು ಗೋತಿದು ;ಅಲ್ಕುರು ಪುಗೆಲನು ಹೆಮೊರ್ಗೆನನೋ ಸೇರಿಂಚ್ ನು .
16 ಒನೆಸಿಪೋರನ ಉಟಾಲ್ಕಿ ಕರ್ತನು ಕರುಣೆ ಕಟೊಟ್ಟು .ಯೆಂತ್ಗಿಂಡೆಕೆ ಅದು ಶ್ಯಾನ್ನ ರಾಕ ಉತ್ತೇಜನ ಪಡ್ಸಿದು .ನಟ್ಟು ಬೇಡಿಕಿ ನಾಚಿಕೆಪಡುಲ್ಲ.
17 ಆನೇಕೆ ಅದು ರೋಮ್ ಕುರು ಇಕ್ರಪೋದು ಶ್ಯನ್ನ ಶ್ರದ್ದೆಕುರು ನನ್ನ ದೋವಿ ಪಾಚು .
18 ಅದು ಆಮಾನು ಕರ್ತನ ಕರುಣೆನ್ನ ಕಂಡೀಗ್ರಕಾನಿ ಕರ್ತನು ಆತ್ಗು ದಯಾ ಪಾಲ್ಸೋಟ್ಟು .ಎಪೆಸತ್ಕುರು ನಂಕು ಎದ್ನು ಉಪಾಚಾರ ಸೆಂಚು ಇಗ್ರದು ನಿಂಕು ನಲ್ಲುಗು ಗೊತ್ತಿದು.