ಅಧ್ಯಾಯಮು-4
1
.ಯಜಮಾನುಲಾ ಪರ್ಲೋಕುಮುಲ ಮೀಕೂ ಯಜಮಾನುಡು ವ್ಕುಡು ವುಂಡಾಡನೀ ತೀಲ್ಸೀ ಮೀ ದಾಸುಲ್ನೀ ನ್ಯಾಯ್ಮಾ ಯುಂಡೆದ್ನೀ ಸರೀಯಯುಂಡೆದ್ನೀ ಸೇಯಂಡ್ರೀ .
2
ಪ್ರಾರ್ತ್ನಮುನೀ ತಪ್ನುನ್ನ ಸೆಸ್ನೋಳಾಯೀ ವಾಳ್ಲ ಎಚ್ರುಮಾಯೀ ದೆವುಡುಕೀ ಕೃತಜ್ಞತ್ಮು ಸುತ್ತೀಲು ಸೇಯಂಡ್ರೀ.
3
ಮಾಕೊಸ್ಕರಮು ಪ್ರಾರ್ತುನ್ಮು ಸೇಯಂಡ್ರೀ ಕ್ರೀಸ್ತುಲು ವೀಷಯಮ್ಲ ದೇವುಡು ತೀಲ್ಚೀಚ್ಚೀನ
4
ಸತ್ಯರ್ತ್ಮುನೀ ಪ್ರಸಂಗೀಚ್ಚೆಕೀ ವಾಡು ಅನ್ಕೊಲ್ಮಾಯೀನ ಸಂದರ್ಬ್ಮೂನೀ ಮಾಕೀ ದಯ್ಮು ಪಾಲೀಂಚೀ ನಾನು ದಾನ್ನೀ ಸೊಪ್ಪೇಕಾಯುಂಡೆ ರೀತೀಲ ತೀಲ್ಚೀ ಚಟ್ಗ ಅನುಗ್ರಹ್ಮ ಸೇಯಲನೀ ಬೇಡ್ಕೊಂಡ್ರೀ ಆ ಸತ್ಯರ್ತ್ಮು ನೀಮೀತ್ಮೇ ನಾನು ಸೆರೆಲವುನ್ದೆಂಕದ.
5
.ಸಮಯುಮ್ನ ಉರ್ಕ ಕಲ್ಕೋಕುನ್ನ ದಾನ್ನೀ ಬೆಲೆ ವುಂಡಾದನೀ ಉಪಯೋಗೀಚ್ಚೀ ಹಕ್ತ್ ರೊಳ್ ಮುಂದ್ರ ಜ್ಞಾನ್ಮುವುಂಡೋಳಾಯೀ ನಡ್ಸ್ಕೊಂಡ್ರೀ
6
.ಮೀ ಸಂಬಾಶುಣ್ಮು ಎಪ್ಪಡೀ ಈಮ್ಪಾಯೀ ರಸವತ್ಮಾಯೀನೂ ಉಂಡ್ನೀ ಈಟ್ತೀ ಮೀರು ಯಾಲೋಳ್ನೀ ಎತ್ತೆಟ್ಟ ರೀತೀಲ ಉಕ್ರಮು ಸೋಪ್ಪೆಲ್ನೋ ದಾನ್ನೀ ತೀಲ್ಸ್ಕೊಂಟಾರು.
7
.ಪ್ರಿಯ ಸಹೋದುರ್ಲಾ ನಂಬೀಗಸ್ತುಡೈನಾ ಸೆವಕುಡು ಕರ್ತುಡುಲ ಜೋತ್ಲ ದಾಸುಡು ಅಯುನ್ಡೀನ ತೊಕ್ಕೀಕುಡು ನಾ ಸಂಗತೀಲುನೀ ಮೀಕೀ ತೀಲ್ಚೀ ಸ್ತಾಡು.
8
.ಮೀರು ನಾ ಸಮಾಚಾರ್ಮುನೀ ತೀಲ್ಸ್ಕೋನಟ್ಗ ವಾಡು ಮೀ ಹೃದಯುಮ್ನೀ ತೀಲ್ಚೀಚ್ಚೆ ಅತ್ಗ ವಾಡ್ನೀ ನಂಬೀಗಸ್ತುಡೈನಾ ಪ್ರೀಯ ಸಹೋದರುಮು ಲಾಯೀನ ಮೀ ಊರೀನ ವನೆಸೀಮುಡೀನ ಜೋತ್ಲ ಅಂಪೀಚ್ನಾನು.
9
.ವಾಳು ಈನ ನಡ್ಸೆ ಸಂಗತೀಲ್ನೀ ಮೀಕೀ ತೀಲ್ಚೀಚ್ನಾರು.
10
.ನಾ ಜೋತ್ಲ ಸೆರೆಯಾಯೀನ ಅರೀಸ್ತಾರ್ಕುಡು ಬಾರ್ನಬುಡ್ನೀ ದಾಯಾಮುಡು ಅಯೀನ ಮಾರ್ಕುಡು ಮೀಕೀ ವಂದನ್ಮು ಸೋಪ್ತಾಡು ಮಾರ್ಕುಡ್ನೀ ಕುರೀಚ್ಚೀ ಅಪ್ಪೀನ್ನೆಲ್ನೀ ಹೊಂದ್ನಾರ್ಕದ ವಾಡು ಮೀ ದೆಗ್ರುಕೀ ವಸ್ತೆ ವಾಡ್ನೀ ಸೆರ್ನೊಂಡ್ರೀ.
11
.ಯೂಸುಡು ಅನ್ಚೀಚ್ನೋನೆ ಯೇಸು ಸಹ್ಮು ಮೀಕೀ ವಂದನ್ಮುನೀ ಸೋಪ್ತಾಡು ಸುನ್ನತೀಯೋಳ್ನೋನೀಂಚ ವುಳ್ ಮಾತ್ರುವೆ ದೇವುಡು ರಾಜ್ಯುಡು ಅಬೀವೃದ್ದು ಕಾಯೀ ನಾ ಜೋತ್ನ ಕೆಲ್ಸೋಳಾಯೀನಾರು ವುಲೀಂಚ ನಾಕೀ ಉಪದೆಶ್ಮು ಮನಮು ಉಂಟಾದಯೆ.
12
.ಕ್ರಿಸ್ತ ಯೇಸುಲೀನ ದಾಸುಡೈನ ಮೀ ಊರೀನ ಎಫೆ ಫ್ರುಡು ಮೀಕೀ ವಂದನ್ಮು ಸೋಪ್ತಾಡು ವುಡು ಪ್ರಾರ್ತುನುಮು ಸೇಸೆಪ್ಪೆಂತ ಮೀಕೊಸ್ಕರಮು ಹೊರಡೀಚ್ಚೀ ಮೀರು ಪ್ರವೀಣ್ಮಾ ಯೀನೂ ಅನ್ನೀ ವೀಷಯಮ್ಲ ದೇವುಡು ಚೀತ್ಮುನು ಕುರೀಚ್ಚೀ ಪುರ್ಣುಮು ನೀಷ್ಟೆವುಂಡೋಳಾಯೀ ನೀಲ್ಚೀಡುಂಡಾಲನೀ ವೀಜ್ನಾಪನೇನೀ ಸೆಸ್ತಾಡು.
13
.ವುಡು ಮೀಕೊಸ್ಕರುಮು ಲವೊದೀಕುಲುಕೊಸ್ಕರಮು ಪೆದ್ದೆಪೊರೀಯುಲುಕೊಸ್ಕರ್ಮು ಎಕ್ತ ಪಯಾಸ್ಮು ಪಡ್ತಾಡನೆ ಸಾಕ್ಷೀನೀ ಸೋಪ್ತಾನು.
14
.ಪ್ರೀಯ ವೈತ್ಯುಡಾಯೀನ ಲುಕುಡು ಮಲೀ ದೆಮುಡು ಮೀಕೀ ವಂದನ್ಮು ಸೋಪ್ತಾಡು.
15
.ಲವೊದೀಕುಲವುನ್ದೀನ ಸಹೋದರುಲುಕೀ ನುಂಫಾಲುಕೀ ದಾನ್ ಈಂತ್ಲ ಕುಡೆ ಸಬೆಯೋಳ್ನೀ ವಂದನ್ಮು ಸೊಪ್ಪಂಡ್ರೀ.
16
.ಮೀಲಾ ಈ ಪತೀಕೆನೀ ಒದೀಚ್ನೋನ್ಮೀಮ್ದ ಲವೊದೀಕುಲುವಾಳ್ಲ ಸೆಬೆಲಾನು ಓದ್ದೀಯುಂಡ್ರೀ ಮಲೀ ನಾನು ರಾಸೀನ ಪತ್ರೀಕೆನೀ ಲವೊದೀಕುಲೀಂಚ ಚಪ್ಪೀಚ್ಚೀ ಮೀರು ಓಡ್ನೋಡ್ರೀ.
17
ಅರ್ಕೀಪ್ಪಡುಕೀ -ನುವ್ವ ಕರ್ತುಡೀಂಚ ಹೊಂದೀನ ಸೆವೆನೀ ನೆರ್ಸೆದಾನ್ನೀ ಎಚ್ರುಮಾಯುಂದಾನೀ ಸೊಪ್ಪಂಡ್ರೀ.
18
.ಈದೀ ಪೌಲುಡನೆ ನಾನು ಸ್ವಂತಮು ಸೈಯೀಂಚ ಕಾಸೀನ ವಂದನ್ಮು ನಾನು ಸೆರೆಲ ವುಂಟೀ ಅನೆದ್ನೀ ಜ್ನಾಪಕುಮು ಸೆಸ್ಕೊಂಡ್ರೀ ಕ್ರುಪುಮು ಮೀ ಜೋತ್ಸವುಂಡ್ನೀ.