¹ Lita ilaho, bea haita hane hekolani na helenge hendesele enu hasala haino na ngia. ² Bea ine nebange bekoana ine babe na helenge heali, tondoyo, na bokwani, na bo tondoyo na bwinoli abahe, hate ha loundo na motema mosa. ³ Bea ine bahali bokomeli bekuana babe na isinga ine ikoani na bo tondoyo bata be na bobeya beya soo be besi ndoto na haana. ⁴ Lita ine banahe bahali boli baunde balome na bana ababo, ⁵ Batiale aho, etiunda kamo i ndoto, ono elita haita mbele hali betita sese ebalome a babo lita ine liohi li Mungu litabe na ndumo ndumo. ⁶ Osabaneli lokotakota babe na helenge heali, ⁷ Baene na limemia, naka helenge he hasala hali, ine iloesa hafalesi ha ngia, hane ekolani. ⁸ Liohi lo ngia, liti na feli lita ine ono efeti ngo, haluhanyi ahahe hafile atabe na liohi songo limo libobei na esu. ⁹ Osabaneli babengeli baelo balutifélo ababo, banangelisi bo na haita fee, so na boetenganesi haohi, ¹⁰ Otaibe, na boenesi luundo lo ngia lita ine helenge hendesele esu hasala ha Mungu haseseme ingi Mumesi. ¹¹ Lita li mpasa e Mungu hedjia hebumi lita li baito fee, itaenena. ¹² Iyo ifalesa esu ine toemese bobe na boititi bo mohili ine tuume hekeka na isinga imo na helenge he bweli, na botondoyo isinga imo na helenge heali. ¹³ Na botambi hesemba heali, isinga imo na bwenesani bo Mungu ono esi na mofi na mumesi o hiso Yesu moumesi. ¹⁴ Ono eyesi ndoto iyaye kehelo lita iaiso, bosambi esu na bobé o baiso, bokioli esu hekanga ehahe, bosemohi nane na lisiha nkamo ebotangin hasala haali. ¹⁵ Bea haita hane, sabanela naka bulela, isinga imo na longuma lofi. moto songo omo ata tefole ohe.