¹ .ಕ್ರಿಸ್ತುಡೂ ಮಮ್ಮಲ್ನಿ ಸ್ವತಂತ್ರಂ ಲಾ ಪೆಟ್ಟಾಲಾನಿ ಮಾಕಿ ಬಿಡುಗಡೆ ಸೇಸ್ನಾಡು.ದಾನ್ನ ಸ್ಹ್ತಿರಂಗ ನಿಲ್ಬಂಗಡ್ಡಿ ;ದಾಸತ್ವಲಾ ನೋಗಂಲಾ ತಿರ್ಗಿ ಸಿಕ್ಕ ವದ್ದಂಡಿ . ² .ಸೂಡ೦ಡ್ಡಿ.ಪೌಲಡ ನ ನೀನು ಮೀಕಿ ಒಕ್ಕಟ್ಟಿ ಸೋಪ್ತಾನು ಮಿಳು ಸುನ್ನತಿ ಸೇಬಿಚ್ಗಾ ೦ಟೆ ಕ್ರಿಸ್ತುಡ್ನಿ೦ ಕಾ ಮೀಕಿ ಏಮೂ ಪ್ರಯೋಜನಂ ಲೇದು. ³ .ಸುನ್ನತಿ ಸೇಬಿಚ್ಗನ್ನ ಪ್ರತಿಯೋಕ್ಕಡ್ನಿ ಸುವ್ವ ಧರ್ಮಶಾಸ್ರಂ ಲಾ ಸೋಪ್ಪುಂಡ ದಂತ ಸೇಸಾ ಹಂಗ್ಲಾ ಉಂಡಾವು ಅಣಿ ತಿರ್ಗಿ ಪ್ರಮಾಣ ಮೈ ಸೋಪ್ತಾನು. ⁴ .ಮೀಲಾ ಯವ್ವ ಯವುಳು ಕರ್ಮಲ್ನಿಂಕಾ ನೀತಿವಂತಲೂ ಕಾವಲನ್ನು೦ ಟಾ ರೋ ವಾಳು ಕ್ರಿಸ್ತುಡ್ನಿಂಕ ಕಾನಿ ಪಾತಾರು.ಕ್ರುಪಾಶ್ರಯಲೋಗನ್ನಿಂಕಾ ಪೋಡಿಪಾತಾರು . ⁵ .ಮಾಮೋ ದೆವುಡಾತ್ಮ ನ್ನಿಂಕಾ ಮೂಲ್ಕ ನಮ್ಬಿಕೆನ್ನಿಂಕಾ ನಿತಿವಂತಾಲೈನಾಮೋ ಅನೆದಾನ್ಗಿ ನಿರೀಕ್ಷೆ ಸಪಲಂ ಮೈತಾದನಿ ಎದುರು ಸೂಸ್ತಾಮೂ . ⁶ .ಕ್ರಿಸ್ತುಯೇಸುಲ ವುಂಡವಾಳ್ಗಿ ಸುನ್ನತಿ ಯಾಯ್ ನಾನು ಪ್ರಯೋಜನಂಲೆದು ಆನ್ಯನು ಪ್ರಯೋಜನಂಲೆದು .ಪ್ರಿತಿನ್ನಿಂಕಾ ಕೆಲ್ಸಂನಡ್ಪೆ ನಂಬಿಕೆನ್ನಿಂಕಾನೆ ಪ್ರಯೋಜನಂ ಆನ್ನಾದಿ. ⁷ ಬಾಗ ಪರ್ಗಿತ್ತಾ ಉಂಡಾರು;ಮೀಳು ಸತ್ಯಮ್ನಿ ಅನುವರ್ತಿ ಚ್ಗುಂಡ ಯವ್ವಳು ಮಿಮ್ಮಲ್ನಿ ತಡ್ಸಾನ್ನಾರು? ⁸ .ಈ ಭೋಧನಮು ಮಿಮ್ಮಲ್ನಿ ಪಿಲ್ಬಿ ನಾತುಡ್ನಿಂಕ ಪುಟ್ಟಿ೦ ದ್ದಿ ಕಾದು. ⁹ .ಕೊಂಚಂ ಪುಲ್ಪುನ್ನಿಂಕಾ ಕಣಿಕಮಂತ ಪುಲ್ಪು ಆಯ್ಯಾದಿ. ¹⁰ .ನಾಕಂತೂ ಮೀಳು ಬೇರೆ ಅಭಿಪ್ರಾಯಂನ್ನಿ ಪೊಟ್ಟೆ ಲೇದನಿ ಕರ್ತುಡ್ಲಾ ಮಿಮ್ಮಲ್ನಿ ಕುರ್ಚಿ ಭರವಸಂ ಉಂದಿ.ಮೀಲಾ ಭೇದಂಮ್ನೀ ಪುಟ್ಟಿಚ್ಚೆ ವಾಡು ಯವ್ವ ಡೈನಾ ಸರಿಯೇ ವಚ್ಚೆ ದಂಡನಾನ್ನಿ ಅನುಭವಿಚ್ಚಾಡು. ¹¹ .ನಾನೈನಾನು ಸಹೊದರಲೇ ಸುನ್ನಾತಿ ಕಾವಲನಿ ಇಂಕಾ ಸಾರೆವಾ ಡೈನಾನು ಇಂಕಾ ನಾಕಿ ಹಿಂಸೆ ಆಯ್ಯಾದ್ದಿ ಯಂದ್ಗು?ಆಕಾಕ್ಷಂ ಲಾ ಶಿಲುಬೆಯ ದೆಸೆನ್ನಿಂಕಾ ಉಂಟೈನಾ ಆಕ್ಷೆಪಮು ಪೈಯಿಂದ್ದಿಕದಾ? ¹² .ಮಿಮ್ಮಲ್ನಿ ಕಳವಳ ಪಡ್ಬಿಚ್ಹಾವಾಳು ಅಂಗಂಚ್ಹೇದನೆ ನೈನಾನು ಸೇಬಿಚ್ಗಾ೦ಟೆ ವಾಸಿ. ¹³ .ಸಹೋದರಲೇ ಮೀಳು ಸ್ವತಂತ್ರ ಲೈಉಂಡಾಲನಿ ದೇವುಡು ಮಿಮ್ಮಲ್ನಿ ಪಿರ್ಚಿನ್ನಾಡು ಆಯ್ತೇ ಮಿಕುಂಡಾ ಸ್ವಾತಂತ್ರಂ ಮ್ನೀ ಶರೀರದೀನ ಸ್ವಭಾವನ್ಗಿ ಆಸ್ಪದಂ ಮೈ ಬಳಚ್ಗುಂಡ ಪ್ರಿತಿನಿಂಕಾ ಒಕ್ಕಳಿಕೊಕ್ಕಳು ಸೇವೆಸೆಯ್ಯಂಡಿ. ¹⁴ .ನೀ ನೆರೆಯವಾಡ್ನೀ ನಿಲಗಾನೆ ಪ್ರೀತಿಚ್ಚು ಅನ ಒಕ್ಕೆ ಮಾಟ್ಲಾ ಧರ್ಮಾಶಾಸ್ರಂಮ್ಮಂತ ಅಡಕ೦ ಮೈಂದ್ದ್ದಿ. ¹⁵ .ಆಯ್ತೇ ಮೀಳು ಒಕ್ಕಳನ್ನೋಕ್ಕಳು ಕೊಲ್ನಿ ಅಬಿಚ್ಹಿಂಗನಿ ನುಂಗವಾಲೈತೆ ಒಕ್ಕಳ್ನಕ್ಕೊಳಲು ನಾಶಮೈ ಯ್ಯರು. ¹⁶ .ನೀನು ಸೋಪ್ಪೆದೆ ಮಾಂಟೆ ಪವಿತ್ರಾತ್ಮಡ್ನಿ ಅನುಸರಿಚ್ಚಿ ನಡ್ಸಂಡಿ ;ಅಪ್ಪು ನೀ ಮೀಳು ಶರೀರಂ ಭಾವಂನಾ ಅಭಿಲಾಷೆಲ್ನಿ ಎಂತಾ ಮಾತ್ರಾನ್ಗು ನೆರವೇರಿಚ್ಚಲೆದು. ¹⁷ .ಯಂದ್ಗುಂಟ್ಟೆ ಶರೀರಭಾವಂಮೂ ಅಭಿಲಾಷಿಚ್ಹೆದೀ ಆತ್ಮಡ್ಗಿ ವಿರುದ್ದಂ ಮೈಂದ್ಗಿ ಆತ್ಮಡೂ ಅಭಿಲಾಷಿಚ್ಹೆದೀ ಶರಿರಭಾವಾನ್ಗಿ ವಿರುದ್ದಂಮೈ೦ ದ್ನಿ ಮೀಳು ಸೆಸೆ ಇಚ್ಚಿಚ್ಚೆ ದಾನ್ನಿ ಸೇಯ್ಯೆಗುಂಡ ಇವಿ ಒಕ್ಕಟಿ ಗೋಕ್ಕಟ್ಟಿ ಹೊರಾಡ್ತಾವಿ. ¹⁸ .ಆಯ್ತೇ ಮೀಳು ಅತ್ಮಡ್ನಿನಿಂಕ ನಡ್ಪನ್ನ ವಾಲೈತೆ ನೇಮನಿಷ್ಟೇಲ್ಗಿ ಅಧಿನಲು ಕಾದು . ¹⁹ .ಶರೀರಂ ಭಾವಂನಾ ಕರ್ಮಲು ಪ್ರಸಿದ್ದ ಮೈಯ್ಯಿ ಉಂಡಾವಿ;ಯಾವ್ಯಾವ್ವಿ ಅಂಟ್ಟೆ -ಜಾರತ್ವಂ ಬಂಡುತನಂ,ನಾಚ್ನಿಗೆಡಿತನಂ ವಿಗ್ರಹಾರಾಧನೆ ಮಾಟ೦ . ²⁰ .ಹಗೆತನಂ ಜಗಳಂ ಹೊಟ್ಟೆಕಿಚ್ಚಿ ಸಿಟ್ಟು ಕಕ್ಷಭೆದಂ ಭಿನ್ನಮತಂ, ಮತ್ಸರಂ,ಕುಡುಕುತನಂ ,ದುಂದೌತಣಂ ಇಟ್ಟವೆ . ²¹ .ಇವುಟ್ಲಾ ವಿಷಯಂಲಾ -ಇಟ್ಟ ಕಾರ್ಯಾಲ್ನಿ ನಡ್ಸೆವಾಳು ದೇವುಡ ರಾಜ್ಯನ್ಗಿ ಭಾಧ್ಯಲೈಯ್ಯೆ ಲೇದನಿ ನೀನು ಯನ್ನ ಸೋಪ್ಪಿನಟ್ಟೆ ಇಪ್ಡು ಮಿಮ್ಮಲ್ನಿ ಎಚ್ಚರಿಸ್ತಾನು . ²² .ಆಯ್ತೇ ದೆವುಡಾತ್ಮನ್ನಿಂಕಾ ಉಂಟೈಯ್ಯ ಫಲಾ ಮೆಮಂಟ್ಟೆ -ಪ್ರೀತಿ,ಸಂತೋಷಂ, ಸಮಾಧಾನಂ ,ಧಿರ್ಘಾಶಾಂತಿ,ದಯೆ,ಉಪಕಾರಂ,ನಂಬಿಕಾ,ಸಾಧುತ್ವ ,ಶಮದಮೆ ಇಟ್ಟವೇ. ²³ .ಇಟ್ಟವುಟ್ನೀ ಯಾವ ಧರ್ಮಶಾಸ್ತ್ರಮು ಅಪೇಕ್ಷಿಚ್ಚಲೆದು. ²⁴ .ಕ್ರಿಸ್ತ ಯೇಸು ವಾಳು ತಮ್ಮ ಶರೀರಂ ಭಾವಂನ್ನಿ ದಾನ್ನ ವಿಷಯಭಿಲಾಷೆಮು ಸ್ವೆಚ್ಹಾಭಿಲಾಷೆಮು ಸಹಿತ ಶಿಲುಬೇಗಿ ಉಸ್ಸಾನ್ನಾವಾಳು. ²⁵ .ಮಾಮು ಆತ್ಮುಡ್ನಿಂಕ ಜಿವಿಸ್ತು೦ಡಾಗ ಆತ್ಮುಡ್ನಿ ಅನುಸರಿಚ್ಚಿ ನಡ್ತಾಮು. ²⁶ .ಅಹಂಕಾರಿಲು ಒಕ್ಕಳ ನ್ನೋಕ್ಕಲ್ನಿ ಕೆಣ್ಣೆ ವಾಳು ಒಕ್ಕಳ ಪೈನೋಕ್ಕಳು ಮತ್ಸರಂ ಎಲೈವಾಳು ಕಾಗುಂಡ ಉಂಡ್ದಾಮು.