¹ ಮೀಲಾ ಯಾವ್ವಲೈನಾ ಯಾವ್ದೋ ಒಕ್ಕಾದೊಷಂಲಾ ಸಿಕ್ತೆ ಅಟ್ಟವಾಡ್ನಿ ಆತ್ಮುಡ್ನಿಂಕಾ ನಡ್ಪೆನ್ನಾ ಮೀಳು ಶಾಂತಭಾವಂ ನ್ನಿಂಕಾ ತಿದ್ದಿ ಸಂಸೆಯಂ ಡ್ಡಿ .ನುವ್ವೈನಾನು ದುಷ್ಪ್ರೇರಣಾಲ್ಗಿ ಲೋಗಕಾಗುಂಡ ನೀ ವಿಷಯಂಲಾ ಎಚ್ಚರಿ ಕಂಗ ಉಂಡು . ² .ಒಕ್ಕಳು ಮಲೋಕ್ಕಳ ಭಾರಂನ್ನಿ ಮೊಸ್ಗಾನ್ನಿ ,ಇಟ್ಟೆ ಕ್ರಿಸ್ತುಡಾ ನಿಯಮಂಮ್ನೀ ನೆರವೆರ್ಪಡ್ಡಿ . ³ .ಯವ್ವಡೈನಾ ಅಲ್ಪಡೈ ಉಂಡಿ ನಿನುಪೆದ್ದೋಡ ನಿ ಬಾವಿಚ್ಹ೦ಟೆ ತನ್ನನ್ನಿ ತಾನೇ ಮೋಸಗೊಳಿಚ್ಹ ವಾಡೈನಾಡು. ⁴ .ಪ್ರತಿಯೋಕ್ಕಡೂ ತಾನು ಸೇಸ್ನಾ ಪನ್ನಿನಿ ಪರಿಶೋದಿಚ್ನಿ;ಅಪ್ಡು ವಾಡು ತನ್ನನಿಮಿತ್ತಾನ್ನಿಂಕಾಯೇಲೇ . ⁵ ಯಂದ್ಗಂಟೆ ಪ್ರತಿಯೋಕ್ಕಡೂ ಸ್ವಂತ ಮೊರೆನ್ನಿ ಮೊಸ್ಗಾವ್ವಾಲ . ⁶ .ದೇವುಡ ವಾಕ್ಯಂ ಲಾ ಉಪದೇಶಂ ಹೊಂದೆವಾಡು ಉಪದೆಶಂ ಸೇಸೆವಾಡ್ಗಿ ತಾನ್ಗೂo ಡಾ ಅಂತಾ ಮಂಚ್ಚಿವುಟ್ಲಾ ಪಾಲು ಇಯ್ಯ್ನಿ. ⁷ ಮೋಸಂ ಪೋವ್ವಾದಂಡಿ ,ದೇವುಡು ತಿರಸ್ಕಾರಂ ಸಹಿಚ್ಚೆಟ್ಲೇದು ,ಮನುಷ್ಯಡು ತಾನು ಏಮಿ ಪೊಂಡ್ತಾಡೋ ದಾನ್ನೇ ಕೊಯ್ಯಲಾ. ⁸ .ತನ್ನ ಶರೀರಂಭಾವಂನ್ನಿ ಕುರ್ಚ ಪೊಂಡ್ದೆ ವಾಡು ಆಭಾವಂನ್ನಿ೦ ಕಾ ನಾಶಂನ್ನಿ ಕೊಸ್ತಾಡು.ಆತ್ಮುಡ್ನಿ ಕುರ್ಚಿ ಪೊಂಡೆವಾಡು ಆತ್ಮುನ್ನಿಂಕ ನಿತ್ಯಜಿವಂನ್ನಿ ಕೊಸ್ತಾಡು . ⁹ .ಮಚ್ಚಿದಾನ್ನಿ ಸೇಸೆದಾಟ್ಲಾ ಬೇಜಾರ್ ಸೇಸ್ಗಾಗುಂಡಉಂಡ್ದಾಮು ಯಂದ್ಗಂಟೆ ಮನಂಗುದ್ಗುಂಟ್ಟೆ ,ತಕ್ಕ ಸಮಯಂ ಲಾ ಪಸುಲುನ್ನಿ ಕೊಸ್ತಾಮು . ¹⁰ ದಾನ್ನಿಂಕಾ ಸಮಯಂ ಉಂಡಾಲಗ ಅಂದರ್ಗು ಮಂಚಿದಾನ್ನಿ ಸೇತಾ ಮು ;ಮುಖ್ಯಂಗಾ ಒಕ್ಕೆ ಇಂಟ್ತೋ ಲಾ ಕುನ್ನ ಕ್ರಿಸ್ತುನಂಬಿಕೆ ಉಲ್ಲವಾಳ್ಗಿ ಸೇತಾಮು. ¹¹ .ಇನೋ ಸ್ವಂತ ಸೈತ್ನಿಂಕಾ ಎಟ್ಟ ಪೆದ್ದ ಅಕ್ಷರಂಲಾ ಮೀಕಿ ರಾಸ್ತಾ ಉಂಡಾನೋ. ¹² .ಬಹಿರಾಚಾರಲ್ನಿಂಕಾ ಮಾನಂ ಪೋಡಾಲನ್ನು ನ್ನ ವಾಳು ಸುನ್ನತಿ ಸೇಬಿಚ್ಗಂಡ್ಡಿ ಅನೈಯ್ಯ ಮಿಮ್ಮಲ್ನಿ ಬಲ ತ್ಕಾರಿಸ್ತಾರು .ತಮ್ಗಿ ಕ್ರಿಸ್ತುಡಾ ಶಿಲುಬೆಯ ದೆಸೆನ್ನಿಂಕಾ ಹಿಂಸೆಕಾಗುಡ್ದು ಅನ್ನದೆ.ವಾಳ ಉದ್ದೆಶಂ. ¹³ .ಸುನ್ನತಿ ಸೇಬಿಚ್ಚಾನ್ನ ವಾಲೈನಾನೊ ಧರ್ಮಶಾಸ್ತ್ರಮ್ನಿ ಸೈಗನ್ನಿ ನಡ್ಸಾಲೆದು .ವಾಳು ಮೀ ಶರೀರಂ ನಾ ವಿಷಯಂ ಲಾ ಹೆಚ್ಚಳ ಪೊಡೆದ ನ್ಗಿಗೈ ಮೀಕಿ ಸುನ್ನತಿ ಕಾವಲನಿ ಅಪೇಕ್ಷಿಸ್ತಾರು. ¹⁴ .ನಾಕೈನಾನೋ ಮಾ ಕರ್ತುಡ್ ಡೈನ ಯೇಸು ಕ್ರಿಸ್ತುಡಾ ಶಿಲುಬೇಯಂನ ವಿಷಯಂಲಾ ಹೊರ್ತು ಹೆಚ್ಚಳ ಪೋಡೆದೆ ವದ್ದೇಕೆ ವದ್ದು .ಆತುಡ ಮೂಲ್ಕ ಲೋಕಮು ಶಿಲುಬೇಗಿ ಎಬಿಚ್ಗಾನ್ನಿನಾ ಪಾಲ್ಗಿ ಸಚ್ಹಿಂದ್ದಿ ನೀನು ಶಿಲುಬೇಗಿ ಎಬಿಚ್ಗಾನ್ನಿ ಲೋಕಂನಾ ಪಾಲ್ಗಿ ಸಂಚ್ಹೇನು. ¹⁵ .ಸುನ್ನತಿ ಯಾಯೇದಾ೦ ಟ್ಲಾ ಎಮುಲೇದು ಸುನ್ನತಿ ಕಾಗುಂಡ ಉಂ ಡ್ದೆದಾಂಟ್ಲಾ ನು ಎಮುಲೇದು ಸುನ್ನತಿ ಕಾಗುಂಡ ಉಂಡೆದಾ೦ಟಲ ನೂ ಎಮುಲೇದು ;ಕೊತ್ತಸೃಷ್ಟಿಯೇ ಕಾವಲ . ¹⁶ .ಈ ಸುತ್ರಾನ್ಗಿ ಸರಿಯ್ಯಾಂಗ ನಡೆವಾಳ೦ದ್ರೂ ಗೂ ಅಂಟ್ಟೆ ದೇವುಡು ಇಸ್ರಾಯೇಲಲ್ಗಿ ಶಾಂತಿಯು ಕರುಣೆಮು ಕಾನಿ. ¹⁷ .ಇಂಕಾ ಪ್ಪೈನಾ ನನ್ನಿತೊಂದರೆ ಪಡಿಚ್ಗುಡ್ಡು ನಾ ದೆಹಂಲಾ ಯೇಸುನಾ ಮುಂದ್ರೆಲು ಎಸುಂಟವಿಕದಾ. ¹⁸ .ಸಹೋದರಲೇ ,ಮಾಕರ್ತು ಡೈನಾ ಯೇಸುಕ್ರಿಸ್ತುಡು ಕೃಪಾಮು ಮೀ ಆತ್ಮ ಜೋತ್ಲಾ ಉಂಡ್ನಿ .ಆಮೇನ್.