¹ ಭಾಯಿಯೋ, ಗ್ರಂಥೇ ನ ಮಾಲಂಕಮೆರ್ಲೆಜೆನ ಮ ಕೇರೋಕಾಂಯಿಕತೋ ಎಕ್ ಮನಕ್ಯಾ ಜೀವೆತಿ ರೇತಾಣುಜ್ ಓಪರ್ ಗ್ರಂಥೇ ರ್ ಹಕಂ ಚಾಲಚಕನ್ ತಮೆನ ಮಾಲ್ಮ್ಚೆನಿಕಾಂಯಿ? ² ಓನ ಸಾಟುವಾ ಘರೆವಾಳೋ ಜೀವೇತಿ ರಜೆತಾಣುಜ್ ಘರೆವಾಳಿ ನೇವೇರ್ ನ್ಯೆ ಓವರ್ಲಿವೆನ್ ರಚ್ಚ ; ಘರೆವಾಳೋ ಮರತೋ ಓರ್ ಜೊಡಾ ಓನ ಛೂ ಟಚ. ³ ಹನುರೆತು ಘರೆವಾಳೋ ಜೀವೆತಿ ರಾಜನ್ನಾ ಉ ದೊಸರೇತಿ ಭಳತೋ ವಡ್ದಳ್ ಕೆರಾವಚ ಪಣ್ ಘರೆವಾಳೆನ ಕಲತೋಯಿ ವಡ್ದಳೋ ಕೋನಿ . ⁴ ಹನೂಜ್ ಮಾರ್ ಬಾಂಯಿಯೋ, ತಮಿ ಸದಾ ಕ್ರಿಸ್ತುರ್ ಜೀವಡಾವಾರ್ಡಿ ಗ್ರಂಥೇ ರ್ ವಾಸ್ ಮಗೇಛೂ, ದೇವೆನ ಘಳ್ ವೇರ್ ವಾಸ್ ಉಜ್ಜೆ ಕೇನ ಕತೋ ಮರನ್ ಜೀವ್ಯಾಯೋಜೇಮಾ ಭಳೆಚೊ. ⁵ ಅಪಣ್ ಜೀವಡಾರ್ ಗೋನೇರ್ ನ್ಯೆ ಚಾಲ್ರೆಜನ್ಯಾ ಭೋರೋ ಅಸಾ ಗ್ರಂಥೇಮಾತಿಜ್ ಪ್ರೇರಣ್ ವೇನ್ ಅಪನೇರ್ ಅಂಗಮೇಮಾ ಕಾಮ್ ಕತೀರ್ ಮೋತೆನ್ ಘಳ್ ದಚ್ಚ ⁶ ಅಬೆತ್ತಯಿ ಅಪನೇನ್ ಓರ್ ಕರಿದಿತಿಕೊ ಗ್ರಂಥೇರವದಿತಿ ಛೂಟ್ಟೆ ಚಾ, ಹನೂರೆತು ಗ್ರಂಥರ್ ಭಾರ್ವದಿರ್ ನ್ಯೆ ಜುನೊ ಥರಾ ಅಪಣ್ ದೆವೆನ ದೋಕೆವಾಳ್ ಛಾ. ⁷ ಹನೂವತೋ ಕಾಯಿ ಕೇಮಾ? ಗ್ರಂಥ ಪಾಪೇರೋ ರೂಪ ಕಾ?ಕನ್ನಾಯಿ ಕೋನಿ . ಗ್ರಂಥೇರ್ ವಾಡಿತಿಜ್ ಕೋನಿತೋ ಪಾಪ್ ಕತೋ ಕಾಂಯಿ ಕೆನ್ ಮನ್ನ ಮಾಲಂವೇತಿಕೋನಿ ಸಾಟ್ವತಿ ಆಸಾಕರನ್ನುಕೋನಿಕನ್ ಗ್ರಂಥ್ ಕಿಕೋನಿವತೋ ಮಾಂದೋ ಅಸಾಕತೋ ಕಾಂಯಿಕೋ ಮನ್ನ ಮಾಲಂವೇತಿಕೋನಿ ⁸ ಪಣ್ ಪಾಣ್ ಪಾಪ್ ಈ ಅಜ್ನ್ಯನ್ ಆಧಾರ್ ಕಲೆನ್ , ಸೋಳಿತರಾರ್ ಮಂದ್ ಆಸಾನ ಮಾರ್ ಮಾಯಿ ಚಲಾಯೇ;ಗ್ರಂಥೇರ್ ಛೆನಿತೋ ಪಾಪ್ ಮಗೋಜೇರ್ ನ್ಯೆ ರೇತೋ . ⁹ ಆಗಡಿಯಾ ಮ ಗ್ರಂಥ್ ಛೆನಿಜುರೇನ ಜೀವೇತಿ ವೆತೋ , ಅಜ್ನ್ಯಾ ಆಯಿಜನಾ ಪಾಪೇನ ಜೀವ ಆಯಿ, ಮ ಮಗೋ. ¹⁰ ಬಂಚೆರ್ ವಾಸ್ ದಿನೋಕೋ ಅಜ್ನ್ಯಾಜ್ ಮೋತೇನ ಕಾರಣ್ವೋ ಕನ್ ಮನ್ನ ದಕಾಯಿ . ¹¹ ಕಿಮ್ ಕತೋ ಪಾಪ್ ಅಜ್ನ್ಯಾರ್ ಅಥಾರೇತಿ ಮನ್ನ ಡೋಕೋದೇನ್ ಉ ಅಜ್ನ್ಯಾತಿ ಜ್ ಮನ್ನ ಮಾನಾಕಿ . ¹² ಹನುರೇತು ಗ್ರಂಥ ಪವಿತ್ತರ್ ಛ; ಅನ್ ಅಜ್ನ್ಯಾ ಪವಿತ್ತರ್ ನ್ , ನೇವ್ ಅಚ್ಹೋ ವೆನ್ ಛಕೋ ಸಾಸೀಜ್ . ¹³ ಹನುರತೋ, ಅಚ್ಹೋಛಕೋ ಮನ್ನ ಮೋತೇನ ಕಾರಣ್ ವೀಕಾ? ಹನು ಕನ್ನಾಯಿ ಕೇಣುಕೋನಿ ಪಾಪಜ್ ಮೋತೇನ ಕಾರಣ್;ಉ ಆಚೆವರ್ಡಿತಿ ಮನ್ನ ಮೋತೆನ ಲಾಯಿಜೇತಿ ಪಾಪಜ್ ಕನ್ ದಕಾಯಿ . ¹⁴ ಉಜ್ಜಿ ಅಪನೆನ ಮಾಲಂಛೆಜೇರ್ ನ್ಯೆ ಗ್ರಂಥೇರ್ ಆತ್ಮಾರ್ ವಡಿರ್ ಛ; ಪಣ್ ಮ ಪಾಪೇರ್ ಹೇಟ್ ವೇಜಾನ್ ಜೀವಡಾರವ್ವ ಡಿರೋ ವೇಗೋಚು . ¹⁵ ಹನುಕತೋ ಮ ಕರುಕೋ ಮನ್ನ ಮಾಲಂಛೆನಿ ; ಕೇನ ಕರನ್ನ ಕನ್ ಮ ಆಸಾ ಕರೂಚುಕೋ ಓನ ಕರನಜು ಮನ್ನ ಇಂಕಾರ್ ಛಜೆನಜ್ ಕರುಚು . ¹⁶ ಪಣ್ ಮ ಕರುಜೇನ ಮಾರ್ ದಾಲ್ಮ್ ಮಾನೆನಿತೋ ಗ್ರಂಥ ಅಚ್ ಕನ್ ಮಾನಿದೋಜು ವೇಗಿ . ¹⁷ ಹನುರೇತು ಉ ಇಂಕಾರೇನ ಕರೆವಾಳೋ ಉಜ್ಜಿ ಮಕೋನಿ ಮಾರೇಮಾ ಛಕೋ ಪಾಪಜ್ ಓನ ಕರಚ. ¹⁸ ಮಾರೇಮಾ ಕತೋ ಜೀವಡಾಮಾ ಕುಣ್ನೀ ಅಚ್ಹೋಯಿ ವಸ್ತ್ರೋಕೋನಿಕನ್ ಮಾಲಂ ಕಾರ್ಮೆಳೋಜು ; ಅಚ್ಹೋಕರನು ಕಜಕೋ ಅಸಾಮಾರ್ಮಾಯಿ ಛಪನ್ ಅಚ್ಹೋ ಕರೇರೋ ಜೋರ್ ಮಾರ್ ಮಾಯಿ ಛೆನಿ. ¹⁹ ಮ ಪಕಡಾವಕೋ ಅಚ್ ಕಾಮೇನ ಕರೇನಿಜು ಪಕಡಾಯೇನಿಕೋ ಬಲ್ಮ ಕಾಮೇನಜ್ ಕರೆವಾಳೋಚು. ²⁰ ಕರಮತ್ ಕಕೋ ಕಾಮೇನ ಮ ಕರೂತೋ ಓನ ಕಿದೋಜಕೋ ಉಜ್ಜಿ ಮ ಕೋನಿ ಮಾರೇಮಾ, ವಸರೋಜಕೋ ಪಾದೋಜಕೋ ಪಾಪಜ್ ಓನ ಕರವಾಚ. ²¹ ಹನುರೇತು ಆಚ್ ಕರಣುಕನ್ ಕೇಳೋಕೋ ಮನ್ನಾ ಬಲ್ಮಾಜ್ ತಯಾರ್ ವಿಂಚಿ ಕಜಕೋ ನಿಯಮ್ ಮನ್ನಾ ದಕಾವಛ. ²² ಆತ್ಮಾರ್ ಮಾಯಿ ದೇವೆರ್ ನಿಯಮೆಮಾ ಆನಂದ ಪಾಯೇವಾಳೋ ಚು ಪಣ್ ಮಾರ್ ಆಂಗವೂಮಾಉಜ್ಜಿಯೇಕ ನೆಮ್ ಛಜೇನ ದೆಕೊಚು. ²³ ಉ ಮಾರ್ ದಲೆಮಾಛಕೋ ನಿಯಮೆತಿ ಲಡಾಯಿ ಮಾರನ್ ಮನ್ನ ಖ್ಯೆ ದ್ ಕರನ್ ಮಾರ್ ಅಂಗೆವೂಮಾ ಛೆಕೋ ಪಾಪೇರ್ ನಿಯಮೇನ ಹವಾಳ್ ಕರೆರ್ ಸರಿಕ್ ಛ. ²⁴ ಅಯ್ಯೇ , ಮ ಬನಾಗತ್ತೆರೋ ಮ =ನಕ್ಯಾ , ಅಸ್ಸೋ ಮೋತೇನ ಛಾಜಜಕೋ ಈ ಜೀವಡಾತಿ ಮನ್ನಾ ಚೊಡಾಯೇವಾಳೋ ಕುನ್ ²⁵ ಚೊಡಾಯೇವಾಳೋ ಛಜೇತಿ , ಅಪನೆರ್ ಪ್ರಭು ಯೇಸು ಕ್ರಿಸ್ತುರ್ವಡಿತಿ ದೇವೆನ ಸ್ತುತಿ ಹನುರೇತು ಮನ್ನ ಮಜ್ ಡಲೇತಿ ದೇವೆರ್ ನಿಯಮೆನ ಬಾಂಯಾವೇನ್ ಚಾಲೆವಾಳೋ ವೆತ್ಹೋ.