¹ Mu kati ka ki bungi ba mbuta ba banganga nzambi ba kutekene, we ba mbutu ba kaka, we ba longi ba mi nsiku, we batu kabulu ba kimvuku kimbutu ki Bayuda, sambu ba yaba nki mambu ba sala. Yesu ba mu kasidingi mu miyololo, ba mu hana ku moko ma Pilatu. ² Pilatu ka mu hiulanga na : nge wene mfumu wu bayuda, Yesu na: Tomele ku hoyo nge bene. ³ Ba mbutu na ba nganga nzambi ba yandiki ku fundu Yesu mu mambu mengi ma bungumbu. ⁴ Pilatu ka mu hiula diaka na: nge vutulaku ata kima? nge tuku wa mu pili ba tuku kufundu mu mambu mengi. ⁵ Mana Yesu ka vutulaku ata diambu, yi bwabuna Pilatu ka yitukidi bungi. ⁶ Mu koso nkinzi paki Pilatu kayambwelenge muyuda mosi mu boloko wuna ba mulombele. ⁷ Kukele yi mutu mosi zini diandi Balabasa ka kele mu boloko we batu ba kaka, sambu ba hondele mutu mu mizingu ku Yelusalem ⁸ Batu bakulu bakele ha hanan yi bele kene Pilatu ba yandikidi ku mudinga ka ba sala bunu ka ba salanga mu koso mvulu. ⁹ Pilatu ka ba kambanga na: benu lu zolele yi lu lubulula mfumu ba Yuda? ¹⁰ Sambu kele yebe kwandi na: ba mbutu ba banganga Nzambi ba mu hene Yesu kumoko ma yandi kaka mu diambu di kipala. ¹¹ Mana ba mbuta ba banganga Nzambi bab pusidi batu bakulu, ludinga ku Pilatu ba bayambulu Balabasi, ka musisi mu Yesu. ¹² Pilatu ka ba hiulele diaka na: mutu wu lutelanga benu na mfumu ba Yda benu lu zolele yi musala nki? ¹³ Ba vutuele mundingi yi ngolo na: lu musia ha kulunzi, lu musia ha kulunzi. ¹⁴ Pilatu na: nkimambu ma mbi kasalanga? mana kaka bawu ba hoyanga mu ndingi ngolo lu musia ha kulunzi. ¹⁵ Pilatu ka zolele ka monisi batu kiese, yi bwawu ka bayambwelele Balabasi, tangudi ka ba kambanga batu ba yandi na: lu muta fimbu di ku manima ka bahele nzila na lu musia ha zulu di kulunzi. ¹⁶ Ba suta ba munete mu nkati ka nzo ba sambisa nga batu. Yi ba telele ba suta ba kaka yi besidi. ¹⁷ Yi ba mu vwatisi mvele yi ka benge, yi batungidi mpu yi nsende na pu yi ki mfumu, di ba muvwatisi yo mu mutwe. ¹⁸ Yi ba bandikidi ku mu heke mboti mfumu ba Yuda. ¹⁹ Ba bandiki ku mu zubu miti ha zulu di mutwa, ba yandiki ku mulobololo mate, ba bandiki ku fukama ku malu mayandi hoyo na wunu ba kwa zitisi. ²⁰ Tangu ba manisi ku museya, yi ba mukwtuele mvele yi ka benge. Yi ba mu vwatisi milele mi ynadi bene, di bamu nete ku nsuku fulu, sambu ba musia ha kulusi. ²¹ Kukele yi mutu mosi, zini diandi Simoni wu Sileni tatandi Lekezandele we Difisi ka yesi luta mu nzila ya yina mutangu ka katukidi ku nseke. ba suta ba mu kambanga ka nata kulusi di yesu. ²² Ba ya musisi mu Yesu ha kiziki ki mosi batelanga na Gologota di songidila na: kizika ki mimfwa mi mutua. ²³ Ba zolele ba mu heka vinu bi ba sangisi yi nkisi yi midi. mana ka yi nunioko. ²⁴ Kumanima ba musidi ha zulu di kulunzi samu kafwa. Milele miyandi ba mibudidi zeki samu ba mikabana. ²⁵ Mutangu di vwa di kibungi yi ba musidi mu kulusi. ²⁶ Ha di baya ha basonekene kisini ki mambu ki ba mu hondele, ba sonekene na: mfumu ba Yuda. ²⁷ Basidi Befi bolo ha zulu di kulusi kiziki ki mosi we Yesu, mosin ku koko di ki tata, mosi koko di kimama. ²⁸ Yi bwawu mambu ma ba sonika mu mukanda Nzambi mese wanakana na: bamu tanga mulongo mosi yi batu bana basalanga mambu mambi. ²⁹ Batu ba hiukelenge ha hana ba ningisingi mitue, ba mu sielenge na: Hooh nge wuhoyenge na yonda nzo Nzambi mana yi yitungidi mu bilumbu bitatu. ³⁰ Di hulusu ngebene, tuluku ha kulusi, ha wusu wu tuluku. ³¹ Ba mbutu ba banganga Nzambi we balongi ba mi nsiku ba wu pe ba mu seyelenge pili mosi. ba hoyelenge bawu yi bawu na: Yandi ka hulesenge batu ba kaka, ka fwenoko yandi bene ka dihulusa? ³² Mboti Masiya mfumu wu Isalele, tulukete tangudi ha ntanda kulusi. Kese ka tuluku betu tu mu mono mana tu kwikila. Baba basidibo ha kulusi ba museyi. ³³ Tangu tukumini mu midi, pibi yi budi mu nsi yakulu, ti mungungu kumi yi tanu yi nkokidi. ³⁴ Di mutangu di tatu, Yesu yi ka hoyele mu ndingi nkolo na: Eloyi, Eloyi lemasabakatani disongidila na Nzambi mene nzambi mene samu di nki nsisidi bwa bunu. ³⁵ Batu ba kaka bakele ha hana, bu bawudi mambu mamana, ba hoyanga wa katelanga Eliya. ³⁶ Mutu mosi yi kele ntinu samu ka basisa dimuka yi mambu ma nkadi. Yi kasidi mu muti kaleyi, yi kese nati kasia munwa Ywesu samuka munusu. Mutu wene na: ntu mutala Eliya kese kesemukatula ha zulu di kulusi. ³⁷ Mana Yesu yi ka yamukini ngolo, yi ka fudi. ³⁸ Mutangu diadina mulele wukabisingi kiziki nsiku we kiziki kikulutu nsiku mu nkati ka no Nzambi ka yatukidi ha nkati nkati yandi kuzulu ti ha nsi. ³⁹ Mfumu ba suta wukele ha luse di Yesu tangu ka hudi mutindu ka yamukini Yesu mu ndingi yi ngolo, yandi ka hoyanga na: mu kiedika mutu wu kakele mwana Nzambi. ⁴⁰ Ba nketu ba kaka pe bakele kwakuna, bakele ba telemene kiana batala ha nkati ka bawu ha kele madiya wu mangadala; madiya ngwandi Yakobi wu mu leke we Yoze we Salomo. ⁴¹ Ba nketu ba yamulandi mu Yesu, baya musadidi pe ha kakele ku kizungu ki ngadidi, ba nkete ba kaka bakele kwakuna, bayisidi mu nzili mosi we yesu ku Yelusalem ⁴² Nkokila yi kele yi budi ntama, ki lumbu kiakina kikele kilumbu ki tatu. Kilumbu bafwete yi lama batu dambun kilumbu kilanda ki kala kilumbu ba lembe batu. ⁴³ Tangudi Yosefu, mutu hata Adimateya ka yisidi kwakunu, kakele mutu mosi wu nkati ka kimvuku kingolo ki bayuda. Mutun mosin ba zitisingi bungi. yangi pe ka sindingi mbundun na kimfumu ki nzambi ki kusu. Yin bwa buna yi kiese kiakulu kaya lombo mvumbin Yesu ku Pilatu. ⁴⁴ Mana Pilatu ka yituki tangu ka wudi na: Yesu fudi, bwa buna ka telele mfumu ba suta ka muhiulanga na Yesu fudingi ntama? ⁴⁵ Tangu ka mukembe mfumu mu Pilatu na Yesu fudingi ntama, Pilatu ka mu hele nzila mu Yosefi ka bongo mvumbi Yesu. ⁴⁶ Yosefi yi kasumba mulele bu nkete wu kaseme, yi kese katulu mvumbi yina ha kulusi. Yi kamu vungudi mulele wa wunu di ka kotisi mfumbi mu maziamu ma ba timuna yi ditadi di dikele na mwana mongo, di kapusidi tadi di mosi dimbutu,nyi ka fukididi mu nua maziamu. ⁴⁷ Madiya wu mangadala we madiay ngwandi Yoze ba yatala kiziki ba sidi mvumbi Yesu.