¹ Kusle bilumbu biolo mu kuma mu nkinzi paki, we mapa makondo mu kisiandi, ba mbutu ba ba nganga Nzambi we ba longo ba mi nsiku ba ya sosi pila yi ku kwata Yesu mu kinseki ba mu hondo; ² Ba ya hoyi na ntomu fwene ku mukwata mu kilumbu ki kninsi, holo batu ba tombo tombo. ³ Yesu kakele ku Betani ku nzo Simoni ku kele maladi ma bwasi, atngu ka kele ha mese, mu nketu mosi yusikota mu nzo we mulangi mosi wu basala we di bala di albatidi. mulangb kakele wu base wu masi ma nsudi ma bu nkete mpensa, ma ntalu yingi pe, ma ba yidikanga yi misolo mwana muti yu batelanga na Nadibi. yi ka tabwele mu twa mu langi, yi mu kamu tiamunene masi mansudi ha ntanda mu twa Yesu ⁴ Batu bakaka ba kele hana yi ba yudi nkabu ba hoya bawu yi bawu na nki ki kuma ba fwene ku mutiamununa masi ma nsudi ma pidiyi. ⁵ Ba nka ma teka mu bibendi nkama tatu, nkutu ku lutu ntalu yayini, di mbongo zazana baka kabila ba nsukami di ba iyandiki ku mu nganini mu nketu wawunu. ⁶ Di Yesu ka hoya na lu mu yambu sambu di nki lu tu mu yangisi benu? yandi ka nsadidi mambu ma mosi ma bu nkete. ⁷ Ba nsukami lukala bo tangu diakulu, lu fwene ku basala mambu ma bu nkete tangu diakulu dinu lu zolele. mana mene yi kaloko yi benu tangu diaku. ⁸ Yandi sadidi mambu ma kamwene pidi yi ku masala, yandi sidi masi ma nsudi mu lutudi mene sambu ka yidiki dio kudise di kudi zika. ⁹ Yi lu kembe mambu mambu ma kiedika na koso kiziki ba hoyi nsngu za mboti mu nsi mu ntoto yi ba hoyi mambu ma mwana mu nketuyu kasadidi sambu di ku muyindula. ¹⁰ Tangudi mku longoki mosi mu kati ka balongoki kumi yi bolo zini diandi Yudasi Yisikadioti ka ya sololo yi ba mbutu ba nganga Nzasmbi sambu ka mute mu Yesu. ¹¹ Bakala yi kiese tangu bawudi Yudasi wu ba kambu mambu mana, ba mulakidi na tuku heke mbongo, di Yudasi ka tuekwedingi tangu di bunkete mu diambu ka mu hana ku moko ma bawu. ¹² Mukilumbu ki ntete ki nkinsi yi mpaki ki mapa ma kondo mu kisiandi [luvidi], tangu ba hondele bana ba ma meme mu diambu di kudia mu paki, ba longoki ba Yesu ba mu hiula na: kwezolele tuakuyidikili kiziki ki kudia paki? ¹³ Yi ka tumini ba longoki bolo, kumanima ka bakembe: luende ku mbanza lu mono mutu mosi nete kalu mamba lu mu landa. ¹⁴ Ti mu nzo yi ka kwakota, di benu lu mukamba mu kwa nzo yi na: mu nki suku tu yidiki mu ku dia ma dia ma paki yi ba longoki ba mene? ¹⁵ . Yandi kalusongisi suku di mbutu mbutu diene mu nzo yi etage, ba yidi dio bu mboti bimi biakulu biene bi ku wana , lu tu yidi kila betu ma dia mwa muna. ¹⁶ Tangu di ba longoki yi bele, yi bakumu ku Yelusalem yi ba muene ma mbu makulu bunu ba bakembe. di ka bayandikidi ku dia paki. ¹⁷ Tangu di budi piba Yesu yi kesi kuma yi balongoki bandi Kumi yi bolo. ¹⁸ Tangu ba didi ha mese Yesu kaba kamba na: yi lukamba mambu ma kiedika mutu mosi mu nkati ka benu, wu yi tukudia wo ki ziki kimosi yandi nteke mene. ¹⁹ Tangu di kayandikidi ku wa kiadi, di ba bandiki ku mu hiula mosi mosi na mfumu, kwene mene? ²⁰ Mutu mosi ha nkati ka benu kumi yi bolo, wuna sia koko mu dipa diene ha longo dimene yandi wa wunu. ²¹ Mwana mutu ka fwa bunu ba sonika mu diambu din yandi mu mukada Nzambi. mana kiadi ka yandi wunu mu teke, ku kala bu nkete na mutu wunu ba bubutiduieku mu ku buta. ²² Tangu ba didingi Yesu ka bongele dipa yi ka tondele Nzambi, yi ka di tabuele bi tini bi tini yi ka he ku ba longoki bandi. kaba kamba na, lu bongo mapa ma mene lutu di mene. ²³ Yi kabongele diaka kopo yi ka mu tondele mu Nzambi, yi ka ba hele mu ba longoki, bakulu yi ba nuni. ²⁴ Kumani ma ka ba kamba na, ma mene menge ma mene ma songisanga ku wakana ku Nzambi yi batu. menga ma matiamuki sambu di batu bakulu. ²⁵ Yi lu kambanga mambu ma kiedika, yi nwoko diaka vinudi ti kilumbu yi nwa vinu dipa mu kimfumu ki Nzambi. ²⁶ Bu bayimbidi mi kungu mi nkinsi yi mene yi bele ku mongo oliva. ²⁷ Yesu ka kamba mu balongoki bandi na: benu kulu lu nsisi mene sambu ba sonika mu mukanda Nzambi na: mene yi honda muhungudi mameme mana mameme ma tiakana. ²⁸ Mana tangu ka mutelemisa Nzambi mu lufwa, mene yi kwenda ku lusedi benu mu kizungu ki ngadidi mana benu lungwana kwa. ²⁹ Petule ka hoya na: ata batu bakaka ba kutina, mene yi kutinoko! ³⁰ Yesu kamu kamba na: ti ku kambanga mambu ma kiedika mu piba yayi kaka nkoko wu kondo ku kokolo mbala yi zolo nge ntunu mene mbala tatu na nseyoko. ³¹ Di petule yi kahoyele diaka yi ndingi yi kulutu diaka ngolo! na mene ata kufwa yi kwafwa ki ziki kimosi we nge. yi kubisoko ata mbala mosi na yi kuzeyoko. di bakulu ba hoyelenge kaka pili mosi. ³² Tangudi Yesu we ba longoki ba ndi bakumini kiziki kimosi ki batelanga Getsemani, di Yesu kaba kambanga na lusala ha ha mene ya samba Nzambi. ³³ Di kabongele Petule, Yakobi, Yowani bayele nzili mosi we yandi, Yesu yandiki ku mona kiadi kingi we bomo ku mbundu yandi. ³⁴ Di kaba kamba na, mbundu yi bese yi kiadi nzolele yi fwa, benu lu sala ha ha lu nimbiku. ³⁵ Yandi ka pusene ha luse fioti, yi ka fukemene mu mafu, yi kayandikidi ku samba Nzambi pusa tangudi mu biambu di mene na bufwene bwabunu. ³⁶ Ah tata mudiambu di nge na zolele katulu masi za kudi se dimene! sambu nge fwene kusala mambu makulu. Yi bwawu landieku luzolo lu mene nge sala bubwene di zolo diaku. ³⁷ Tangudi kavutukidi ku kwene ba longoki bandi. Ka mu kambanga mu Petula na: Simoni nge nimbiningi? nge fwenoko ku kala wu sikama ata tangudi mosi. ³⁸ Lunimbieku, lusikama lu sambila holo mu tangu di pasi nga lu bwa mu pukumunu. luene yi luzolo mu mbundu mana lutu diene di kulembe. ³⁹ Di yi ka samba diaka bunu ka ya samba tete. ⁴⁰ Di yikesi vutuku diaka, kese ba wana banimbini diaka; sambu kilu ki kele kiba lutidi ngolo ba kukidiku ku temunu mesu. Ba kukidiku ku pemunu mesu. ba mu vutulele kaka ma mvutu. ⁴¹ Bu kavutukidi mbala yi tatu ka bakamba na. benu luku nimba kaka? we ku lemba? tangu difwene mwana mutu di bamukaba ku moko ma batu ba ma sumu. ⁴² Lutelama tuende sambu mutu wu nteka nga kumini bele bele. ⁴³ Mu nkati ka ba longoki kumi yi bolo, zini diandi Yudasi yi kese kuma yi batu ba vulu vulu ba yisi nati ma mbele we mi ti ha moko, bambutu ba ba nganga Nzambi, balongi ba mi nsiku we ba mbutu bakaka ba batumini batu bene. ⁴⁴ Yudasi yu mutekele mu Yesu, ka bakembe mu batu na mutu wunu yi kwa heke mene mboti mu mwa yi yandi wunu benu wu lu kwata. lu musimba, lu munata mana lu mukengila mbotiti mboti mboti ha lu kwamu nati. ⁴⁵ Tangu kese kuma Yudasi ha hana yi ka pusene bele bele yi Yesu ka mukamba nga, ulongi yi ka muyeme mana ka muhele mboti mwa. ⁴⁶ Di batu bana bayisidi yi Yudasi ba musimbidi mu Yesu yi ba mukwete. ⁴⁷ Hakele yi mutu mosi wukele ha hana, yi ka lubuele mbele, yi katabuele tudi kisadi ki mfumu ba nganga Nzambi. ⁴⁸ Yesu ka ba hiula na: benu lusidi yi ma mbele, yi miti sambu lu kwata mene, yaba na yene mufi. ⁴⁹ Yi kele yi benu tangu diaku mu nzo Nzambi, mana lu kwetoko, ti mambu ma matuku bwama, mene sambu di kulungisanga mana ma sonama mu kanda Nzambi. ⁵⁰ Di ba longoki bayandi bakulu yi ba tinini. ⁵¹ Mwana yakala mosi yu yalandi Yesu kakala vwetenge mulele mosi wu kaseme mu lutu diyandi. ba nka mukwata pe. ⁵² Mana yi ka sabasidi mulele yi ka tinini nkongo nkongo. ⁵³ Yesu ba munete ku nzo ba mfumu ba nganga Nzambi, ba mbutu ba banganga Nzambi, we ba mbutu ba kaka, we balongi ba mi nsiku ba kulu bakumini kiziki ki mosi. ⁵⁴ Petule ka kiana wu kwalandi Yesu, di ka kota ku nkati ka lupangu lu mfumu ba nganga Nzambi yi ka zakala hakele ba pudisi ba mfumu wa wunu, wu yete mbawu. ⁵⁵ Ba mbutu ba banganga nzambi we batu bakulu ba kele nu kimvuka ki nene ki ba yuda. Ba dingidingi ki mbangi ki ku hondila, mana ba kimwenoko. ⁵⁶ batu bengi ba mu fundingi mu mambu ma bungumbu, mana nba wakeneku bawu yi bawu. ⁵⁷ batu ba kaka mu nkati ka bawu ba telemene ba mufundu mu mambu ma bawu ma bungumbu na. ⁵⁸ Tu muwudi ka hoyelenge mene yi honda nzo Nzambi yi batungu batu mu moko mana mu bilumbu mana yi tungu mu bilumbu bibtatu nzo yi ba konda ku tungu ku moko ma batu. ⁵⁹ Ata mambu ma mana pe ba wakaneku kaka. ⁶⁰ Mfumu wu ba nganga nzambi ka telemene ha mesu ma batu bakulu, ka mu hiulanga mu Yesu na: nge tuku vutuloko ata kima mu mambu ma ba tikuku fundu nge? ⁶¹ Mana Yesu ka hwenene pueti, ata kima ka hoyaku. Mfumu ba nganga Nzambi ka mu hiulanga daika nga weku masiya mwana Nzambi? ⁶² Yesu na: Eh mene wawu, lumono mwana mutu zakele ku koko di kiyakala di Nzambi mpungu, lu mu mono kakusa mu matuti ma kuzulu yi mu nkembu. ⁶³ Tangudi mfumu ba nganga Nzambi ka yatidi milele mi yandi. di ka mu kamba nga na: nki mfunu yi ku dingi diaka ki mbangi. ⁶⁴ Benu benu lu wudi pilu ka tuku mu kusawulu mu Nzambi. Benu nki lu bense? bakulu ba tabwele na kafwa. ⁶⁵ Batu ba kaka ba mu lobo luele mate, ba mukasidi milele ku kilunzi. Ba yandikidi ku mu betu, ba mu hiulele na: tu songilete betu na kubetele? ba pudisi ba mu betele diaka ma mbata. ⁶⁶ Tangu diadina Petule kakele kaka ku nkati ka lupangu, mwana mu nketu mosi wusadidingi ku mfumu ba nganga Nzmabi yi kesi bembeni yandi. ⁶⁷ Yi ka mu mwene mu Petule yu yete mbawu, di ka mu tadidi ka mu kambanga na: nge ke kele pe yi Yesu mutu Nazaleti. ⁶⁸ Di yandi ka bisidi, mene nzeyeko mambu mana tuku nkamba nge mene yi ma yeboko yi tuku ma bakisoko. mana Petule ka lubukidi yi kele ku mwelu lupangu, tangu di nkoko yi ka kokele. ⁶⁹ Mwana mu nketu wunu yi ka mu mwene diaka yi ka bandikidi ku mukamba mambu mana ka mukembe ka ntete, yi ka kamba batu ba kala ha hana, mutu wubalanga yi yandi. ⁷⁰ Di Petule yi kabusidi diaka mambu mana, ku mani fioti batu bana ba kele ha han mu Petule na, mamu samu nge kalanga yi ynadi, samu nge wene mutu wu ngadidi. ⁷¹ Di Petule yi kayandiki ku hoya diaka Nzambi ka nsinga mene na yi tu hoya mambu mabungu, yi mu yeboko mutu wunu lutuku hoya benu. ⁷² Kaka tangu diadina nkoko yi ka kokele mbala zolo, di Petule ka benze mambu mana ka mukembe Yesu na, nge mbisi mu mene ha hana nkoko ka kala nka kokodi mbala zolo. Nge mbusa mbala tatu na nge nzeyoko mene di Petule yi ka yandikidi ku dila.