¹ .ಪ್ರಿಯ ಯಾಳ್ ಈ ವಾಗ್ದಾನಮಂಲು ಮಾ ಉಂಟಾಮನೀ ಮಿಳು ಶರೀರ ಆತ್ಮಲು ಕಲ್ಮಮಸಂಲಿ ತೊಲಗಚ್ಚಿಲೂಟಾ ನಾನಿ ಮಮಲ್ನಿ ಶುದ್ದಂ ಸೇಸಕೊಲಾನಿ ದೇವುಡ ಭಯಂ ಲ್ಲ ಸೇರಿನಾ ಪವಿತ್ರಾತ್ಮಲೂ ಸಿದ್ದನ್ನಕಿ ತರಿಚನೋ ಕಿ ಪ್ರಯತ್ನಚಾಲಿ. ² .ನಿ ಹೃದಯಂ ಲೋ ಮಾಕಿ ಸ್ಥಳ ಮಿಮಂಡಿ ಮಿಮು ಮಿಲು ಯಾಳಕಿ ಅನ್ಯಯಂ ಸೇಹಿಲೆದು ,ಯಾಳನಿ ಸೆಡ್ ಪ್ ಲೇ ಯಾಳನಿ ವಂಚಿಸಂ ಸೇಹಿಲೆದು , ³ ಮೀ ಫೈನಾ ತಪ್ಪುಲೋ ಮಾಪಲೇದು ನೀನು ದೀನ್ ನಿ ಸೋಪ್ಪುಲೆದು .ಕೂಡ ಸಚಿಧಾನ್ ಕು ಕೂಡ ಬದುಕಾ ದಾನ್ ಕು ಮೀಳು ,ಹೃದಯಂ ಲ್ಲ ಉಂಡಾ ದಾನಿ ಮುಂದ್ರ ಸೋಪ್ಪಿನಾನು . ⁴ ಮೀಳ್ ನ ನಾಕಿ ಹೇಚಾಂಗ ಬರವಸ ಉಂಡಾದೀ ಈ ವಿಷಯಂ ಲಾ ನಾ ಉತ್ಸಾಹಂ ಹೆಚ್ಚಂಗಾ ಪರಿಪುರ್ಣಂಗ ಆದರಣಂ ನಾಕಿ ಆಹಿಂದಿ ಮಾ ಕೈನಾ ಅಂತ ಸಂಕಟಂ ಮ್ಲಾ ಹೆಚ್ಹ ಹೈನಾ ಸಂತೋಷಂ ನಿಂಡ್ ದಿ ನಿಂಪಿನಾನು ⁵ .ಮಿಮು ಮೆಕೆದೊನ್ಯಕಿ ವಂಚಿನಪುಡು ;ಮಾ ಮನಸ್ಸು ಲು ಎಮಿ .ಉಪಸಮಂ ಕಾಲಲೆದು ಮಿ ವಿಷಯಂ ಲ್ಲ ನಾಕಿ ಸಂಕಟಂ ಉಂದಿ ಅವತಲ್ ಕಿ ಕಲಹಂ ಲಾಗರ್ ಭಯಂ . ⁶ .ಅದೇ ದಿನಾ ಸ್ಥಿತಿಲೂ ಸಂತೈಸಸ್ ಯಾಳಕಿ ದೇವುಡು ತಿತುಡು ವಾಂಚಾದಾನಿಕಿ ಮಮಲ್ನಿ ಸಂತೈಸಿನಾಡು . ⁷ .ಯಾಡು ವಾಂಚದಾನಿಕಿ ಮಾತ್ರ ಕಾಗುಂಡ ಯಾಡು ಮಿಮಲ್ನಿ ಹೆಚ್ಚಂಗ ಆದರಣಂ ವಂದಾನಾಡು ಸೊಪ್ಪುನಾಳಕು ಮಮಲ್ನಿ ಸಂತೈಸಿನಾಡು ಯಾಡು ಮಿ ಹಬಲನು ಮಿ ಗೋಳಾಟ೦ನಾ ವಿಷಯಂ ಮೈನಾ ನಿ ಆಶಕ್ತಿಲೋ ಯಟ ನಂತ ಮಾಕಿ ಸೊಪ್ಪಿನಪ್ಡು ಮಾಕಿ ಹೆಚ್ಚಂಗ ಸಂತೋಷಂ ವಂದುನಾಮು . ⁸ .ಮೀಮಾ ರಾಸಿನ ಪ್ರತಿಕೆಲು ಮಿಮ್ಲನಿ ದುಃಖ ಪಡಿಚಿನ ನಾಕಿ ಪಶ್ಚಾತಾಪ ಲೇದು ಅದಿಮಿಮಲ್ನಿ ಒಗಟಿ ಕ್ಷಣಂ ಕಿ ದುಃಖ ಪಡಿಚಿದಾನಿ ನೀನು.ಮೊದಲು ಪಶ್ಚಾತಾಪಮ್ಮ್ ಪಡಿಸ್ಥಾಲ್ಲಾ ಇಪುಡು ಮೀಳು ಸಂತೋಷಂ ಪಡುಗುಂಡ್ನೆ . ⁹ ದುಃಖಂ ಪಡಿಚಿ ಬೇರೆ ಮನುಷ್ಯಲೋ ಹೊಂದಿದಾನಕಿ ಸಂತೋಷ ಪಡುತಾನು ಮಿಳು ದೇವುಡ ಚಿತ್ತಾನುಸಾರಂ ದುಃಖ ಇಚ್ಚಿನಾಳು ಮಿಮಿಂದ್ ನಿಂಚಿ ಯಾವುದ್ ಡೈನಾ ನಷ್ಟ ಫಡಿಲೆದು , ¹⁰ .ದೇವುಡ ಚಿತ್ತಾನುಸಾರಂ ದುಃಖಂ ಮಾನಸಾತರಂ ಸೇಸಿಂದೀ ಸೇಸಿನ ರಕ್ಷಣಂ ಕಾರಣಮ್ ಆಹಿಂದಿ ಆ ಮಾನಸಂತರಂಲೋ ಪಶ್ಚಾತಾಪಂಕಿ ಆಶ್ಪದ ಲೇದು ,ಆಹಿನ ಲೋಕಂಲಾ ಉಂಡೋಳಕಿಂತದುಃಖಂ ಮರಣಮು ಉಂಟಾಹಿಂದೀ . ¹¹ .ನೀಳು ದೇವುಡ ಚಿತ್ತಾನುಸಾರಂ ಪಟ್ಟಿನಂ ದುಃಖಂ ನಿಕಿ ಯಟ್ಗ ಉಂಟ ಸೇಸಿರಿ ನೋಡಂಡಿ ಮಿಳು ನಿರ್ದೋಷಿ ಲೈನಾ ಸ್ಥಾಪಿಸ ದಾನ್ ಕಿ ಎಂಥ ಪ್ರಾಯಸಂ ಪಟ್ಟಿನಾಳು ಎಂತಾ ಮನ ವ್ಯತೆ ಲೋ ಅನುಬೋಗಸ್ತಾನು ,ಎಂತ ಭಯಂ ಲ್ಲಿ ಎಟ್ಲ ಹಂಬಲಾನು ಸೋಪುನಾನು ಮಾನನ್ ಕೈ ಎಂಥೋ ರೋಶಂ ಶಿಕ್ಷೆಲೇ ಸೇಸಿನಾಳು ಮೀಳು ಆ ಕಾರ್ಯಾನಿಕಿ ಸೇರಿನಾಳ ಕಾದನಿ ಅಂತ ವಿಷಯಂ ಲು ಸುಪಿನಾಳು . ¹² .ನೀನು ಮೀಕಿ ರಾಶಿ ನಪುಡು ಅನ್ಯಾಯಂ ಸೇಸಿನಾಳ್ ಕಿ ದಂಡಳು ಅನ್ಯಾಯಂ ಹೊಂದಿನಾಳ್ಕಿ ನ್ಯಾಯಮು ಕಾವಲಾನಿ ಕಾರಣಂ ನಿಂಚಾ ರಾಯಲೇದು ಮಾ ಕೊನ್ನರಂ ನಿಕಿ ಆಶಕ್ತಿಲೋ ದೇವುಡು ಮುಂದ್ರ ನೀಕಿ ವ್ಯಕ್ತಿ ಕಾವಲಾನಿ ಉದ್ದೆಶಂ ನಿಂಚಾ ರಾಸಿನಾನು. ¹³ .ದಾನ್ ನಿಂಚಾ ಮಾ ಮನ್ಸೆಲೋ ಆಧಾರಣಂ ಉಂಟಾಹಿಂದೀ ಅಂತ ಮಾತ್ರಂ ಕಾದು ,ತೀತಡ ಮನಸಲೇ ನೀ ಅಂದರ್ ಕಿಂತ ಉಪಸಮನಂ ಮೈನಾ ಕಾರಣಂ ಮಿಮು ಯಾಡ್ಲಾ ಸಂತೋಷಂ ಸೂಸಿ ಹೈನು ಹೆಚ್ಚಾಂಗ ಸಂತೋಷಂ ಪಟ್ಟಿನಾಮು . ¹⁴ .ಎಂದುಕುಂಟ್ಟೆ ಮಿಮು ಯಾಡು ಮುಂದ್ರ ಮಿಮಲ್ ನ್ನ್ಲಿ ಒಗುಳ್ನೋಕಿ ನಾಚಿಕೆ ಪಡಾಲಾನಿ ರಾ ಲೇದು .ಮಿಮು ಮಿಕಿ ಸೊಪ್ಪಿನ ಅಂತ ಮಾಟೊ ಲೋ ಯಟ್ಗ ಸತ್ಯಮೈಹಿಂದೂ ಅಟ್ಲ ಮಿಳು ತಿತುಡು ಮುಂದ್ರಾ ಮಾತಾಡ್ಲ ಒಗಳಿಕಲೋ ಮಾಟಲೋ ಸತ್ಯಮಿನಿ ಗೊತ್ತಾಯ . ¹⁵ .ಮಿಳ ಮನನಿ ಬಿತಿಲೋ ನಡುಗೊಲ್ ಐನ ಯಾಡನಿ ಸೇಬಿಚ್ಚೂಕೋ ನಟ್ಗ ಮೀಲು ವಿದಯತ್ವಲೋ ಸೂಪ್ ನಾಳು ಯಾಡು ದಾನ್ ಗಿ ಜ್ಞಾಪಕ ಸೇಸ್ಕೋನಪುಡು ನಿಪೈನ ಯಾಡ್ಗಿ ಕನಿಕರಮು ಹೆಚ್ಚಾಹಿಂದೀ . ¹⁶ .ಸರ್ವವಿಷಯಂಲೂ ಮಿಮಲ್ ಕುರಿಚಿ ನಾಕಿ ಭರವಸಂ ಸಂತೋಷಂ ಪಡತಾನು .