¹ Paolo, mosali mo Mungu motomani mo Yesu moumesi lita li boinoli bane baminolana na Mungu na bolembeli tondoyo éné ena buinoli, ² Naa yo iyali boinoli lita li buumi bo liyalela, hesemba tee o na bikeka bi hala na Mungu ono etiitita, ³ Ono aenena na liohi na hekeka ehohe na botondoli bone bwatuwe ngo na liohi li Mungu moumesi o maiso. ⁴ Ohe Tito, mona ohi na bwinoli abaiso ine na yesu moumesi o maiso. ⁵ Na tia ohe na bobangi, ine osumbe na molongo haita hane hatiala, na boolesi ngèle, na bosumbi Moluta félo na moéngé na moéngé. ⁶ Ambeke toena moto ono eti na lipusano, molome mo mohali mo mo, ono ena bana baali, betina haita habé. ⁷ Lita ine, kumi molutafélo ata be na hapusano, heta moto ono ebwi haohi ha mungu, ata be na mofoto, soo bwagobi, soo bonui haana, soo bobuni ngèle, soo bobei moloho. ⁸ Bwali ine abena loundo, moelo o baito baali, moto hai, moto o helenge heali. ⁹ Ono ebwi, mbolinzali, ono afalesana ine abe na luili bobengeli na haluhanyi, na bosaï haita hane heetengani. ¹⁰ Boliti hate ha baetai baiye se baemaleli, babeabée haohi ha hekaka. ¹¹ Oboyo toanda menoa, litaine be bekiola hanginda na bofalesami mbeo ine itikolani. ¹² Omoi ohobo mofalesi o mabo hemangene abea ine: crétois fee efo moto o moloho, inda elehe e na bohenahenu. ¹³ Mboli ine ye tondoyo toe tobulela yo na luili lita ine ye bwinoli bongia, ¹⁴ Enu bota bateme na hasese ha bayuda, na hasala ha baito hane helisese enu na ndole djali. ¹⁵ Yo fee ye ngia lita libane be ngia, oboyo hema heti ngia ingi baito bane be na hapusano, bweli a babo na buinoli ababo bwe bobé. ¹⁶ Betonga hasala ha bolibi Mungu, be benesa ho na hasla ahabo, boyo ehe moto mobé, moto olienge ono etisandja botongi hema songo hemo heali.