ಅದ್ಯಾಯ 2
1
2
1 ಇತಿಂಡು ನಾಟ್ಟು ಮೌನ್ನೇ ,ನೀನು ಕ್ರಿಸ್ತ ಯೇಸುಕುರುಯಿಕ್ರ ಕ್ರುಪೆಕುರು ಬಲವಾಯಿರು.
2 ಶ್ಯನ್ನ ಸಾಕ್ಷಿಲ್ ಮುಂಕು ನೀನು ನನ್ನಿಂಡು ಕೊಟ್ಟತ ಬೇರೆಲ್ಕಿ ಬೋದಿಸ್ರ ಶಕ್ತನಾನ ನಂಬಿಗಸ್ತ ಮನುಷ್ಯಾರ್ಕು ಒಪ್ಪಿಸಿಕುಡು.
3
4
5
3 ಆತಿಂಡು ನೀನು ಯೇಸು ಕ್ರಿಸ್ತನ ನಾಲ್ಲ ಸೈನಿಕನ್ಕಾನಿ ಶ್ರಮೆನ್ನ ಅನುಭವಿಸು .
4 ಯುದ್ದತ್ಕು ಹೋಗ್ರದು ಈ ಜೀವತ ವ್ಯವಹಾರತ್ಕುರು ಸಿಕ್ಕಿಗ್ದೆ ತಂತ ಸೈನಿಕನಾನಿ ಆರಿಸಿಕೊಂದತ ಮೆಚ್ಚುಸುರ್ಕು ಪ್ರಯಾಸಪಡಕು .
5 ಇದಲ್ಲದೆ ಯೆದನ್ನ ಪ್ರವೀಣತೆಕಾಯಿ ಹೊರಡ್ರಪೋದು ನಿಯಮತ ಪ್ರಕಾರ ಹೊರಡ್ದೇಯಿಂದೇಕೆ ಅತ್ಗು ಕಿರೀಟ ಸಿಗ್ದಿಲ್ಲ.
6
7
6 ಪ್ರಯಾಸ ಪಡ್ರ ವ್ಯವಸಾಯಗಾರನು ಫಲತ್ಕುರು ಮುನೇ ಪಾಲುಗಾರನಗ್ರದು .
7 ನಾನು ಸೊಂಡ್ರತ ಯೋಚಿಸು ;ಕರ್ತನು ಆದಿಕುರು ;ಕರ್ತನು ಆದಿಕುರು ನಿಂಕು ವಿವೇಕನ ದಯಾಪಾಲಿಸೊಟ್ಟು .
8
9
10
8 ನನ್ನ ಸುವಾರ್ತೆಕನುಸಾರವಾಯಿ ದಾವಿದನ ವಂಶದಾಯಿಕ್ರ ಯೇಸುಕ್ರಿಸ್ತನು ಸೇತಲಿಂಡು ಹದಿಂಡಿಕ್ರದಿಂಡು ಜ್ಞಾಪಾಕ ಸೇದ್ಗೋ.
9 ಇತ್ಕುರು ನಾನು ಕಷ್ಟನುಬಾವಿಸಿ ದುಷ್ಟರ್ಮಿಯ ಸಂಕೋಲೆಯಿಂಡು ಕಟ್ಟಲ್ಪತವನ್ನಾಯಿರೆ .ಆನೇಕೆ ದೌರ್ ವಕ್ಯತ್ಗು ಬಂದಯಿಲ್ಲ .
10 ಅತಿಂಡು (ದೌರು ) ಆರಿಸ್ಗೊಂಡಿಕ್ರಲ್ನ ಸಹ ಕ್ರಿಸ್ತ ಯೇಸುಕುರು ರಕ್ಷಣೆನ್ನ ನಿತ್ಯ ಪ್ರಬಾವ ಸಹಿತವಾಯಿ ಹೊಂದುರ್ದುಯಿಂಡು ನಾನು ಅಲ್ಕೊಸ್ಕರ ಆದಿನ್ನು ತಾಳಿಗ್ಯಾರೆ.
11
12
13
11 ಇದು ನಮ್ರದು ಎಂದಯಿಂಡೆಕೆ ನಂಗ ಆತೆಂಟಿ ಸೇತಿನ್ದೇಕೆ ಅತೆಂಟಿ ನಂಗ ಪಕ್ಯರೋ .
12 ನಂಗ ಬಾಧೆಪಡ್ರವರಾಯಿಂದೇಕೆ ಆತೆಂಟಿ ನಂಗ ಹಗರೋ ;ಆತನ್ನ ಆಲ್ಲಗಳ್ಜೆಕೆ ಆತನು ಸಹ ನಂಗುಲ್ನ ಅಲ್ಲಗಳೆಯಾಕು .
13 ನಂಗ ಅಪನಂಬಿಕೆಯುಳ್ಳವಾರಯಿದೇಕು ಅದು ನಂಬಿಗಸ್ತನಾಯಿಕಕು ;ಅದು ತನ್ನ ತಾನು ಅಲ್ಲಗಲಿದಿಲ್ಲ.
14
15
14 ಈ ವಿಷಯನ ಅಲ್ಟ್ ಜ್ಞಾಪತ್ಗು ಅತೆರ್ದು. ಕೊಕ್ರಲ್ಕು ಕೇಡು ಸೈದೆದೇ ಉಟೆಕೆ ಏದು ಪ್ರಯೋಜನವಗ್ದೆಯಿಕ್ರ ವಾಗ್ವಾದ ಸೈಬಾರ್ದುಯಿಂಡು ಆಲ್ಕಿ ಕರ್ತನ ಮುಂಕು ಖಂಡಿತವಾಯಿ ಸೋನ್ನು
15 ನೀನು ದೌರ್ ಕು ಯೋಗ್ಯನಾಯಿ ಕಂಗುರ್ಕು ಅಭ್ಯಾಸ ಸೈಯಿ , ಅವಮಾನತ್ಗು ಗುರಿಯಾಗ್ದೆಯಿಕ್ರ ಪಾನಿನ ಸತ್ಯವಾಕ್ಯನ ಸರಿಯಾಯಿ ಸೈರವನಾಯಿರು.
16
17
18
16 ಆನೆಕೆ ಅಶುದ್ದವಾನ ಹರಟೆ ಒಕುನ್ನ ನಿರಾಕರ್ಸು ;ಅತಿಂಡು ಶ್ಯಾನ್ನಶ್ಯನ್ನಾ ಭಕ್ತಿಹೀನತೆ ಹಾಗ್ದು .
17 ಆಲ್ಟ್ ಒಕು ವ್ರನವ್ಯಾದಿಕಾಣಿ ತಿಗ್ಗಾಕು ;ಅಲ್ಕುರು ಹುಮೆನಾಯನೋ ಪಿಲೇತನು ಇನು ;
18 ಆಗ್ಯ ಪುನರುಸ್ಥಾನ ಅಪೋದೆ ಆಸುಯಿಂಡು ಸೊಂತ ಸತ್ಯಭ್ರಷ್ಟನಾಯಿ ಸ್ವಲ್ಪಮಂದಿತ ನಂಬಿಕೆನ್ನ ಕೆಡ್ಸಾಕು.
19
20
21
19 ಆನೇಕೆ ದೌರ್ ತ್ತ ಆಸ್ತಿವಾರ ಖಂಡಿತವಾಯಿ ನಿಕ್ಯಕು .ಅತ್ ಮೇನಿ ತಗ್ಜಯಿಕ್ರದು ಎದುಯಿಂಡು ಕರ್ತನು ತಿಳ್ಜಿದು ಕ್ರಿಸ್ತನ ನಾಮನ್ನ ಸೋನ್ನುಗ್ರಲದೆರು ದುಷ್ಟತ್ವನ್ನ ಉಟೋಡ್ರುದು ಇಗ್ರ ಮುದ್ರೆಯಿದೆ .
20 ಬೇರ್ ಉಟ್ಟಕುರು ಬೆಳ್ಳಿ ಬಂಗಾರ ಡಬ್ರಿಗ ಅಲ್ಲದೆ ಮನುಟ ಡಬ್ರಿಗ್ಯ ಇಕಕು ;ಕೆಲವು ಗೌರತ್ಗು ಕೆಲವು ಅಗೌರವತ್ಕು ಇಕಾಕು .
21 ವಂಡು ತನ್ನ ತಥತಿಂಡು ಶುದ್ದಪಡ್ಸಗೊಂಡೆಕೆ ಅದು ಪ್ರತಿಷ್ಟಿತನು ಯಜಮಾನ ಹಂಚುಗು ಯೋಗ್ಯನು ಸಕಲ ಸತ್ಕಾರ್ಯತ್ಗು ಸಿದ್ದನಾಯಿಂದು ಗೌರವ್ವತ್ಗು ಪಾತ್ರನಾಯಿಕಕು.
22
23
22 ಯೌವನ ಇಚ್ಚೆತಿಂಡು ಓಡಿ ಹೋ ;ಶುದ್ದ ಹೃದಯಯುಳ್ಳರಯಿ ಕರ್ತನಾನ ಬೇಡಿಗ್ರಲ್ ಲೆಂಟ್ಟಿ ನೀತಿ ವಿಶ್ವಾಸ ಪ್ರೀತಿ ಸಮಾದನ್ನ ಇತಾತೆಯಾ ಅನುಸಾರ್ಸು .
23 ಮೂಢರ ಬುದ್ದಿಯಿಲ್ಲದೆಯಿಕ್ರಲ ವಿಚಾರ ಜಗಳತ್ಗು ಕಾರಣವಾಯಿದು ಇಂಡು ತಿಳ್ಜು ಅತ್ರ ಸವಾಸ್ತಗು ಹೋಗ್ಮಾನ.
24
25
26
24 ಕರ್ತನ ಸೇವಾಕನು ಜಗಳ ಸೈದೆ ಆದೆರ್ ವಿಷಯತ್ಕುರು ಮಾದರಿಯಾಯಿ ಬೋದಿಸ್ರತ್ಕುರು ಪ್ರವೀಣನು ತಾಳ್ಮೆಯುಳ್ಳವಾನಾಯಿ ಇರು .
25 ಎದುಸ್ರಲ್ನ ಸಾತ್ವಿಕತ್ವತಿಂಡು ತಿದ್ರದು ಆಯಿರು .ವಂಡು ಸಮಯತ್ಕುರು ಆ ಎದುರಿಸ್ರಲ್ನ ಪಶ್ಚಾತ್ತಾಪತಿಂಡು ಸತ್ಯತ ತಿಳಿವಾಲಿಕೆನ್ನ ಅಲ್ಕಿ ಕೊಡ್ಕಾಕು .
26 ಸೈತಾನ ಉರ್ಲುಕು ಬುದ್ದು ಅತ್ರ ಇಷ್ಟತಿಂಡು ಸೆರೆಯಾಯಿ ಹೋನಾ ಈಗ್ಯ ವಂಡು ಸಮಯತ್ಕುರು ಎಚ್ಚರವಾಕ್ನೋ .