Chapter 6
1
ಹನುವತೋ ಕಾಂಯಿ ಕೇಮಾ?ದೇವೇರೋ ಕೃಪಾ ಜಾದವೇದ ಕನ್ ಅಪನ್ ಉಜ್ಜಿ ಪಾಪೇಮಾರೇನುಕ ? ಕನ್ನಾಯಿ ರೇನುಕೋನಿ.
2
ಪಾಪೇನಮರ್ಗೆಜಕೋ ಅಪನೆ ಉಜ್ಜಿ ಓಮಾಜ್ ಬಂಚೇರೋ ಕಿಮ್ ?
3
ಕ್ರಿಸ್ತ ಯೇಸುಮಾ ಭಳೆನ ಬಾಪ್ತಿಸಂ ಲೇಮೇಲೆಕೋ ಅಪನ್ಸೇಜ್ ಓರೋ ಮೋತೇಮಾಯಿ ಭಲೇನಿ ಬಾಪ್ತಿ ಸಂ ಲೇದೇಕನ್ ಟಮೇನಮಾಲಂಛೆನಿಚ?
4
ಹನುರೇತು ಅಪನ್ ಬಾಥಿಸ್ಮ್ ಲೆಲೆಜಾಓರೋ ಮೋತೇಮಾ ಹಂಸೋಲೆನ್ ಓರ್ ಸಾತ್ ಮಸಾನ್ ವೇಗೇ, ಜೇವಾಸ್ ಕ್ರಿಸ್ತು ಮರನ್ ಬಾಪೇರೋ ಮಹಿಮಾತಿ ಜೀವೇತಿ ಉಟನ್ ಆಯೋಜು ಅಪಣ್ ಸದಾ ಜೀವೆತಿ ಉಟನ್ ನವ್ವತಿ ಚಾಲೆನೂ .
5
ಕಿಮ್ ಕತೋ ಅಪನ್ ಓರೋ ಮೋತೇನ ಬರೋಬರ ಜ್ಜಿವ್ಯಾಯೇರ್ ಲೆನ್ ಓರೇಮಾಏಕ್ ವಾಚ.
6
ಪಾಪೇರ್ ಗೋನ್ ನಾಶ್ವೇನ್ ಅಪನ್ ಉಜ್ಜಿ ಪಾಪೇರ್ ಹಾತೇಮಾ ರೇನಿಜು ಅಪನೇರ ಜೂನೋ ಗೋಣ್ ಕ್ರಿಸ್ತುರ್ ಸಾತ್ ಸಿಲುವಾ ಘಲಾಯಿಕನ್ ಮಾಲಂಕಮೇಲೆಚ.
7
ಪಾಪೇರ್ ಹಾಥೇತಿ ಛೂಡಲಿದೋಚ.
8
ಉಜ್ಜಿ ಅಪಣ್ ಕ್ರಿಸ್ತುರ್ ಸಾತ್ ಮರತೋ ಓರ್ ಲಾರ್ ಬಂಚಾಚಕನ್ ವಿಶ್ವಸ್ ಕರಚ .
9
ಕಸ್ಸೆನಕತೋ , ಕ್ರಿಸ್ತು ಮರೋ ಜೇರ್ ಪಚ್ಚ ಜೀವೇತಿ ಊಟನ್ ಆಯೇಜೇತಿ ಉ ಅಬ್ಬೆಪರ್ ಮರೆವಾಲೋ ಕೋನಿ .
10
ಮೋತ್ ಉಜ್ಜಿ ಓನ ಪಾಲನ್ ಕರೇನಿಕನ್ ಅಪನೆನ ಮಾಲಂಛ ಉ ಮರೋಕೋ ಎಕ್ಕಾಜ್ ಹಪ್ತಿ, ಓಯಿ ಪಾಪೇರ್ ವಾಸ್; ಉ ಬಂಚೇರೋ ದೇವೆರ್ ವಾಸ್ .
11
ಹನೂಜ್ ,ತಮೀ ಸದಾ ಟಮೇನಕ್ರಿಸ್ತು ಯೇಸುರೋ ಎಕ್ ವೆರೇಮಾ ಪಾಪೇರ್ ವಾಸ್ ಮಗೇಕೋನ್ ದೇವೇರ್ ವಾಸ್ ಬಂಚೇವಾಳ್ ಕನ್ ಕೇಲೋ.
12
ಹನುರೇತು ಮರೇರೋ ತಮಾರ್ ಜೀವಾಡಪರ್ ಪಾಪೇತಿ ಪಾಲನ್ ಕರಾನ್ ತಮಾರ್ ಜೀವಡರ್ ಅಸಾಮಾ ಪದೋಮಾತೋ.
13
ತಮ್ ತಮಾರ್ ಅಂಗಮೇವೂನ ಬನಾನಿಯತೇರ್ ಆಯುಧಮೇರ್ ನ್ಯೆ ಪಾಪೇನ ಹವಾಳ್ ಕರೇನಿಜು , ಟಮೇನ ಮೋತೇತಿ ಜೀವರೇಜೇರ್ ನ್ಯೆ ದೇವೇನ ಹವಾಲ್ ಲರೋ .
14
ಕಸ್ಸೆನಕತೋ ಪಾಪ್ ತಮಾಪರ್ ಹಾಕಂಚಲಾಯೇನಿ ; ತಮ್ ಗ್ರಂಥೇರ್ ಮಾಯಿ ಕೋನಿ , ಕೃಪಾರ್ ಮಾಯಿಚೋ
15
ಹನುರತೋಕಾಂಯಿ ? ಅಪಣ್ ಗ್ರಂಥೇನ ನವ್ವನ ಛಾಕನ್ ಪಾಪೇನ ಕರೆಚ್ಚಕ? ಕನ್ನಾಯಿ ಕರಣುಕೋನಿ .
16
ಮೋತೇವಾರ್ಡಿರೋ ಪಾಪೇನಕಾ ನಿಯತೇರ್ ವಡಿ ಮಾನೇನಕ ಕನ್ ಮಾನೇನ ತಮೆನ ಬಾಂಯಾವೂರ್ ನ್ಯೆ ಹವಾಳ್ ಕರೋಚೋಕೋ , ಓನಜ್ ಮಾನೆವಾಳ್ ಬಾಂಯಾನ್ಯೆ ಚೋಕನ್ ಮಾಲಂಛೆನಿಕ? ಪಪೇನ ಬಾಂಯಾವತೋ ಮೋತಜ್ ಘಳ್
17
ಪಣ್ ತಮ್ ಅಂಗ ಪಾಪೇನ ಬಾಂಯಾವೇತೋಯಿ ತಮೆನ ಸಿಕಾಯೇಕೋ ಬೊದನಾ ತಮ್ ಪೂರೋದಲೇತೀ ನವ್ವನ್ ರೇಜೇತಿ,
18
ಪಾಪೇತಿ ಛುಟನ್ ನಿಯತೇನಬಾಂಯಾ ವೇಜೇತಿ ದೇವೇನ ಸ್ತುತಿವೇದ.
19
ತಮಾರ್ ಜೀವಡಾರ್ ಕಮ್ ಜೋರೇರ್ ವಡಿ ಮನಕ್ಯಾ ವಾತೇಕರಜು ವಾತೇಕರುಚು;ಅಗ್ ಭುಕ್ಕೆನ ಚಲಾಯೇನ ಆಂಗ ತಮ್ ತಮಾರ್ ಅಂಗಮೇವೂನ ಅಶುದ್ದೆನನ್ ಆಗ್ಭುಕ್ಕೆನನ್ ಬಾಂಯಾರ್ ನ್ಯೆ ಹವಾಲ್ ಕಿದೇಜು , ಅಬ್ಬ ಪವಿತ್ರೆನ ಚಲಾಯೇನ ತಮಾರ್ ಅಂಗಮೇವೂನ ನಿಯತೇನ ಬಾಂಯಾರ್ ನ್ಯೆ ಹವಾಲ್ ಕರೋ.
20
ತಮ್ ಪಾಪೇನ ಬಾಂಯಾವೆತ್ತೆಜನಾ ನಿಯತ್ತೆರ್ ಮಾಯಿಛೆನಿ.
21
ಪಣ್ ತಮ್ ಜನ್ನಾ ಕೀದೇಕೋ ಕಾಮೇತಿ ತಮೇನ ಮಲಿಕೋ ಘಳ್ ಕಾಂಯಿ?ಅಬ್ಬ ಉನ್ನೇ ತಿ ಕಬರೆಮಾ ತಮೆನ ಲಾಜ್ ಛ, ಆಖರೀಮಾ ಉನ್ನೇತಿ ಆಯೆರೋ ಮೋತ್ ಕೋನಿಕಾಂಯಿ .
22
ಅಬ್ಬ ತೋಯಿ ತಮ್ ಪಾಪೇಮಾತಿ ಛೂಟನ್ ದೇವೇನ ಬಾಂಯಾವೇಜೇತಿ ಪವಿತ್ತರ್ ವೇರೋಜ್ ತಮಾರ್ ಘ ಳ್ ; ಅಖರೀಮಾಮಳೆರೋ ನಿತ್ಯ ಜೀವ.
23
ಕಸ್ಸೆನಕತೋ ಪಾಪ್ ದೇರೋ ಬಾಂಯಿ ಮೋತ್ ; ದೇವೇರೋ ಫೋಕಟ್ ಇನಾಮ್ ಅಪಣ್ ಪ್ರಭು ಕ್ರಿಸ್ತು ಯೇಸುಮಾ ನಿತ್ಯಜೀವ್