¹ Mana ma kala muna ngiatukulu, mana tua wa, tua mona mu meso meto, tua tambula ye moko meto ma simba mo matadidi mambu ma luzingu. ² Luzingu lua monekesua, tua mona lo ye tuta lo tela kimbangi. Tuta kulu zayikisa luzingu lua m'vu ya m'vu lua kala ye Se yi lolo lua tusongelua. ³ Mo tua mona ye tua wa, tuta mo kulu tela, mpe si lua kala mbundani ye beto.Ye mbundani eto yena ye Se ye muan'ani, yesu Klisto. ⁴ Tuta kulu sonekene mpe mambu momo mpasi kiese kieto kia kala kia lunga. ⁵ Tala momo tua wa kua yani, tuta mo kulu natina. Nzambi i kia ye tombe, kansi va n'tadisi'ani kavena tombe ko. ⁶ Vo tu tele vo tuna mu kintuadi ye yani, kansi vo tuta diata mu tombe , tu vunini ye ka tuta sadila kieleka ko. ⁷ Kansi vo tu diatidi mu kia bonso yani wuna mu kia, wana tuna mu kintuadi yeto ye yeto, ye menga ma muan'ani yesu ma kutu sukulanga mu konso sumu. ⁸ Vo tu tele vo ka tuna ye masumu ko, tu ki vunini yeto mosi ye kieleka ka kina mu yeto ko. ⁹ Kansi vo tu funguni masumu meto, yani wuna wa kuikama ye wa lunungu mu kutu yambudila ye kutu velelesa mu konso nkondu'alunungu. ¹⁰ Vo tu tele, tu kondolo masumu, tu ku n'kitulanga m'vuni ye mambu mani ka mena mu yeto ko.