¹ Luhaniela bo ine, babe na boolesi ingi baliti ba-mbeo na baito ba longuma, boolosi, bobi bikeka fee na hasala haali, ² O tatefole moto, bobi moto o haï, ena bolesi ingi baito fee, eyali na bohai ingi baito balome fee. ³ Lita ine, esukaa tobi hekeka he felo soo boolesi, bolisi, bosaleli haita fee hane habe boumi hate ha hakaka na mbeo mbe ine yatomesu na bofelani bamo na basiha. ⁴ Oboyo ane alua loundo lo Mungu moumesi o maiso na loundo olahe ingi baito lote nena, ⁵ Loenesana moumesi esu nalita li hasala hali hange hane hetongi esu, oboyo yende lita li hohwa o hahe, na lilufesi li bobulesi esu baito bafai naka libobu na mwenda mongia. ⁶ Ine ya moanganesa he ondiye na Yesu moumesi o maiso, ⁷ Ine tosambesane mpasa, elehe, tokiohe, lita liboliteli, bane betuaomwe buumi. ⁸ Liohi line lie boyo mundi ine oinolese li buumu bo liyalela. haita hane lita ine bane baino Mungu ba tonge hasala haali. ⁹ Lita hane he bali ingi baito naka helenge ingi baito, tofete bolutani bo hekaka, haté hya baisé na bana, na mbeyani, bwetenganesi haohi lita li ngèle, lita ine itii na bosio naka ye hekaka. ¹⁰ Ba hola na likebisi li félofélo na liyele ono elutela bofani, bosehani, ¹¹ Lita ine moto o helenge eho alisa, na ine etonga hapusano na boyahelesi he mangène. ¹² Hekeka ne tomelambo ohe Artemas, ambeke Tychique lua kala otumane nango na Nicopolis; lita ine elo nde etese mbo ngo hekeka he fio. ¹³ Lita bwali bwasohi bo luendo lo Zénas, ono e mofalesi mo ngèle, naka Apolosi ine batalumbe hema. ¹⁴ Bwali ine bane abaiso ka balibe botongi hasala haali, lita libo kolanesi kamo ine ikalakala, bosio ine ita lumbe bobebesi tohuma. ¹⁵ Bana fee benango isinga imo ba paya ohe. paya bane beundi esu na boimeli. mia ine mpasa e Mungu habe naeuni fee.