¹ .ದೇವುಡ ಬಿಡ್ಲುಅನಾ ಪೇರ್ನಿ ಮಾಕಿ ಇಚ್ಛೆದಾಂಟ್ಲಾ ತಂಡ್ರಿಯು ಇಟ್ಟ ಪ್ರೀತಿನ್ನಿ ಮಾ ಪೈನಾ ಪೆಟ್ನಾಡು ಸೂಡಂಡಿ;ಮಾಮು ಆತುಡ ಬಿಡ್ಲಿಆಯ್ನಾಮು.ಇ ಕಾರಣಂನ್ನಿಂಕ ಆಯ್ತೆ ಲೋಕಮು ಮಮ್ಮಲ್ನಿ ತಿಳುಚ್ಗನೆಲೇದು, ಆದಿಆತುಡ್ನಿ ತಿಲುಚ್ಗಲೇದುಕದ. ² .ಪ್ರೀಯಲೇ,ಇಪ್ಡು ದೇವುಡ ಬಿಡ್ಲುಆಯ್ನಾಮು;ಮುಂದ್ರ ಮಾಮು ಇಮೈತಾಮೋ ಆದಿ ಇಂಕ ಪ್ರತ್ಯಕ್ಷಂಕಾಲೇದು.ಕ್ರೀಸ್ತುಡು ಪ್ರತ್ಯಾಕ್ಷಡೈತೆ ಮಾಮು ಆತುಡ ಆಯ್ನಾಮುಅನಿ ತಿಲುಸ್ನಾಮು; ³ .ಎಂದ್ಗೂ ಅಂಟ್ ಆತುಡುoಡ ಪ್ರಕರಮೆ ಎಂದ್ಗೂಅಂಟೆ ಆತುಡುoಡ ಪ್ರಕಾರಮೆ ಆತುಡ್ನಿ ಸೂಸ್ತಾಮು.ಆತುಡಪೈನ ಈ ನೀರೀಕ್ಷೆನ್ನಿ ಪೆಟ್ಟುoಡ ಪ್ರತಿಯೋಕ್ಕಡು ಕ್ರೀಸ್ತುಡು ಶುದ್ದುದೈನ್ನಟ್ಟೆ ತನ್ನಿ ಶುದ್ದoಸೇಸ್ಗಂಟಾಡು. ⁴ .ಪಾಪಂಸೆಸ ಪ್ರತಿಯೋಕ್ಕಡು ಅಧರ್ಮoನ್ನಿ ಸೇಸಟ್ಟವಾಡೈನಡು;ಪಾಪ್ಮು ಅಧರ್ಮಮೇ. ⁵ . ಪಾಪಾಲ್ನಿ ಅಮ್ಪೆದಾನ್ಗಿಆಯಿ ಕ್ರೀಸ್ತುದು ಪ್ರತ್ಯಾಕ್ಷಡೈನಾಡನದಿಮೀಕಿ ಗೊತ್ತೈನಾದಿ;ಆತುಡ್ಲಾ ಪಾಪಂಲೇದು. ⁶ .ಆತುಡ್ಲಾ ನೆಲೆಗೊಂಡಾಡು ಪಾಪಂ ಸೇಸಲೆದು;ಪಾಪಂ ಸೇಸವಾಡು ಆತುಡ್ನಿ ಕನ್ನವಾಡು ಕಾದು,ತಿಳುಚ್ನವಾಡುಕಾದು. ⁷ .ಪ್ರೀಯಲೈನಾ ಬಿಡ್ಲೇ ಮಿಮ್ಮಲ್ನಿ ಮಂಚಿಮಾರ್ಗಂನ್ನಿಂಕ ತಪ್ಪಿಚ್ಚಕ್ಕಿ ಯವ್ವಲ್ಗು ಅವಕಾಶಂ ಇಯ್ಯದಂಡ್ಡಿ.ಕ್ರೀಸ್ತುಡು ಇಟ್ಟ ನೀತಿವಂತಡುಅಯ್ಯಾನಾನೂ ಅಟ್ಟೆ ನೀತಿನ್ನಿ ಅನುಸರಿಚ್ಚವಾಡು ನೀತಿವoತುಡೈನಾಡು. ⁸ .ಪಾಪಂಸೇಸವಾಡುಸೈತಾನ್ಮುಡ್ನೀoಕ್ಕ ಪುಟ್ನಾವಾಡೈನಾಡು ಆದಿನ್ನಿಂಕಾನು ಸೈತಾನುಡು ಪಾಪಂಸೇಸೋಡೈನಾಡುಕದ.ಸೈತಾನುಡ ಕೆಲ್ಸಾಲ್ನಿ ಲಯಂಸೇಸದಾನ್ಗೋಸ್ಕರಂ ದೇವಕುಮಾರುಡು ಪ್ರತ್ಯಾಕ್ಷಡೈನಾಡು. ⁹ ದೇವುಡ್ನಿಂಕ ಪುಟ್ನವಾಡು ಪಾಪಂಸೇಸಲೆದು;ದೇವುಡ ಜೀಮು ವಾಡ್ಲಾ ನೆಲೆಗೊಂಡಿoದ್ದಿ.ವಾಡು ದೇವುಡ್ನಿಂಕ ಪುಟ್ನಾ ಕಾರಣಂ ಪಾಪಂಸೇಸವಾಡುಕಾದು. ¹⁰ .ಊಳು ದೇವುಡ ಬಿಡ್ಲುಅನೇದಿ ವಾಳು ಸೈತಾನುಡ ಬಿಡ್ಲುಅನಿ ದೀನ್ನಿಂಕ ವ್ಯಕ್ತಂಆಯ್ತಾದಿ.ನೀತಿನ್ನಿ ಅನುಸರಿಚ್ಗುನ್ನವಾಡು ತನ್ನ ಸಹೋದುರುಡ್ನೀ ಪ್ರೀತಿಚ್ಗುನ್ನವಾಡು ದೇವುಡ್ನಿಂಕ ಪುಟ್ನೋಳುಕಾದು. ¹¹ .ಮೀಮು ಒಕ್ಕಾನೋಕ್ಕಳು ಪ್ರೀತಿಚ್ಚಾಲನೆದೆ ಮೀಳು ಮೊಡ್ಲಿನಿಂಕಾನು ಇನಿನಾ ವಾಕ್ಯಂಆಯ್ನಾದಿ. ¹² . ಕೆಡುಕುಡ್ನಿoಕ ಪುಟ್ಟಿ ತನ್ನ ತೊಮ್ಮುಡ್ನೀ ಸಂಪೆಸ್ನಾ ಕಾಯಿನುದಟ್ಟೆಮನ್ಮು ಉಂಡೆಗುಡ್ದು. ಯಾವ ಕಾರಣಂನ್ನಿಂಕ ವಾಡ್ನಿ ಸಂಪೆಸ್ನಾಡೋ?ತನ್ನ ಕ್ರುತ್ಯಾಲು ಸೆಡ್ಡವಿ ತನ್ನ ತೊಮ್ಮುಡ ಕೃತ್ಯಾಲು ನೀತಿಗಿ ಸರಿಆಯ್ನಾವಿಲು ಆಯ್ನಾದಾನ್ನಿನ್ಕಾನೆ ¹³ .ಸಹೋದರುಲೇ,ಲೋಕಮು ಮಿಮ್ಮಲ್ನಿ ದ್ವೆಷಿಸ್ತೆ ಆಶ್ಚರ್ಯಂಪೋಡದoಡ್ಡಿ. ¹⁴ .ಮನ್ಮoತ್ತು ಕ್ರೈಸ್ತಸಹೋದರಲ್ನಿ ಪ್ರೀತಿಚ್ಚವಾಳೈನಂದ್ಗು ಮರಣಂನ್ನಿಂಕ ಪಾರೈ ಜೀಮ್ಲಾ ಸೇರ್ನಾಮುಅನೆದಿ ಮನ್ಗಿ ಗೊತ್ತೈನದಿ.ಪ್ರೀತಿಚ್ಗುoಡ ಉಂಡೆವಾಡು ಮರಣಂನ್ನಿಂಕಾನೆ ಉಂಡಡು. ¹⁵ .ತನ್ನ ಸಹೋದುರುಡು ದ್ವೇಷಿಚ್ಚವಾಡು ಕೊಲೆಗಾರುಡೈನಾಡು,ಮಲಿ ಯಾವ ಕೊಲೆಗಾರುಡ್ಲಾನು ನಿತ್ಯಜೀಮು ಉಂಡೆಲೇದುಅನಿ ಮೀಕಿ ಗೊತ್ತೈನದಿ. ¹⁶ .ಕ್ರೀಸ್ತುಡು ಮನ್ಗೊಸ್ಕರಂ ತನ್ನ ಪ್ರಾಣಂನ್ನಿ ಇಚ್ಚಿoದಾಂಟ್ಲಾನೇ ಪ್ರೀತಿಇಟ್ಟದನಿ ಮನ್ಗಿ ತಿಳ್ಚಿವಚ್ಚಿಂದಿ.ಮನ್ಮುಸಹ ಸಹೋದಲ್ಗೊಸ್ಕರಂ ಮನ ಪ್ರಾಣಾಲ್ನಿ ಇಚ್ಚ ಹಂಗ್ಲಾಉಂಡಮೈನಾವಿ. ¹⁷ .ಈ ಲೋಕಂನ್ನ ಸಂಪತ್ತುoಡ ಯವ್ವಡೈನಾನು ಕೊರತೆಲಾ ಪೋಡುಂಡ ತನ್ನ ಸಹೋದರುಡ್ನಿ ಸೂಸಿ ಕರುಣಿಚ್ಗುಂಡ ಉಂಡ್ಸುತೆ ದೇವುಡಪ್ರೀತಿಯು ವಾಡ್ಲಾ ನೆಲೆಗೊಂಡುಡೆದುoಟ್ಟೆ? ¹⁸ .ಪ್ರೀಯಲೈನಾ ಬಿಡ್ಡುಲೇ,ಮನ್ಮು ಬರಿಮಾಟ್ಲಾನ್ನಿಂಕಾನು ನೋಟುಪಚಾರಂನ್ನಿಂಕಾನು ಪ್ರೀತಿಚ್ಚವಾಳುಕಾಗುಡ್ದು;ಮೀ ಪ್ರೀತಿಯು ಕೃತ್ಯಾಲಾನು ಸತ್ಯಂಲಾನು ಸೂಪಾಲ. ¹⁹ .ಮನ್ಮು ಸತ್ಯಾಂಗಿ ಸೇರ್ನಾವಾಳುಅನಿ ದೀನ್ನಿನ್ಕಾನೆ ಮನ್ಗಿ ತಿಳುಸ್ತಾದಿ. ²⁰ .ಮಲಿ ಮನ ಹೃದಯಾಮು ಯಾವ ವಿಷಯಂಲಾನು ಮನ್ಮುಲ್ನಿ ದೋಷಿಲನಿ ನಿರ್ನಾಯಿಚ್ನಾನು ದೇವುಡು ಮನ ಹೃದಯನ್ಗಿಂತ ಪೆದ್ದೋಡುಆಯಿoಡ್ಡಿ ಅಂತದಾನ್ನಿ ತಿಳುಚ್ನಾವಾಡೈನಾದನಿ ಮನ್ಮು ತಿಳ್ಚಿ ದೇವುಡ ಸಮಕ್ಷಮಂಲಾ ಮಾ ಹೃದಯಂನ್ನಿ ಸಮಾಧಾನಂಪಡ್ಬಿಚ್ನಾಮು. ²¹ .ಪ್ರೀಯಲೇ,ಮನ ಹೃದಯನಮು ಮಮ್ಮಲ್ನಿ ದೂಷಿಲನಿ ನಿರ್ಣಯಿಚ್ಗುಂಡಉಂಟೆ ಮಾಕಿ ದೇವುಡ ವಿಷಯಂಲಾ ದೈರ್ಯಂಮುಂಟು. ²² .ಮಲಿ ಮಾಮು ಆತುಡ ಆಜ್ಞೆಲ್ನಿ ಸೈಗನಿ ಆತುಡ ಎಣಿಕೆಲಾ ಮೆಚ್ಚಿಕೆಆಯ್ನಾ ಕಾರ್ಯಾಲ್ನಿ ಸೇಸವಾಲೈನದಾನ್ಗು ಏಮಿ ಬೇಡ್ಗಂನ್ನಾನು ಆತುಡ್ನಿoಕ ಹೊಂದುತಾಮು ²³ .ದೇವುಡ ಆಜ್ಞೆ ಯಾವುದಂಟೆ ಮಾಮು ಆತುಡ ಕೊಡ್ಕೈನಾ ಯೇಸು ಕ್ರೀಸ್ತುಡ ಪೇರ್ನಿ ನಂಬಿ ಕ್ರೀಸ್ತುಡು ಮಾಕಿ ಅಪ್ಪಣೆ ಇಚ್ನ ಪ್ರಕಾರಂ ಒಕ್ಕಳ್ನೋಕ್ಕಲ್ನಿ ಪ್ರೀತಿಚ್ಚಾಲಾನೆದೆ. ²⁴ .ಆತುಡ ಆಜ್ಞೆಲ್ನಿ ಸೈಗನಿ ನಡ್ಸೆವಾಡು ಆತುಡ್ಲಾ ನೆಲೆಗೊಂಡುಟಾಡು,ಆತುಡು ಊಡ್ಲಾ ನೆಲೆಗೊಂಡುಟಾಡು.ಆತುಡು ಮನ್ಗಿ ಅನುಗ್ರಯಿಚ್ನಾ ಆತ್ಮಂನ್ನಿಂಕಾನೆ ಗೊತ್ತುoದಿ.