ಅಧ್ಯಾಯಮು-3
1
.ದಾನ್ಕಾರುಣುಮ್ ಮೀರು ಕ್ರೀಸ್ತುಡು ನೊಹೀಚ ಲೆಸೋಡದಾನೀಂಚ ಪೈನುಂಡೆ ದಾನ್ನೀ ಹುಡುಕಂಡ್ರೀ ಅನೀ ಕ್ರೀಸ್ತುಡು ಕುಡ್ಮು ಸೆತ್ಲ ಅಸನುಮು ರುಡುಡಾಯ್ನಾಡು.
2
.ಪೈನುಂಡೆ ಅಟ್ಟೆ ದಾನ್ನೀಮೀಂದ ಮನ್ಸಸೀ ಪೆಟ್ಟೆನ್ಡ್ರೀ ಬೂಸಂಬಂದಾಮೈಯೀನ ಮೀಂದ ಪೆಟ್ಟದಂಡ್ರೀ.
3
ಎಂದ್ನಂಟೆ ಮೀರು ಸಚ್ನಾರೆ ಮೀ ಜೂಡು ಕ್ರೀಸ್ತುಡು ನೋನೀಂಚ ದೆವುಡುಲ ಮರೆಯಾಯೀ ಪೆಟ್ಟೆನ್ದೀ.
4
.ಮಾಕೀ ಜೂಡಾಯುಂಡೆ ಕ್ರೀಸ್ತುಡು ಪ್ರತ್ಯಕ್ಷುಮಾಯೆನಪುಡೀ ಮೀರು ಸಹುಮ್ ವಾಡ್ ಜೋತ್ಲ ಪ್ರಬಾಮೀಂಚ ಕೂಡ್ನೋಳಾಯೀ ಪ್ರತ್ಯಕ್ಷ್ಮಯ್ತಾರು.
5
.ದಾನೀಂಚ ಮೀಲ ವುಂಡೆ ಬೂ ಸಂಬಂದ್ಮಯೀನ ಬಾವುಮುಲ್ನೀ ಸೋಪಂಡ್ರೀ, ಜಾರತ್ವಮು, ಬಂಡುತನುಂ, ಕಾಮಾಬೀಲಾಷ್ಮು, ಮಾರಾಸ್ಮು, ವೀಗ್ರಹಾರಾದ್ಮುಲುಕೀ ಸಮುಮು ಅಯುಂಡೆ,ಲೋಬ್ಮು ಎವುಟ್ಲುನೀ ವೀಸರ್ಜೀಚ್ಚೀ ಈಡೀಯಂಡ್ರೀ.
6
.ಈವುಟ್ಲು ನೀಮೀತ್ಮು ದೇವುಡು ಕೋಪುಮು ಉಂಟಾಯ್ತಾದೀ.
7
.ಪುರ್ವುಮ್ಲ ಮೀರು ಸಹುಮ್ ಈ ದುರ್ಬಾವುಂಲ ಅದೀನುಮ್ಲ ವುಂಡೀ ಈ ಕೆಲ್ಸುಮ್ಲನೀ ನಡೀಸ್ತಾವುಂಡಾರು.
8
8.ಇಷ್ಟಾರ ಕೋರ್ಮು, ಮತ್ಸರುಮು, ದುಷ್ನ್ಮು, ನೋರೀಂಚ, ವಚ್ಚೆ, ದುರ್ಬಾಷ್ಮು, ಈವುಟ್ಲುನೀ ವೀಸರ್ಜೀಚ್ಚೀ ಈಡೀಯಂಡ್ರೀ.
9
.ವಕುಳ್ಕೊಳ್ಳ ಸುಳ್ಳಾಡದಂಡ್ರೀ ಮೀರು ಪೂರ್ವುಮು ಸ್ವಬಾಮುನೀ ದಾನ್ ಕ್ರುತ್ಯುಲ ಜೋತ್ಲ ಸೀಸ್ವೆಟೀ ಕೊತ್ ಸ್ವಬಾಮ್ಮನೀ ದರೀಚ್ಕೊಸ್ನಾರುಂದ.
10
ಈ ಸ್ವಬಾವುಮು ದಾನ್ನೀ ಸೃಷ್ಟೀನ್ಚೆದಾತುಡು ಹೊಲುಕುಂ ಮೇರೆಕೀ ದೀನ್ಮು ದೀನ್ಮು ಕ್ಲೊತ್ತುದಾಯ್ತಾ ಪುರ್ಣುಮು ಜ್ಞಾನುಮ್ನೀ ಉಂಟ್ ಸೆಸ್ತಾದೀ.
11
.ದೀನ್ನೀ ದರೀಚ್ನೋನೆದಾಂತ್ಲ ಗ್ರೀಕುಡು ಯಹುದ್ಯಡುನೀ ನಂಬದ್ದು ಅನೆ ಬೇದ್ಮು ಲೇದು ಸುನ್ನತೀನೀ ಸೇಬೀಚ್ನೋಳು ಸುನ್ನತೀನೀ ಸೆಬೀಯ್ನೋಳು ಅನೆ ಬೇದ್ಮು ಲೇದು ಮ್ಲೆಚ್ಚ ಹೋಣುಮು ಅನೆ ಪೆರ್ಲುಲೇವು ಅಳುಡು ವಡೆಯುಡು ಅನೆ ಬೇದ್ಮುಲೇದು ಆಯ್ತೇ ಕ್ರೀಸ್ತುಡೆ ಸಮಸ್ತುಲುಲಾಯ ಸಮಸ್ತುಮು ಅಯುಂಡಾಡು.
12
.ಈಟ್ಟುಂಡೆದಾಯೀ ಮೀರು ದೆವುಡೀಂಚ ಆರೀಚೀಚ್ನೋಳು ಪ್ರತೀಷ್ಟೀತುಲು ಪ್ರೀಯುಲು ಅಯುಂಡೆದಾನೀಂಚ ಕನೀಕರಮು,ದಯೆಮು,
13
ದೀನ್ಮುಬಾವ್ಮು,ಸಾತ್ವೀಕತ್ಮು,ದೀರ್ಗಶಾಂತುಮು ಅನೆ ಸದ್ಗುಣಲ್ನೀ ದರೀಚ್ನೊಂಡ್ರೀ. ಈಂಕೋದ್ಡು ಮೀಂದ ತಪ್ಪು ಮೋಪೆಕೀ ಕಾರ್ಲುಮುಂಟೆನು ತಪ್ಪು ಮೊಪೀಯ್ನನ್ನ
14
ಬಕ್ಳುಕ್ಕೊಕ್ಳುಕು ಸಹೀಸ್ಕೊನೀ ಕ್ಷಮೀಚ್ಚಂಡ್ರೀ ಕರ್ತುಡು ಮೀಮ್ಮುಲ್ನೀ ಕ್ಷಮೀಚ್ಹ ನಟ್ಗ ಮೀರು ಕ್ಷಮೀಚ್ಚಂಡ್ರೀ. ಈವನೀನ್ನ ಮೀಂದ ಪ್ರೀತೀನೀ ದರೀಚ್ಕೊಂಡ್ರೀ ಅದೀ ಸಮಸ್ತುಮುನೀ ಸಂಪೂರ್ಣಮು ಸೇಸೆ ಬಂದ್ಮಾಯೀನ್ಡೀ.
15
.ಕ್ರಿಸ್ತುಡು ಸಮಸ್ತುಮು, ಸಮಾದಾನ್ಮು ಮೀ ಹೃದಯುಮ್ಲ ಯಜಮಾನುಡ್ಲಾಕ ವುನ್ಡೀ ಮೀರು ವಕ್ನೆ ದೇಹುಮ್ನೀ ಸೆರ್ನೋಳಾಯುಂ ದಾನೀಂಚ ಸಮದಾನ್ಮು ವುಂ ಡೆ ದಾನ್ಕು ಪೀಲ್ಚೀಚ್ನೋಳಾಯ್ನಾರು.
16
. ಈದ್ನಾಕುನ್ನ ಕೃತಜ್ಞತ್ಮು ವುಂಡೋಳಾಯುಂ ದಂಡ್ರೀ ಕ್ರೀಸ್ತುಡು ವಾಕ್ಯಮು ಮೀಲ ಸಮೃದೀಯಾಯೀ ವಾಸೀಚ್ಚೀನೀ ಸಕಲ್ಮು ಜ್ಞಾನೀಂಚ ಕೊಡ್ನೊಳಾಯೀ ವಕ್ಳುಕೊಕ್ಳುಕೀ ಉಪದೇಶುಮು ಸೆಸ್ಕೊಂಡ್ರೀ ಬುದ್ದೀನೀ ಸೋಕ್ನೊಂಡ್ರೀ ಕರ್ತುಡು ಕೃಪೆನೀ ನೇನ್ಸೋನೋಳಾಯೀ ಕರ್ತುನುಮೀನ್ಚಾನು, ಸಂಗೀತ್ಮೀನ್ಚಾನು, ಅತ್ಮಮು ಹಾಡ್ಲೀಂಚಾನು ಮೀ ಹೃದಯಮ್ಲ ದೆವುಡುಕೀ ಗಾನುಮು ಸೇಯಂಡ್ರೀ.
17
. ಮೀರು ಮಾಟ್ಲೀನ್ಚಾವ್ನೀ ನೆಡೆನೀಂಚಾವ್ನೀ ಏಮೀ ಸೇಸ್ತೆನು ಅದಂತಾನೀ ಕರ್ತುಡೈನ ಯೇಸು ಪೇರ್ಲನೆ ಸೇಯಂಡ್ರೀ ವಾಡ್ ಮೂಲಕ್ಮು ತಂದ್ರೀಯಾಯೀನ ದೇವುಡುಕೀ ಕೃತಜ್ಞತ್ಮು ಸ್ತುತೀನೀ ಸಲ್ಲೀಯಂಡ್ರೀ.
18
.ಪ್ರೀಯುಲ ಮೀ ಮೊಗುಡು ಲೀಕೀ ಅದೀನ್ ಮಾಯುಂದಂಡ್ರೀ ಈದೀ ಕರ್ತುಡು ಜೋತ್ಲ ವುನ್ಡೋಲ್ಕೀ ಯೋಗ್ಯಮಾಯೀನ್ದೀ.
19
. ಮೊಗೋಳಾ ಮೀ ಪೆಂದ್ಲಾಮುಲ್ನೀ ಪ್ರೀತೀಚ್ಚಾನ್ದ್ರೀ ವಾಳ್ಕೀ ನೀಷ್ಟುರಮು ಅವದಂಡ್ರೀ.
20
.ಸೀನೋಳಾ ಅನ್ನೀ ವೀಷಯಮ್ಲ ಮೀ ತಂಡ್ರೀ ತಲ್ಲೀಲ ಮಾಟ್ಲುನೀ ಈನಂಡ್ರೀ ಈವೀ ಕರ್ತುಡ ವೃಷ್ತಲ ಮೆಚ್ಚೀಕುಮು ಆಯೀನ್ದೀ.
21
.ತಂಡ್ರೀಲ ಮೀ ಬೀಡ್ಲುನೀ ಕೆಣುಕೀ ವಾಳ್ಕೀ ಮಸ್ಸೀಕೀ ನಪ್ಪೀ ಸೆಯದಂಡ್ರೀ.
22
.ದಾಸತ್ವಲ ವುಂಡೋಳಾ ಈಲೋಕ್ಮುಲಾ ಮೀ ಮೊಗುಳ್ಳುಕೀ ಅನ್ನೀ ವೀಶಯುಮ್ಲಾನು ವೀದೆಯುಲು ಅಯುಂಡನ್ದ್ರೀ ಮನುಷ್ಯಲ್ನೀ ಮೆಚ್ಚೀಚ್ಚೊಳು ಸೇಸೆ ಪ್ರಕಾರುಮು ಮೀ ಮೊಗುಳ್ಳು ಸೂಸೆನಪ್ಡೀ ಮಾತೃಮು ಸೇವೆನೀ ಸೇಯ್ಕಕರ್ತುಡ್ನೀ ಬೀಯ್ಮು ಪಡೋಳಾಯೀ ಸರಳ್ಮು ಮನಸ್ಸೀಂಚ ಕೆಲಸ್ಮು ಸೇಯಂಡ್ರೀ.
23
ಯಾವ್ ಕೆಲ್ಸುಮ್ನೀ ಸೇಸ್ತಾನು ದಾನ್ನೀ ಮನುಷ್ಯಲುಗೋಸ್ಕರಮ್ನೀಸೆಯ್ನುನ್ನ ಕರ್ತುಡು ಗೊಸ್ಕರಮೆ ಅನೀ ಮನಪೂರ್ವಕ್ಮಾಯೀ ಸೇಯಂಡ್ರೀ.
24
.ಕರ್ತುಡೀಂಚ ಪರ್ಲೋಕ್ಮು ಚಾದೆತೆ ಅನೀ ಪ್ರತೀಪಲ್ಮುನೀ ಹೊಂದ್ತಾವು ಅನೀ ತೀಳ್ಸಂನಾರು ಕದ.
25
.ಕರ್ತುಡಾಯೀನ ಕ್ರೀಸ್ತುಡುಕೀ ದಾಸುಲು ಮೀರು ಅಯೀನಾರು ಅನ್ಯಯುಮು ಸೆಸೋಳು ವಾಳು ಸೇಸೆ ಅನ್ಯಯುಮ್ಕೀ ತಕ್ಮು ಪ್ರತೀಫಾಲ್ಮುನೀ ಹೊಂದ್ತಾಡಂತೆ ಪಕ್ಷಪಾತ್ಮು ವುಂಡೆಟಲೆದು.