¹ .ಅಣ್ಣದೊಂಬುಡಲ ಮೆಕೆದೊನ್ಯಲ ಸಭೇಲ ದೇವಡಾ ಕೃಪೆನಿ ಸುಬಿಚ್ಚಿನ ಬಗೆನಿ ಮೀಕಿ ತಿಳಿಬಿಸ್ತನು. ² .ಆಸಭೆವಾಳು ಬಹಳಮು ಹಿಂಸೆನ್ನಿ ತಾಳೆವಾಳು ಅನಿವಾಳು ಅಮಿಂದ ವಿಪರೀತ ಮಯಿ ಬಡತನಮುಲ ಉಂಡ್ರಿ ಬಹು ಆನಂದಮು ನಿಂಕಾ ನಿಂಡಿನವಾಳು ಆಯಿ ಅತ್ಯಂತಮು ಆಯಿ ಔದ್ರಮು ಉಳ್ಳಮೈನಾಳು. ³ .ವಾಳು ಶಕ್ತ್ಯ ಅನುಸಾರಮು ಆಯಿ ಕಾದು ಇಗ್ಗುನ್ನ ಶಕ್ತಿಮೀರಿ ವಾಳ ಇಷ್ಟನಿಕಿ ವಾಳೆ ಇಚ್ಚಿನಾರು. ⁴ .ದಿನಗಿ ನಾನು ಸಾಕ್ಷಿ ದೇವುಡ ಜನನಿಗಿ ಆಯಿನಟ್ಗ ಅಪ್ಪನೆ ಕಾವಲ ಅನಿ ಮಮ್ಮುನಿ ಬಹಳಮು ಆಯಿ ಬೇಡಗನ್ಲ . ⁵ .ಮಾಮು ನೆನಸಿದನಂಗಿ ಪ್ರಕಾರಮು ಆಯಿ ವಾಳು ಅಗ್ಗುನ್ ಮೊದ್ಲು ವಾಳೆನೆ ಕರ್ತಡುಗಿ ಒಪ್ಪಿಚಿನಾಳು;ಅಮಿಂದ ದೇವುಡು ಚಿತ್ತಾನುಸಾರಮು ಆಯಿ ಮಾಕಿ ವಾಳ್ನಿನ್ನಿ ಮಾಕಿ ಒಪ್ಪಿಚಿನಾರು. ⁶ .ಇಟ್ಟು ವುಂಡೆ ದಾನಿಕಂ ಈಧರ್ಮಕಾರ್ಯಾನಿ ಸೇಸೆದಾನಿಗಿ ಮೊದ್ಲು ಮಿಮ್ಮ್ಲನಿ ಪ್ರೆರಂಬಿಚಿನ ತಿತುಡ್ನಿ ತಿರಿಗಿ ಮಿ ಅತ್ತರಗಿ ಹೊಚ್ಚಿದಾನಿ ತಿರುಪಲ ಅನಿ ಮಾಮು ವಾಡ್ನಿ ಅಡಿಕನಮು. ⁷ .ಮೀರು ದೇವುಡ ಮಿಂದ ನಂಬಿಕೆ ವಾಕ್ಚಾತುರಮಾಯಿ ಜ್ಞಾನಮು ಸಕಲ ವಿಧಮೈಂದ್ದಿ ಆಶಕ್ತಿ ಮಾನಮಿಂದ ಪ್ರೇರಣನ್ನಿಂಕಾ ಮಿಲಾ ಪುಟ್ಟಿನ ಪ್ರೀತಿ ಇವಿ ಮೊದಲೈನ ಅನ್ನಿ ವಿಷಯಮುಲ ಎಟ್ಟ ಸಮ್ರುದ್ದಿವಾದ್ದುತ್ತಾರು ಅಟ್ಟಿಯ್ಯೇ ಈ ಧರ್ಮಕಾರ್ಯಲ ಸಮ್ರುದ್ದಿಕಾರಿ . ⁸ ದಿನಿ ಅಜ್ಞಾರೂಪ ಮಾಯಿ ಸೊಪ್ಪಿನ ವಾಳಗಿ ಇಟ್ಟವಾಳಾಗಿ ಆಶಕ್ತಿನಿಂಕಾ ಸುಬಿಚ್ಚಿ ದಾನಿಂಕಾ ಮೀ ಪ್ರಿತಿನಿ ಯತಾರ್ಥಮು ನಿಂಕಾ ಒಪ್ಪಿ ಪರಿಕ್ಷಮುನಿಂಕಾ ತಿಲಿಚಿಕೊವಲ ಅನಿ ಸೋಪ್ತಡೂ. ⁹ .ಮಾಕರ್ತುಡೂ ಆಯಿನ ಯೇಸು ಕ್ರಿಸ್ತುಡಾ ಕೃಪೆನಿ ಮಿಕಿ ಗೊತ್ತಾ ಅಯಿಂದಿ ಕದ ವಾಡು ಐ ಶ್ವರ್ಯಮಂತಮು ಅಯಿನವಾಡು ಆಯಿ ವಾಡು ಬಡತನಮುಲ ಸೇರಿನವಾಳು ಆಯಿ ದಾನಿಂಕಾ ಮೀರು ಐಶ್ವರ್ಯವಂತಲೂ ಕಾವಲ ಅನಿ ಮಿಕೊಸ್ಕಮು ಬಡವುಡು ಅನಿನಾಡು . ¹⁰ .ಈ ಧರ್ಮಶಾಸ್ತ್ರನಿ ತಿಳಚಿ ನಾ ಅಭಿಪ್ರಾಯಮುನಿ ಸೋಪ್ತಾನು ಈ ಕಾರ್ಯಾಮುನಿ ಒಗ ಯಡದ್ಲ ಎನಕ ನಡಿಪಿಚ್ಹೆದಾನಕಿ ಉಂಡಡು ನಡುಪಾಲ ಅನಿ ಮನಸ್ಸು ಸೇಸಿದನಟ್ಲ ಮೀರು ವಾಳಗಿಂತ ಮೊದಲನೆವಾಳು ಅಯಿನಾಳು ಮಾಕಿ ಅಂತ ಕಾದು ಸೋಪ್ಪೆದೀ ಕಾದು ವಿಹಿತಮೈನಾ . ¹¹ .ಈ ಕಾರ್ಯಾಮುನಿ ಪ್ರಾರಂಬಿಚ್ಚೆದಾನಕಿ ಎಟ್ಟ ಮಿದಾಂಟ್ಲ ಸಿದ್ದ ಮನಸ್ಸುಮು ಆಯಿ ಅಟ್ಟಿಯ ಮೀಮಿದಾನಟ್ಲಾ ಶಕ್ತಿ ಅನುಸಾರಮು ಆಯಿ ನೆರವೆರಿಯಾರಿ . ¹² .ಒಗಡೂ ಇಚ್ಹೆದಾನಗಿ ಮನಸ್ಸು ಅಯಿಂಟ್ಟೆ ವಾಡು ಉಂಡೆದನಟ್ಲ ಅನುಸಾರಮು ಆಯಿ ಇಸ್ತೆ ಆದಿ ಸಮರ್ಪಕ ಅಯಿತ್ತದಿ.ವಾಡಗಿ ಲೆನ್ನೆದಾನಿ ದೇವುಡು ಅಡಿಕಾನೆಲೆ ¹³ .ಬೇರೊಲಾಗಿ ಕಷ್ಟಪರಿರ್ಯರಮು ಮೀಕಿ ಕಷ್ಟಮು ಉಂಡವಿ ಕಷ್ಟಮು ಕಾವಲ ಅನಿ ನಾ ತಾತ್ಪರ್ಯಮು ಕಾದು ಸಮಾನತಮು ನಿಂಕಾ ಉಂಡಲ ಅನಿ ಮೀ ತಾತ್ಪರ್ಯಂ . ¹⁴ .ಸದ್ಯನಿಗಿ ಮೀ ಸಮೃದ್ದಿ ನಿ ವಾಳ ಕೊರತ್ತೆನಿ ನಿಗಿಸ್ತದಿ ಮುಂದ್ರ ವಾಳ ಸಮೃದ್ದಿನಿ ಮೀ ಕೊರತೆನಿ ನಿಗಿಸ್ತದಿ ಇಟ್ಟ ಸಮಸ್ತನ ಮು ಉಂಟಾತದಿ .ಬಹಳಮು ಆಯಿ ಕುಡಿಚ್ಚಿವಾಳಗಿ ಹೇಮಿ ಎಚ್ಹ್ಹಾಯೇಲ್ಲೇ . ¹⁵ .ಕೊಂಚಾಮು ಕೂಡಿ ಚ್ಚನ ವಾಡಗಿ ಹೇಮಿ ಕಡಿಮೆ ಅಯೆಲ್ಲೇ ಅನಿ ಶಾಸ್ತ್ರಮುಲ ರಾಸಿನ ಪ್ರಕಾರಂ ಅಯಿನದಿ . ¹⁶ .ಮೀ ವಿಷಯಮುಲ ನಾಕಿ ಉಂಡೆದಾಟ್ಲಾ ಇತಚಿಂತೆನಿ ದೇವುಡು ತಿತಡು ಹೃದಯಮುಲ ಪುಟ್ಟಿಚೆದಾನಗಿ ವಾಡಗಿ ಸ್ತೋತ್ರಮು ಕಾನಿ . ¹⁷ .ವಾಡು ಮೀ ಅತ್ತರಗಿ ಪೋವಲ ಅನಿ ಅಡಿಕನ್ನವಾಡು ಒಪ್ಪಲೆಗುನ್ನ ಅತಶಕ್ತಮೈಯಿ ನಷ್ಟನಗಿ ಆಯಿ ವಾಡೆ ಮೀ ಅತ್ತರಿಗಿ ವಚ್ಹೆದಾನಗಿ ರೇಡಿ ಅಯಿನಾಡು . ¹⁸ .ವಾಡು ಜೋತ್ಲ ಬೇರೆ ಒಗಡೂ ಆರಿಪ್ಪಿಚಿನಾಮು ಆ ಸಹೋದರಡೂ ಸುವಾರ್ತೆ ಸೇವೆಲ ಅನ್ನಿ ಸಭೆಲಗಿ ಕೀರ್ತನೆ ಪಡಿನ ವಾಡು ಅಯಿನಾಡು ಇದಿ ಮಾತ್ರಂ ಕಾದು ಮಾಮು ನಡುಪಿಚ್ಚಿ ನ ಈ ಧರ್ಮಕಾರ್ಯ ಸಂಬಂದಮು ಆಯಿ . ¹⁹ .ಸಭೆವಾಳು ಉಡನ್ನಿ ಮಾ ಜೋತ್ಲ ಪ್ರಯಣಂ ಸೇಸೆದಾನಗಿ ಗೋತ್ತೂ ಸೇಸೆನಾಳು ವಾಳು ಇಟ್ಟ ಸೇಸೆ ಉಂಡೆದಾ೦ನಿ ಕರ್ತುಡುಕಿ ಗಾನಮುನಿ ಮಾದಟ್ಲಾ ಸಿದ್ದ ಮನಸ್ಸು ಉಂಟಾತ್ತದಿ. ²⁰ .ಮಾಮು ಪರುಪತ್ಯಮು ಸೇಸಿನ ಈ ದ್ರವ್ಯಸಂಚರಮುನಿ ವಿಷಯಮುಲ ಒಗಡೂ ಮಾನಮಿಂದ ತಪ್ಪುಮೊಪೆ ದಾನಗಿ ಅವಕಾಶಂ ಉಂಡಕೂಡದು . ²¹ .ಎಂದ್ಗೂ ಅಂಟ್ಟೆ ಕರ್ತುಡೂ ದೃಷ್ಟಿಲ ಮಾತ್ರಮು ಕಾಗುನ್ನ ಮನುಷ್ಯಲ ದೃಷ್ಟಿಲನು ಗೌರಮು ಮೈನಾದಾನಿ ಯೋಚನೆಗಿ ಸೇಸಕೊವಲ್ಲ ²² .ವಾಳ ಇದ್ದರು ಜೋತ್ಲ ಮಾ ಸಹೋದರಲ ಬೇರೆ ಒಗಡಾನಿ ಅಪಿಸ್ತಮ ಮಾಮು ಅನೇಕ ಸಮಯಮುಲ ಅನೇಕ ಕಾರ್ಯಾಮುಲ ವಾಡ್ನ ಪರಿಕ್ಷಸಿಯಾರಿ ತಿಳಚಿಗರಿ ಅಪ್ಪಡು ಅಯಿನಾನು ವಾಡು ಮಿಮಿಂದ ಪೆಟ್ಟಿನ ವಿಶೇಷ ಮೈನಾ ಬರವಸೆ ನಿಂಕಾ ಇಂಕಾ ಹೆಚೈಯಿ ಅಶಕ್ತಿ ಉಳ್ಳ ಮೈನಾಮು . ²³ .ತೀತಡುನಿ ಕುರಸಿ ಸೋಪ್ತರ ವಾಡು ನಾ ಪಾಲುಗಾರಡು ಮೀ ಪ್ರಯೋಜನಮು ಆಯಿ ನಾಕಿ ಸಹಕಾರಿ ಅಯಿನಾಡು ಆ ಸಹೊದರಡು ನಿ ತಿಳಿಸಿ ಇನ್ ಟ್ಟರ .ವಾಳು ಸಭೆನಿಂಕಾ ಅಂಪಿ೦ಚಿ ವಾಳು ಕ್ರಿಸ್ತುಡಾ ಮಹಿಮನಿ ಪ್ರಕಾಶಮು ಪಡುಪಿಚ್ಚಿವಾಳು ಅಯಿನಾಳು. ²⁴ .ಅದಿಕಾಗುನ್ನ ನೀ ಪ್ರಿತೀನಿ ಯತಾರ್ಥಮು ಆಯಿನಾದಿ ಅನಿ ವಚ್ಚಿ ನಾಡು ಮಿಮ್ಲಾನಿ ಮಾಮು ಒಗಳಿಂದೀ ನ್ಯಾಯಮು ಅನಿ ಉಳಗಿ ಸಭೆಲಿಗಿ ಸುಭಿಯಾರಿ.