¹ Kumani ma bilumbu, Yesu yi kavutukidi ku Capernaum. Ba wudi na kene muka ti ka nzo, ² Yi kavukisi batu ba vulu vulu ki ziki yi ki hudi nzo. Ka balongele ndinga nzambi. ³ Batu bayele kuene yandi, banete kikata. baki nete kubatu ba ya. ⁴ Boso bakondele ku kuku ku mumono Yesu, sambu batu bakele bavulu vulu yi bamuene sangi di nzo di ka kele yandi di kele yi hundu ku zulu yi ba kulumuene ki poyi ki kikata ha hundu ndiene. ⁵ Yesu buka muene lukuikilu lu bayu ka kamba nga mukikata na: mwana mene masumu ma nge makatukidi. ⁶ Kukele ha hana yi batu basala ku mbulu matadi, ba kele bazakele, mana ba hoyenge ku nsimbundu na: ⁷ Nki mutindu mutu wu ka ti ku hoyo buabunu? sawele nzambi. na fuene kukatulu masumu na keku yandi bene Nzambi. ⁸ Yesu, ntama lo yi ka muene ma ba yinduele bawu mu nsi mbunbdu, yi ka ba kembe: sambu di nki lu bemse ngindu za buabunu mu nsi mbundu za benu. ⁹ Nki bilutidi mboti mu ku hoyi ku ki kata na ma sumu ma nge maka tukidi, holo mu ku hoyi: teleme bo ki poyi kiaku nda wende? ¹⁰ Mudiambu lusaya na muana Nzambi kene yi kiyeke muku katulu masumu. ¹¹ Yi kutumini ka hoye ku ki kata, teleme bo ki poyi kiaku nda we ku nzwaku. ¹² Mbala mosi yi ka telemene, ka bongele kipoyi kiandi, ka lubukidi mu mesu ma batu bakulu, mu ma ba muene batu ba boso yi ba tondele Nzambi, ba hoya nga: tu ma monieku mambu ma bu. ¹³ Yesu ka lubukidi diaka ku lueke di nzadi. Ki buki ki batu kiyele kuene yandi ka ba longele. ¹⁴ Muku lutu yi ka muene Levi muana Alphee zakele mu bilo di kufutisi paku. Ka mukamba nga: Levi telama wu ndanda, yi ka telemene ka mulende. ¹⁵ Ha kakele Yesu ha mese munzo Levi; bakalaka bengi we batu ba masumu; bakala pe ha mese we yandi we balongoki, mana bakala bengi ba mulende. ¹⁶ Balongi ba minsiku ye bafalisayi kabamwene ba ti ku dia we ba kalaka we batu ba masumu, ba kamba ba kambanga ba longoki ba Yesu: samu di nki lutuku dia, lu tuku nwa yi ba kalaka yi batu ba masumu. ¹⁷ Yesu ha kaba wudi yika bakembe: keku mutu wu kolo dinga munganga mana mutum wu bele dinga munganga. Yi soko kutele batu ba mboti, mene yisi mu diambu di batu ba masumu. ¹⁸ Ba longoki ba Yowani yi ba fadisayi ba bisidi kudia. baye kamba Yesu: samu di nki ba longoki ba Yowani yi ba fadisayi ba bisilanga kudia, mana ba bange babisaku kudia? ¹⁹ Yesu ka bavutulele: ba nduku ba muku kwelele bafweneko kubisi kudia mutangu di bene yi mutu wene? bunu bene yi yakala fwenoko kubisi kudia. ²⁰ Mana kukala yi bi lumbu bi ku dise, mutu wu kwelele kakaloko, mana ha hana ba bisi ku dia, ²¹ Yesu kabakembe diaka heku mutu fwene ku tungu mulele pa yi ki tendi ki nkulu wolo mulele pa kapsulu ki tendi ki nkulu, mana tubu yi di hatikidi ku toko kulutu bu dikele tete. ²² Mana kweku mutu sia malafu ma lelu mu muladi. Holowu naka sia bua bunu malafu ma bulu nkalu, mana nkalu we malafu bia biolo bi beba, ba sia malafu ma pa mu nkalu yi pa. ²³ Kukumini ki lumbu ki sabatu, Yesu kalabukidi ma hia ma bule. Ba longoki ba kayele bo ba ya nsumuni nsende nzidi yi nsidi. ²⁴ Ba fadisayi yi ba mukembe: samu di nki ba sala mambu makondo ku hana nsua mu kilumbu ki sabatu . ²⁵ Yesu ka ba vutuelle: Benu lu tengoko ma ka sadidi Tavidi, ha kakala yi mfunu kudia, yandi yi batu ba yandi ha bawudi nsala ku dia. ²⁶ Tangu kakele Abiatadi mfumu ba nganga Nzambi David ka ya kote mu nzombi yi ka bonge ma pa ma hene mudiambu di Nzambi yandi kadidi yi ka hene pe ku batu bayindi mana ma pa mana ma kala nsiku mukaka ka fwenoko ku dia kaka yandi bene Nzambi. ²⁷ Yesu kaba kamba na nzambi ka sidi kilumbu kisabata sambu di batu mana kasadidioko batu mukilumbu ki sabatu. ²⁸ Yi bwabuna mwana mutu kene mfumu ata kilumbu kisabatu