¹ Kuyandiki ku nsangu bunkete za mwana nzambi. ² Za basoniki ku Ysayi, ngunza Nzambi; tala pitikidi ku dise dinge ngenzi mu kuyidiki nzidi nge; yini dingi yikwe woki mu nseke yiloko yikonda kimi. ³ Luyidiki ma nzidi luziki mabulu. ⁴ Yowani wusi lubuku yandikidi kubotiki yi kubalongo kubalumunu mbundu mudiambu di kukatulu masumu. ⁵ Nsi ya yoso yi ba yuda yiba bazi nganga mu yelusalemi, ba ye lenge kweneyandi kufungumu masumu mawu yi kubotama kwene Yowane mu nsadi yoludane. ⁶ Yowani kavetenge milele mi miki mi ba mbisi wu ba telanga shamo yi nsibu mukanga mbisi mu diketu ka didingi mayoyi we buki. ⁷ Kaye longingi ka hoyanga wu kusu wunu ku manima mamene ndutidi mene mu ngolo mene yikukoko mu kukutumunu misingi mi sapatu diyandi. ⁸ Mene yikwe lubotikingi mu mamba yandi kabanda lubotiki mupefi. ⁹ Mu bilumbu bia bina Yesu kaka tukidi ku nazaleti yi kele ku ngadidi kwa kuna Yowani ka mubotekele mukati ka nzadi yolodani, ¹⁰ Mutangu kalubukidi mu mamba, ka mwene zulu diyangukidi, di pefi yi kulumukini ku yandi hoyi na yembe hata ndu mutua yandi. ¹¹ Ndingi mosi yi wakene ku zulu yi hoyele: wukene mwana mene wu yi zolanga bungi ku yandi yi isianga mbudu. ¹² Mumbala mosi pefi yimunete mukati ka nseke yikonda kimi. ¹³ kuakuna kakele bilumbu makumaya, yi nsala wu kondo kudia kimi Satana kamumekene kuakuna, kuakuna kakele yi bambisi ba munseke di mbasi za nzambi za bandikidi ku musadila. ¹⁴ Tangu ba kuete Yowani Yesu yikele ku nkati ka ngadidi kualongi ndinga Nzambi. ¹⁵ Ka ya longi na tangu difuene ki mfumu ki Nzambi ki kumini belele, lubalula mambundu lundila mambu ma Nzambi. ¹⁶ Mudiambu kaya yioki bele bele yi nsadi ngadidi yti ka muene Simoni we Andele, pangi Simoni, baya losi bukondo mukati ka nsadi sambu bawu bakele batu basadidingi kisalu kikuloba bambisi. ¹⁷ Yesu kaba kambanga lulanda mene di yibanda kululonga kuloba batu. ¹⁸ Mumala mosi basisidi bukondo yi balende Yesu. ¹⁹ Mukuenda muana tama fiyioti, Yesu ka muene Yakobi muana Zebedayi, we pangiandi Yowani, bakele mukatika buatu bakueyidi bukondi. ²⁰ Mbala mosi Yesu yi ka batelele, yi ba musisidi mutata bayu Zebedayi we batu bakisalu bayu yi bamulende. ²¹ Yi bele ku Caparenaume mana kilumbu kilende ki kele ki sabbatu, Yesu kakotele ntete mukati ka nzo nzambi ba yuda di ka bandiki ku ba longo. ²² Ma longi yandi maba simbidi; sambu ka ya longi we kimfu kiakulu keku na balongi ba mi nsiku. ²³ Ka kele mu nzo nzambi bayu mutu mosi ka kele yi pefi mbi mana yi ka ya mukini: ²⁴ Nki biyiene hankati? betu yi nge yesu yu nazaleti wusidi nge sambu wu tu ladisi ngiebe na wene wene wu Vedila ku meszu ma Nzambi. ²⁵ Yesu yi kamu bangikidi, ka hoyanga kala pueti mana lubuku mu mutu wu. 26 Mana pefi mbi yi lubukidi mu mutu, yi muni ngisi ngolo zakulu yi ka yandikidi ku yamuku mu ndingi ngolo. ²⁷ Ba boso yitukidi mu pili na baya ku yiulu ba kaka mu ba ba yiki na nki biabi ma longi ma pah ka ti kutumu yi ki mfumu kia kiyioso ata pefi mbi mana pe yi mule mvukila ²⁸ Di dikumu diyandi yi di yabene ntama lo mu biziki bia bioso mukinzungu ki ngadidi. ²⁹ Bu kulubuka mu nzo nzambi ba yuda bende we Yakobi we Yowani bayele ku nzo Simoni we Andele. ³⁰ Buko bu Simoni kakele yi bawu nimini di pala mosi ba mutelele kenda ku kene yesu. ³¹ Ka kumini belele yi yandi kamu simbidi mu koko yi ka mu vumbele, mbala mosi bawu dihudi di ka yandikidi kumu sadili. ³² Mu nkokila kumanima ma ku ziomu ku tangu besi muna tina ba befu yi batu ba pefi zambi . ³³ batu bakulu ba mbanza besi vukana ha luse lu muelu yandi. ³⁴ Ka beluele batu bengi bakele yi bi befu bi pidi yi pindi ka ya kudi pe pefi zambi zenge, ka ya hanieku nzila ku mifu mia hoyi mu diambu kele bayebe. ³⁵ ha tutudidi mukubungi kumu yi hunu ka kuwanguki, yi katelemene yi kalubukidi mukuende yi nseke yi konda kimi yi ku ka ya samba. ³⁶ Simoni we baka kelebo ba bandikidi kue mudingi. ³⁷ Di tangu ba mu mona, yi ba mukembe batu bakulu bakele kuekudingi. ³⁸ Ka ba vutuluele: ntuende ndambu hiki ku ma vulu ma belebele, sambu yi lobe diaka; sambu yisa mudiambu di buabunu. ³⁹ Yika longo mu ma nzo ma nzambi, ma ngadidi ya yonso. mana yi ka kudidi ma pefi mpi. ⁴⁰ Mutu bwasi kende kuene Yesu, ka fukemene, ka kulumuese ndinga nzolele wu nsadisi. ⁴¹ Yesu kiadi ki mukuete ka lambwele koko, nzolele wu kolo. ⁴² Mbale mosi bwasi bu hudi. ⁴³ Yesu ka mu hele nzidi yi ki mfumu kiakulu. ⁴⁴ Dika mukembe sweke makulu ma yi ku sadidi ku hoyeku kumutu, mana nda wende ku ba nganga nzambi wu hana dikabu dinge ku bawu bunu ka sonekene mose sambu muku ta kimbangi ki nge. ⁴⁵ Mana diaka mutu wene hikele, ka mpamza nzangu yene ku mutu yandi kulu, pe yi ku hene pasi ku Yesu muku kote mu mbanza mu mesu ma batu bakulu, yi katelama mu nzeke loko, batu ba hisidi ku yandi ndambu.