¹ ಮ ತ್ಮಾರ್ ಧಾಂಯಿ ಮೋಳೂಕೋ ಅಪನೆರ್ ಭೇನ್ ಪೋಯಿಬೆನ ಪ್ರೇಮೇತಿ ಮಾನೋ ; ಉ ಕೆಂಕ್ರೆಯ ಗಾಮೇರ್ ಮಾಯಿ ಛಕೋ ಸಭಾರ್ ಸೇವಕೀವೇನ್ ರ. ² ತಮ್ ಓನ ಪ್ರಭುರ್ ಸೇವಕೀಕನ್ ದೇವೇರ್ ಜನ್ನುನ ಚಾಜಜೂ ಭೆಲ್ಲೇನ್ ಮದ್ದ್ತ್ ಕೂನ್ನಿಖಬರೇಮಾ ಚಾವತೋಯಿ ಮದ್ದತ್ ಕರೋ ಉ ಮಣ್ಣನ್ ಘನೇನ್ ಮದ್ದತ್ ಕಿದಿಜಕೊಚ. ³ ಕ್ರಿಸ್ತು ಯೇಸುರ್ ಸೇವಾಮ ಮಾರ್ ಸಾತ ಕಾಮೇವಾಳ್ ಛಕೋ ಪ್ರಿಸ್ಕ್ಮ್ಲಾನ ಅಕ್ವ್ವಿಲನ ಮಾರ್ ಕೋಸಳ್ ಕೇದೋ. ⁴ ಓಮಾರ್ ಜಾನ್ನ ರಕ್ಶ್ನೆರ್ ವಾಸ್ ಉನ್ನೇರ ಜಾನೇನ ವೆಳಮಾಲೆಲ್ದಿ ಮಾಎಕ್ಲೋಜ್ ಕೋಣಿ, ಪರಳ್ ಜನ್ನೇರ ಸಭಾರ್ ಸೇಜ್ ಉನ್ನೇರ ಮದ್ದತೆನ ಸೋಸ್ ರಚ. ⁵ ಉನ್ನೇ ರ್ ಘರೇಮಾ ಭಲಕೋ ಸಭಾನ ಸದಾ ಮಾರ್ ಕೊಸಲೇನ ಕೋ ; ಏಷ್ಯಾ ಷೆರೆಮಾ ಕ್ರಿಸ್ಥುನ ಅಗದಿಯಾರ್ ಫಲವೇನಛಕೋ ಮಾರೋ ಪ್ರೇಮೇರೋ ಎಪ್ಯೇ ನೆತು ನ ಕೋಸಳ್ ⁶ ತ್ಮಾರ್ ವಾಸ್ ಘನೋ ವೇಳಾ ಪಡಿಕೋ ಮಾರಿಯಾನ ಕೋಸಳ್ ⁷ ಮಾರೋ ಖಾಸ್ ಜನ್ನನ್ ಮಾರ್ ಸಾತ್ ಖ್ಯೆ ದೇರೋ ಛಕೋ ಅಮ್ದೊನಿಕನನ್ ಯೂನ್ಯನ ಕೋಸಳ್, ಓ ಅಪೋಸ್ತಲೂಮಾ ನಾಮೆವಾಳ್ವೇನ್ ಆನ್ ಮಾತಿನ್ ಅಂಗ ಕ್ರಿಸ್ಥುನ ವಿಶ್ವಸ್ ಕೀದೆಜಕೋ ವೇನ್ ಆನ್ ಮಾತೀನ್ ಅಂಗ ಕ್ರಿಸ್ತುನ ವಿಶ್ವಸ್ ಕೀದೆಜಕೋ ವೇಗೇ. ⁸ ಪ್ರಭುಮಾ ಮಾರ್ ಪ್ರೇಮೇರೋ ಅಂಪಿಮ್ಯಾತೇನ ಕೋಸಳ್ . ⁹ ಕ್ರಿಸ್ತುರ್ ಸೇವಾಮಾ ಹಮಾರ್ ಬರೋಬರಿಯಾ ಉಬರ್ನೆನ ಮಾರೋ ಪ್ರೆಮೆರ್ ಸ್ತಾಖುನ ಕೋಸಳ್ . ¹⁰ ಕ್ರಿಸ್ತುರ್ ಸಾಸ್ಪನೆರ್ ಅಪೋಳೋಣ ಕಾಸಲ್ ಕೆದೋ; ಅರಿಸ್ವಾಬುಲರ್ ಘರೇವಾಳೆನ ಕೋಸಳ್ ಕೆದೋ . ¹¹ ಮಾರ್ ಖಾಸ್ ಜನ್ನೆರ್ ಹೆರೋದಿಯಾನಾ ಕೋಸಳ್ , ನಾಕಿರ್ಸ್ಸನಾರ್ ಘರೆವಾಳುಮಾ ಕ್ರಿಸ್ಥುನ ವಿಶ್ವಸ್ ಕೀದೆಜೇನ ಕೋಸಳ್ . ¹² ಪ್ರಭುರೋ ಸೇವಾಮಾ ಭಾವೇಟಿಕೀದಿಜೇ ಪ್ರೇಮೇರ್ ಪೆಸೀಸಳೆನ ಕೋಸಳ್ . ¹³ ಪ್ರಭುರ್ ಭಕ್ತಿವೂಮಾ ನಾಮೇರೋ ರುಉಪ್ಹನನ್ ಮನ್ನ ಯಾಡಿಸರಿಕ್ ಛಜಕೋ ಓರ್ ಯಾಡಿನ ಕೋಸಳ್ . ¹⁴ ಅಸಂಕ್ರಿತನನ್ ಪೇಗೋನನ್ ಹೆಮೇಯನ್ ಪಾತ್ರೋಬನ್ ಹೇಮಾರನೆನ್ ಉನ್ನೇರ್ ಲಾರ್ ಛಜಕೋ ಬಾಯಿಯೋನಿ ಕೋಸಳ್ ¹⁵ ಫಿಲೋಗೆನ ಯೂಳ್ಯಾನ ನೆಯಾರ್ನ ಓರ್ ಭೆನ್ ಓಲುಂಪನ್ ಇನ್ನೆರ್ ಸಾತ್ ಛಜಕೋ ದೇವೇರ್ ನ್ನೇನ್ ಸೇಕೋಸಳ್ . ¹⁶ ಪವಿತ್ತರ್ ಛೂಮಿತಿ ಎಕೆನ ಎಕ್ ಕೋಸಳ್ ಕೋ; ಕ್ರಿಸ್ತುರ್ ಸಭಸೇ ತಮೇನ ಕೋಸಳ್ ಕೆರೇಚ. ¹⁷ ಭಾಯಿಯೋ ತಮ್ ಪಾಯೇಕೋ ಉಪದೇಶೇನ ವಿರುದ್ದ್ದ್ ದ್ವೆಷೆತಿ ತೇಡಾನ್ ಛೆಟಿ ವೇಣು ಕನ್ ತಮೆನ ಪುಚುಚು. ¹⁸ ಅಸ್ಸ ಅಪ್ನೆರ್ ಪ್ರಭು ಕ್ರಿಸ್ತುರ್ ಸೇವಾನ್ ಕರೇನಿಜು ಉನೆರ್ ಪೆಟೆರ್ ಸೇವಾನಜ್ ಕರೇವಾಳ್ ವೇನ ಅಚ್ ವಾತೆತಿನ್ , ಮೋಟ್ಟನೇರ್ ವಾಟೆಮಾನ್ ನಿಯತೇದಾರೇರ್ ದಲೆವೂನ್ ಡೋಕೋ ದಚ್ಚ . ¹⁹ ತ್ಮಾರ್ ನವ್ವನ್ ರೇರ್ ಸೇನ ಮಾಲಂಛ; ಜೆತಿ ಎನ್ ಲಕ್ಲೋಚು; ತಮಾರ್ ಖಬರೇಮಾ ಅನಂದಕರೂಚು , ತಮ್ ಅಚ್ಪನೆರ್ ಖಬಾರೆಮಾಗೇನಿಯೂ ಬಾಮ್ಮ ಕಾಮೇವಾರ್ಡಿ ದೋಷ್ಛೆನಿಜು ರೇಣುಕನ್ ಅಸಾಕರೂಚು . ²⁰ ಶಾಮ್ತಿರೋ ದೇವ ಜಲ್ಡಿ ಸ್ಯೆ ತಾನೇನ ತಮಾರ್ ಟಾಮ್ ಗೇಹೇಟ್ ಫಲನ್ ಖುಮ್ದಾನಕಚ ಅಪ್ನೆರೋ ಪ್ರಭು ಯೇಸು ಕ್ರಿಸ್ತುರೋ ಕೃಪಾ ತಮಾರ್ ಲಾರ್ ರೆದ. ²¹ ಮಾರ್ ಸಾತಿ ಕಾಮೆವಾಳೋ ತಿಮಾಥೆನ ಮಾರ್ ಖಸ್ ಆದ್ಮಿ ಲುಕ್ಯಾನ್ , ಯೂಸೋನನ್ ಸೋಸೀ ಪತ್ರನ್ ತಮೆನ ಕೋಸಳೆನ ಕೆರೇಚ. ²² ಈ ಕಾಗದೆನ ಲಕ್ಕೋ ತೆಟೈರ್ ಕಜಕೋ ಮ್ ತಮೆನ ಪ್ರಭು ಮಾ ಕೋಸಳ್ ಕೇರೋಚು . ²³ ಮನ್ನನ್ ಪೂರೋ ಸಭನ ಖನೋ ಪಾನಿನ ದೇಕ್ರೆಜಕೋ ಗಾಯ ತಮೇನ ಕೋಸಳ್ ಕೆರೇಛ ಈ ಶೇರೇರ್ ಖಜಾನೆರ್ ಮೋಟ್ಟೋ, ಎರಸ್ತಾನ್ ಭಾಯಿಕ್ವತ್ರ ತಮೇನ ಕೋಸಳ್ ಕೆರೋಚ. ²⁴ ಅಪನೇ ರ್ ಪ್ರಭು ಯೇಸು ಕ್ರಿಸ್ತುರ್ ಕೃಪಾ ತಮಾರ್ ಸೇರ್ ಸಾತ್ ರೇದ. ²⁵ ಧರಗಡಿಯಾರ್ ದಾದೇತಿ ಅಡಂವೆನ ಅಬ್ಬ ವಜಾಳೆನ ಆನ್ ನಿತ್ಯ್ಮೆರೋ ದೇವೇರ್ ಅಜ್ನ್ಯಾವ್ ಡಿತಿ ಭಕ್ತಿದಾರೂರ್ ಗ್ರಂಧೆ ವುರ್ ಸಾತ್ ಪರಳ್ ಜನೂನ್ ಸೇ ವಿಶ್ವಾಸ ಕಜಕೋ ನವ್ವನರೇರ್ ವಡಿ ಮಾಲಂಕಮೇಲೇಚಾ. ²⁶ ವಜಾಲೇನ ಆಯೋಜಕೋ ಈರಹಸ್ಯಾಮೆವರ್ಡಿ ಕತೋ ಯೇಸು ಕ್ರಿಸ್ತುರ್ ಖಬರ್ ವೇನಛಕೋ ಮ ಕೇರೋ ಕೋ ಅಚ್ಹೋ ಖಬರೇವಾರ್ಡಿ ತಮೇನ ಘಟ್ ಕರೇನ ಜೋರೇತಿ ಛಕೋ , ²⁷ ಉ ಎಕ್ಲೋಜ್ ಗೇನೆರ ದೇವೇನ ಯೇಸು ಕ್ರಿಸ್ತುತಿ ಜಗುಜಮಾಯಿ ಮಹಿಮಾ ವೆ ದ . ಆಮೆನ್ .