¹ .ನಾ ಪ್ರಿಯಲೈನಾಬಿಡ್ಲೇ,ಮೀಳು ಪಾಪಂಸೇಯ್ಯೇಗುನ್ನಟ್ಲಾ ಈ ಮಾಟಲ್ನಿ ಮೀಕಿ ರಾಸ್ತಾನು.ಯವ್ವಡೈನಾ ಪಾಪಂಸೇಸ್ತೆ ತಂಡ್ರಿಯ ದೇಗ್ಗರ್ಲಾ ನೀತಿವಂತೂಡೈನಾ ಯೇಸುಕ್ರೀಸ್ತುಡನ ಸಹಾಯಕುಡು ಮಾಕುಂಡಾಡು. ² .ಆತುಡು ಮಾ ಪಾಪಾಲ್ನಿ ನಿವಾರಣಂಸೆಸ ಯಜ್ಞಂಮೈನಾಡು;ಮಾ ಪಾಪಾಲ್ನಿ ಮಾತ್ರoಕಾಗ್ನೆ,ಸಮಸ್ತಂ ಲೋಕಂನಾ ಪಾಪಲ್ನಿ ಸಹ ನಿವಾರಣಂಸೇಸ್ತಾಡು. ³ .ಮಾಮು ಆತುಡ ಆಜ್ಞೆಲ್ನಿ ಸೈಗನಿ ನಡುಸ್ತೆ ದಾನ್ನಿನ್ಕಾನೆ ಆತುಡ್ನಿ ಬಾಲ್ನವಾಲೈನಾಮುಅನಿ ತಿಳುಚ್ಗನ್ನಾಮು. ⁴ .ಆತುಡ್ನಿ ಗುಟ್ಟುಅನಿ ಸೊಪ್ಪಿ ಆಜ್ನೆಲ್ನಿ ಸೈಗನೀ ನಡ್ಸೆವಾಡು ಸುಳ್ಳುಗಾರುಡೈನಾಡು;ಸತ್ಯಂಅನೇದಿ ವಾಡ್ಲಾಲೇದು. ⁵ .ಯವ್ವಡೈನಾನು ಆತುಡ ವಾಕ್ಯಾಮ್ನಿ ಸೈಗನಿ ನಡುಸ್ತೆ ವಾಡ್ಲಾ ನಿಜಂಗ ದೇವುಡ ಪೈನಾ ಪ್ರೀತಿಯ ಪರಿಪೂರ್ಣಂಮೈಂದಿ.ದೀನ್ನಿನ್ಕಾನೆ ಆತುಡ್ಲಾಉಂಡಾಮನಿ ತಿಳುಚ್ಗoಟಾಮು. ⁶ .ಆತುಡ್ಲಾ ನೆಲೆಗೊನ್ನಮುಅನಿ ಸೋಪ್ಪೆವಾಡು ಕ್ರೀಸ್ತುಡು ನಡ್ಸನಟ್ಟೆ ತಾನು ನಡ್ಸೆದಾನ್ಗಿ ಬದ್ದಡೈನಾಡು. ⁷ .ಪ್ರೀಯಲೇ,ನೀನು ಮೀಕಿ ರಾಸೇದಿ ಕೊತ್ತಅಪ್ಪಣಾಮುಕಾದು,ಮೊದ್ಲಿನ್ನಿಂಕಾನು ಮೀಕುಂಡ ಪಾತ ಅಪ್ಪಣಂಆಯಿಂದಿ;ಈ ಪಾತ ಅಪ್ಪಣಾಮು ಮೀಳು ಇನಿನಾ ವಾಕ್ಯಾಮೆ. ⁸ .ಆಯ್ನೂ ನೀನು ಮೀಕಿ ರಾಸೇದಿ ಕೊತ್ತ ಅಪ್ಪಣೆಯೇ;ಇದಿ ಆತುಡ್ಲಾನು ಮಿಲಾನು ಸತ್ಯಂಗಉಂದಿ;ಇಟ್ಟoಟ್ಟೆ ಸೀಗ್ಟಿಯು ಕಳ್ಸಿಪಾತಾದಿ,ನಿಜಾಂಮೈನ ಎಲ್ಗು ಇಪ್ದು ಪ್ರಕಾಶಿಸ್ತಾದಿ. ⁹ .ಎಲ್ಗುಲಾಉಂಡಮುಅನಿ ಸೋಪ್ಗಾನಿ ತನ್ನ ಸಹೋದುರುಡ್ನೀ ದ್ವೆಶಿಚ್ಚವಾಡು ಇಂತವರ್ಗು ಸೀಗ್ಟಿಲಾಉಂಡಾಡು. ¹⁰ .ತನ್ನ ಸಹೋದುರುಡ್ನೀ ಪ್ರೀತಿಚ್ಚವಾಡು ಎಲ್ಗುಲಾ ನೆಲೆಗಂನಾಡು,ಮಲಿ ವಾಡ್ಲಾ ವಿಘ್ನಕರಂಮೈನಾದಿ ಎಮುಲೇದು. ¹¹ .ತನ್ನ ಸಹೋದುರುಡ್ನಿ ದ್ವೇಷಿಚ್ಚವಾಡು ಸೀಗ್ತಿಲಾಉಂಡಾಡು,ಸೀಗ್ಟಿಲಾ ನಡ್ಸಗoಟಾಡು.ಸೀಗ್ಟಿಲಾ ವಾಡ ಕಂಡ್ನೀ ಕಾನ್ಗುನ್ನ ಅಟ್ಟೆ ಸೇಸದಾನ್ನಿಂಕ ತಾನು ಯಾನ್ಗಿ ಪಾತಾಡೋ ವಾಡ್ಗಿ ಗೊತ್ಲದು. ¹² .ಪ್ರೀಯಲೈನಾ ಬಿಡ್ದಲೇ,ಕ್ರೀಸ್ತುಡ ಪೆರ್ನಾನಿಮಿತ್ತಂ ಮೀ ಪಾಪಾಲು ಕ್ಷಮಿಚ್ಚುoಡದಾನ್ನಿಂಕ ಮೀಕಿ ರಾಸ್ತಾನು. ¹³ .ತಂಡ್ರಿಲೇ,ಆದಿನಿಂಕಉಂಡಾತುಡ್ನಿ ಮೀಳು ತಿಲಿಚ್ನಾದಾನ್ನಿಂಕ ಮೀಕಿ ರಾಸ್ತಾನು.ಯೌವನಸ್ಥುಲೇ,ಮೀಕು ಕೇಡುಕುಡ್ನಿ ಜಯಿಚ್ಚುoಡದಾನ್ನಿಂಕ ಮೀಕಿ ರಾಸ್ತಾನು ಬಿಡ್ಲುoಡ್ಲಾ,ಮೀಳು ತಂಡ್ರಿನ್ನಿ ತಿಲಿಚ್ನಾದಾನ್ನಿಂಕ ಮೀಕಿ ರಾಸ್ತಾನು ¹⁴ .ತಂಡ್ರಿಲೇ,ಆದಿನ್ನಿಂಕ ಉಂಡಾತುಡ್ನಿ ಮೀಳು ತಿಳ್ಚುಂಡದಾನ್ನಿಂಕ ಮೀಕಿ ರಾಸ್ತಾನು.ಯೌವನಸ್ಥುಲೇ,ಮಿಳು ಶಕ್ತ್ಹಲೈನಂದ್ಗು ದೇವುಡವಾಕ್ಯಾಮು ಮೀಲ ನೆಲೆಗೊಂಡುoಡದಾನ್ನಿನ್ಕಾನು ಮೀಳು ಕೆಡುಕುಡ್ನಿ ಜಯಿಚ್ಚುಂಡದಾನ್ನಿನ್ಕಾನು ಮೀಕಿ ರಾಸ್ತಾನು. ¹⁵ .ಲೋಕಂನ್ನಿಕಾನಿ ಲೋಕಂಲಾಉಂಡವುಟ್ನೀಕಾನಿ ಪ್ರೀತಿಚ್ಚದಂಡ್ಡಿ.ಯವ್ವಡೈನಾನು ಲೋಕಾಮ್ನಿ ಪ್ರೀತಿಸ್ತೆ ತಂಡ್ರಿಪೈನಾ ಪ್ರೀತಿಯು ವಾಡ್ಲಾಲೇದು. ¹⁶ .ಲೋಕಂಲಾಉಂಡ್ನಾ ಶರೀರಂಆಶ ಕಂಡ್ಲಾಶೆ ಬದ್ಕುಬಾಳ್ನಾಡಂಬo ಈ ಮೊದಲೈನಾವಿ ತಂಡ್ರಿನ್ನಿಂಕ ಪುಟ್ಗುಂಡ ಲೋಕಂನ್ನಿಂಕ ಪುಟ್ನಾವಿಆಯ್ನಾವಿ. ¹⁷ .ಲೋಕಾಮು ದಾನ ಆಶೆಯೂ ಗತಿಸಿಪಾತಾವಿ;ಆಯ್ತೆ ದೇವುಡಚಿತ್ತಂನ್ನಿ ನೇರವೆರಿಚ್ಚವಾಡು ಎಪ್ಪೇಪ್ದು ಉಂಟಾಡು. ¹⁸ .ಬಿಡ್ಲುಡ್ಲಾ,ಇದಿ ಕೊನೆಗಳಿಗೆಆಯ್ನಾದಿ;ಕ್ರಿಸ್ತವಿರೋಧಿ ವಸ್ತಾಡುಅನಿ ಮಿಳು ಇನ್ನಾಳುಅಂತೆ; ಇಪ್ದು ಕ್ರಿಸ್ತವಿರೋಧಿಗಳು ನಿಂಡಮಂದಿ ಲೆಸ್ನಾರು;ದೀನ್ನಿಂಕ ಇದಿ ಕೊನೆ ಗಳಿಗೆಆಯ್ನಾದಿ ಅನಿ ತಿಳ್ಚುಗಂಟಾನಿ. ¹⁹ .ವಾಳು ಮಮ್ಮಲ್ನಿ ಉಡ್ಸಿಎಲ್ಲಿಪೈನಾರು,ಆಯ್ತೆ ವಾಳು ಮಾವಾಲೈoಡ್ಲೆ. ವಾಳು ಮಾವಾಳೈoಟೆ ಮಾ ಜೋತ್ಲಾನೆ ಉಂಟಾವುಂಡ್ರಿ ,ಆಯ್ತೆ ವಾಳು ಮಮ್ಮಲ್ನಿ ಉಡ್ಸಿಪಾಯ್ನದ್ಗು ಕ್ರೀಸ್ತುಲುಅನ್ಬಿಚ್ಗನ್ನವಾಳoದ್ರುಮಾವಾಳುಕಾದುಅನಿ ಸ್ಪಷ್ಟoಗ ಸೂಪಿವಚ್ಚ. ²⁰ .ಮಿಳು ಪವಿತ್ರಂಆಯ್ನಾವಾಡ್ನಿಂಕ ಅಭಿಷೆಕಂನ್ನಿ ಹೋದ್ನಾವಾಳೈ ಅಂದ್ರೂ ತಿಳುಚ್ನಾವಾಳೈನಾರು. ²¹ .ಮೀಳು ಸತ್ಯಾಮ್ನಿ ತಿಳುಚ್ನಾಳುಅನಭಾವ್ನೆನ್ನಿಂಕಕಾದು,ಮೀಳು ದಾನ್ನಿ ತಿಳ್ಚುಂಡದಾನ್ನಿನ್ಕಾನು ಯಾವ ಸುಳ್ಳು ಸತ್ಯಂನ್ನಿಂಕ ಪುಟ್ಟಿವಚ್ಚೆಲೇದು ಅನೆದಾನ್ನಿ ಮೀಳು ತಿಳುಚ್ನಾದಾನ್ನಿನ್ಕಾನು ಮೀಕಿ ರಸ್ನಾನು. ²² .ಯೇಸುವು ಕ್ರೀಸ್ತುಡು ಕಾದು ಅನೇವಾಡು ಸುಲ್ಲುಗಾರುಡುಕಾಗಬಾತೆ ಸುಳ್ಳುಗಾರುಡು ಬೇರೆ ಯಾನುಂಡಾಡು?ಯವ್ವಡೈನಾನು ತಾನು ತಂಡ್ರಿನ್ನಿ ಕೊಡ್ಕುನ್ನಿ ಗೊತ್ಲೆದು ಅನಿ ಸೋಪ್ತೆ ವಾಡೆ ಕ್ರಿಸ್ತವಿರೋಧಿ. ²³ .ತಾನು ದೇವುಡಕೊಡ್ಕುಗಿ ಸೇರ್ನಾವಾಡುಕಾದುಅನೇವಾಡು ತಂಡ್ರಿಗಿ ಸೇರ್ನಾವಾಡುಕಾದು;ತಾನು ಕೊಡ್ಕುಗಿ ಸೇರ್ನಾನುಅನಿ ಒಪ್ಗಾನೇವಾಡು ತಂಡ್ರಿಗು ಸೇರ್ನಾವಾಡೈನಾಡು. ²⁴ .ಮೀಲಂತು ಯಾವ ಭೋಧನೇನು ಮೊದ್ಲಿನ್ನಿಂಕ ಇನ್ನಾಲೋ ಆದಿ ಮಿಲಾ ನೆಲೆಗೊಂಡುಡ್ನೀ.ಮೊದ್ಲಿನ್ನಿಂಕ ಮೀಳು ಇನಿನಾ ಬೋಧನೆಮು ಮಿಲಾ ನೆಲೆಗೊಂಡುoಟೆ ಮೀಳು ಸಹ ಕೊಡ್ಕುಲಾನು ತಂಡ್ರಿಲಾನು ನೆಲೆಗೊಂಡುoಟಾರು ²⁵ .ಕ್ರೀಸ್ತುಡು ತಾನು ಇಸ್ತಾನುಅನಿ ಮಾಕಿ ವಾಗ್ದಾನಂಸೇಸಿಂದಿ ನಿತ್ಯಾಜೀಮು. ²⁶ .ಮಿಮ್ಮಲ್ನಿ ಸನ್ಮಾರ್ಗಂನ್ನಿಂಕ ತಪ್ಪಿಚ್ಚಾಲಅನ್ಕಾವುನ್ನವಾಳ ವಿಷಯಂಗ ಈ ಸಂಗತಿಲ್ನಿ ಮೀಲಿ ರಸ್ತಾನು. ²⁷ .ಆಯ್ತೆ ಆತುಡ್ನಿಂಕ ಮೀಳು ಹೋದ್ನಾ ಅಭಿಷೇಕಮು ಮಿಲಾ ನೆಲೆಗೊಂಡುoಡದಾನ್ನಿಂಕ ಯವ್ವಡೈನಾನು ಮೀಕಿ ಉಪದೇಶಂಸೇಸಾದಿ ಅವಶ್ಯಂಲೇದು.ಆತುಡು ಸೇಸ್ನಾ ಅಭಿಷೇಕಮು ಅಂತವಿಷಯಂಲಾನು ಮೀಕಿ ಉಪದೇಶಂ ಸೆಸಅಟ್ಟದೈಯ್ಯಿ ಸತ್ಯಂಆಯ್ನಾದಿ,ಸುಳ್ಳುಕಾದು,ಆದಿ ಮೀಕಿ ಉಪದೇಶಂಸೇಸ್ನಾಪ್ರಕಾರಂಆತುಡ್ಲಾ ನೆಲೆಗೊಂಡುoಡoಡ್ಡಿ. ²⁸ .ಪ್ರೀಯಲೈನಾ ಬಿಡ್ಲೇ,ಆತುಡು ಪ್ರತ್ಯಾಕ್ಷಂಆಯ್ನಾಪ್ದು ಮನ್ಮು ಆಗಮನಂಲಾ ಆತುಡಮುಂದ್ರ ನಿಲ್ಚಗನೆಕಿ ನಾಚ್ಕಪೋಡ್ಗುಂಡ ದೈರ್ಯoನ್ನಿಂಕ ಉಂಡಾಲನಿ ಆತುಡ್ಲಾ ನೆಲೆಗೊಡ್ನಾಮು. ²⁹ .ಆತುಡು ನೀತಿನ್ನಿ ಅನುಸರಿಚ್ಚಪ್ರತಿಯೋಕ್ಕಡು ಆತುಡ್ನಿಂಕ ಪುಟ್ನಾವಾಡೈನಡನೀ ಮೀಳು ತಿಳುಚ್ನಾಲು.