¹ ಜೇತಿ ಜೋರೆವಾಲ್ ಅಪ್ನೆರ್ ಅಸಾರ್ ನ್ಯೆ ಚಾಲನಿಜು.ಕಮ್ ಜೇರೇವಾಳೆರ್ ನ್ಯೆವೇವಣು. ² ಅಪನೆಮಾ ಹಯೇರ್ಕಿ ಓರ್ ಬಗಲರ್ ಆಚೆರಂ ಭಕ್ಥಿಬದೆನ ಐಸಾಕರೇವಾಳೋವೇನ್ ಓರ್ ಆಚೆನ್ ದೇಕೇದ ³ ಕಸ್ಸೆನಕತೋ ಕ್ರಿಸ್ತು ಸಧಾ ಒರೋ ಅಚೆನ ದೇಕಿಮ್ದೋಕೋನಿ . ದೇವ ತೋನ ಧೋಷ್ ಡಾಲೇಕೋ ವಾತೇಸೇಜ್ ಮಾರ್ ಉಪ್ಪಾರ್ ಆಯೆ ಕನ್ ಲಕ್ಕನ್ ಚಜು ಓನ ಚಾಲಿಚ. ⁴ ಅಂಗ ಲಕ್ಕನ್ ಚಕೊಸೆ ಅಪನೆನ ಉಪದೇಶ್ ಕರೇರ್ ವಾಸ್ ಲಕ್ಕನ್ ಛ; ಅಪನ್ ವಂಛನ್ ಅಚ್ಹೋ ಮಣ್ಣೇವಾಳ್ವೇನ್, ಸಂಜಾವಾಣಿ ಪಾನ್ ರಕ್ಷಣೆರೋ ಭರೋಸೇತಿರೇರ್ ವಾಸ್ ಉ ಗ್ರಂಧೆ ಲಕ್ಕನ್ ಛ. ⁵ ಉ ಅಚ್ಹೋ ಮನ್ನೇನನ್ , ಸಂಜಾವನಿನ ದೇವಾಳೋ ದೇಅವ ತು ಕ್ರಿಸ್ತು ಯೇಸುರ್ ನ್ಯೆ ಚಾಲೇನ ಏಕ್ಕಕ್ ಮಣ್ಣೇವಾಳ್ವೇನ್ ರೇನ್ ತಮೆನ ದಯಕರೆದ. ⁶ ಹನು ತಮ್ ಏಕ್ ದಲೆತಿ ಭಲನ್ ಅಪನೇ ಪ್ರಭು ಯೇಸು ಕ್ರಿಸ್ತು ಬಾಪ್ಪೆನ್ ಛಕೋ ದೇವೇನ ಸ್ತುತಿಕತಿಯೋ. ⁷ ಜೇವಾರ್ಸ್ , ಕ್ರಿಸ್ತು ತಮೇನ ಭೆಲ್ಲಿದೊಜೂ ತಮಿ ಸದಾ ಎಕೆನ್ ಏಕ್ ಭಲ್ಲೇನ್ ದೆವೆರೋ ಮಹಿಮಾನ ಜ್ಹಾಮ್ಕಜು ಕ ರೋ . ⁸ ಕಸ್ಸೆನಕತೋ , ಮ್ ಕೇರೋ ಕಾಂಯಿಕತೋ ಕ್ರಿಸ್ತು ವದಬೂದೇನ ದಿನೋಕೋ ದೇವೇರ್ ವಾಗನೆವೂನ ಘತ್ತೊಕರನ್ ಒರ ಸತ್ತೆನ ದೇಕಾಲೇನ ಸಂತಾಕಜಕೋ ಹೇವಾನ ಕಲಿರ್ದೆ . ⁹ ಜಾತ್ ಜನ್ ತೋ ಕರುನಾವರ್ಡಿ ದೇವೇನ ಸ್ತುತಿಕರಚಕೇರೋಜ್ ಎನ್ ಸಮ್ಮಾರ್ ಗ್ರಂಥೇಮಾ ಲಕ್ಕನ್ ಛ ಕೋಂಕತೋ ಎವರ್ಡಿ ಪರೇ ರ್ ಜನ್ನೇರ್ ವಚತೋನ ಪ್ರಕ್ತ್ ಕರನ್ , ತಾರ್ ನಾಮೇನ ಕೆನ್ ಗಿದ್ ಗಂವೂಚು ಕನ್ ಕೇರೋಚ. ¹⁰ ಉಜ್ಜಿಯೇಕ ಜಾಗೇಮಾ ಜಾತ್ಜನ್ , ದೇವೇರ್ ಜನ್ನೇರ್ ಸಾತ್ ಖುಷಿಕರೋ ಕನ್ , ಸ್ತುತಿಕರೋಕನ್ ಲಕಕನ್ ಛ. ¹¹ ದೂಸರ್ ಜಾಗೇಪರ್ ಸೇಜಾತ್ ಜನ್, ದೇವೇರ್ ಜನ್ನೇರ್ ಸಾತ್ ಖುಷಿಕರೋ ಕನ್. ¹² ಉಜ್ಜಿಯೇಕ ಜಾಗೇಮಾ ಏಷಾಯ ಕೇರೋ ಕಾಯಿಕತೋ ಇಷಾಯಿರ್ ಪ್ಹುಮ್ಗೆರೋ ಕತ್ತೋ ಜಾತ್ ಜನ್ನೇನ ಪಾಲನ್ ಕರೆವಾಳೋ ಅವಾಚ. ಜಾತ್ ಜನ್ ಓನ ಅಸಾಕರಚ. ¹³ ಪವಿತರ್ ಅತ್ಹ್ಮಾರ್ ಜೋರೆತಿ ತಮೆನ ಭರೋಸೋ ಬಡಜಾಯೇನ ಭರೋಸೇರ್ ದೇವ ವಿಶ್ವಸಮೆತಿ ಟೇಮ್ನ ಭನರಕಿಯೇ. ¹⁴ ಮಾರ್ ಭಾಯಿಯೋ , ತಮ್ ಅಚ್ ಪನೇತಿ ಭರಾನ್ ,ಸೋಲಿ ಗೇನೆತಿ ಭರಾನ್ ಎಕೆನ್ ಏಕ್ ಅಕ್ಕಳ್ ಕೆಣ ಜೋರೆವಾಳವೆನ್ ಚೊ ಕನ್ ತಮಾರ್ ಖಬರೇಮಾ ಮನ್ನಿ ಮಾಲಂಚ. ¹⁵ ತಾಯಿ ತಮೇನ ಹದೆಲಾನುಕನ್ ಓಟ್ಟೋತ್ತ ಘನ್ ವಿಕೋ ಹಿಮ್ಮತೆತಿ ಲಕ್ಕೊಚು. ¹⁶ ಕಸ್ಸೇನಕತೋ ಮ ಪರಲ್ ಜನೆವಾಸ್ ಯೇಸು ಕ್ರಿಸ್ತುರೋ ಸೇವಕವೇನ ಮನ್ನಾ ದಯಾಮಲಿ ಮ ದೇವೇರ್ ಅಚ್ ಖಬರೆರ್ ಸೇವಾನಯಾಜಕೇರ್ ಸೇವಾಕಜು ಛಲಾನ್ ಪರಳ್ ದೇಶ್ ಕಕೋ ಕಾಣಿ ಕಾ ಪವಿತ್ರಾತ್ಮವಾರ್ಡಿ ಪವಿತ್ತರ್ ವೇನ್ ದೇವೇನ ಭೋಕನ್ ವಜು ಕರೋಚು. ¹⁷ ದೇವೇರ್ ಸೇವಾಮಾ ಮೋಟ್ಟನ್ ಲಲೆನ ಮನ್ನಾ ಕ್ರಿಸ್ತು ಯೇಸುಮಾ ಕಾರಣ ಛ. ¹⁸ ಕ್ರಿಸ್ತು ಪರಲ್ ಜನ್ನೇನ ಖಾಸ್ ಕರ್ಲೆನ ಮ ಹಾ ತೇಮಾನ್ ಕ್ರಿಯಾಮಾನ್ ಅಚ್ಚಕಲಾರ್ , ನಿಶಾನೆರ್ ಕಾಮೇಮಾನ್ ಜೋರೆಮಾನ್ ಪವಿತ್ರಾತ್ಮಾರ್ ಜೋರೆತಿನ್ ಕರಾಯೋಜಕೋ ಕಾಮೇನಜ್ ಪಣ್ ದುಉಸರ್ ಕುಂಸಿ ಕಾಮಿನ ಕೆಣಮನ್ನಾ ಹಿಮ್ಮತ್ ಪುಉವೇಣಿ. ¹⁹ ಮ ಯೇರೂಸಲೇಮೇತಿ ಪಕಡನ್ ಇಲ್ಳುರಿಕ ಶೆರೆಲಗು ಫರಾನ್ ಕ್ರಿಸ್ತುರ್ ಅಚ್ ಖಬರೆನ ಕೆರೋ ಪುಉರೋಕಿದೊಚು. ²⁰ ಉಜ್ಜಿಕೋ ಘಳೋಜಕೋ ಬುನಾದಿಪರ್ ಬಾಂಧಣುಕೋನಿಕನ್ ದಲೆಮಾ ಸೊಸ್ಕ್ಲೇನ್ , ದುಉಸರ್ ಕ್ರಿಸ್ತುರೋನಾಮೆನ ಸಾಮಲೆಲೇಕೋ ಜಾಗೆಮಾ ಅಚ್ ಖಬರೆನ ಪ್ರಕಟ್ ಕರೂನಿಕನ್ ಘಟ್ ಕ್ಲಿದೋ. ²¹ ಕೇನ್ ಓರೋ ಖಬರ್ ಆಯಿಕೊನಿಕೋ , ಓಜ್ ನ ದೆಕಚ; ಕುನ್ ಓರ್ ಖಬರೆನ ಸಾಮೆಳಕೊನಿಕೋ ಓಜ್ ಮಲಂಕರ್ಲಿಯೇ ಕನ್ ಲಕ್ಕನ್ ಛಜು ಮಾರ್ ಕಾಮೇನ ಚಲಾಯೇಚು. ²² ಈ ಕಾರನೇತಿ ತಮಾರ್ ಡಂಯಿ ಆಯೇನ ಮನ್ನಾಘನೆ ಹಪ್ತಾ ಆಡೋವೇಗಿ ²³ ಪನ್ ಅಬ್ಬೆಪರ್ ಈ ಶೇರೇವೂಮಾ ಮನ್ನ ಜಾಗ ಛೆಜೇತಿ , ²⁴ ಮ ಸ್ವೇನ್ ದೇಶೇನ ಜಾಂವೂಜನ್ನಾ ಮಾರ್ ವಾಟ್ಟೆಪರ್ ತಮೇನ ದೇಕನುಕನ್ ಅಸಾಚ . ಪಚ್ಚ ತಮ್ ಉ ದೇಶಮೆನ ಮಾರೋ ವಾಟ್ ಮೆಲ್ದಿಯೋ ಕನ್ ನಮ್ಮು ಚು . ²⁵ ಪಣ್ ಅಬ್ಬ ಮ ದೇವೇರ್ ಜನ್ನೇನ ಏಕ್ ಅಚ್ಹೋಕಾಮ್ ಕರೇವಾಳೋಸರಿಕ ಯೇರೂಸಲೇಮೇನ ಜಾವೂಚು. ²⁶ ಕಸ್ಸೆನಕತೋ ಯೇರೂಸಲೆಮೆಮಾಛಜಕೋ ದೇವೇರ್ ಜನೂಮಾಗರಿಬೇರ್ ವಾಸ್ ಥೋ ದೆಸ್ವಕ್ ಪಿಸಾರ್ ಮದ್ದತೇನ ಕನುರ್ಕನ್ ಮಕೆದೋನ್ಯಾ ಅಕ್ಹಾಯ ಷೆವಾಲ್ ಅಸಾತಿ ಛ. ²⁷ ಎನ್ ಕರೇನ ಓ ಅಸಾಕಿದೆಜಕೋ ಜ್ ಕೋನಿ ಇ ಉನ್ನೇರ್ ಖನೆಮಾ ಛ ; ಕಿಮ್ ಕತೋ ಪರಲ್ ಜನ ಉನ್ನೇರ್ ಅತ್ಹ್ಮಾನ ಛಜಕೋ ಮಾಉನ್ನ್ನ ಸೇವಾ ಕರೆರ್ ಲ್ಹನೆಮಾ ಛ ಕೋನಿಕಾಯಿ ²⁸ ಮ ಈ ಕಾಮೆನ ಪುರೋಕಲೆನ್ ಈ ಪ್ರೆಮೆರೋ ಫಲೇನ ಓತ್ತ ರೇನ ದೂಜೇರ್ ಪಚ್ಚ ತಮಾರ್ ವಾಟ್ ವೇನ ಸ್ವೇ ನ್ ದೇಷಮೇನ ಜಾವುಂಚು ²⁹ ಉಜ್ಜಿ ತಮಾರ್ ಧಾಂಯಿ ಆವುಂ ಜನ್ನಾ ಕ್ರಿಸ್ತುತಿ ವಕೋ ವರಮೆನ ಘನ್ ಲಾಯೋ ಕನ್ ಮಾಲಂ ಕಾರ್ಮೆಳೋಚು. ³⁰ ಭಾಯಿಯೋ , ತಮ್ ಮಾರ್ ವಾಸ್ ದೇವೇರ್ ಮುಂಡಾಗ ಕರಜಕೋ ಅರಜೆಮಾ ಮಾರ್ ಸಾತ್ ಜೇರೇತಿ ಅರಜ್ ಕನುರ್ಕನ್ ಮಾರ್ ಪ್ರಭು ಯೇಸು ಕ್ರಿಸ್ತುರ್ ವಡಿ ಪವಿತ್ರಾತ್ಮ ತಿ ಛಜಕೋ ಪ್ರೇಮೇರೋ ಸಾತ್ ತಮೆನ ನೋರಕರೂಚೂ . ³¹ ದೇವ ಮನ್ನ ಯುಉದಾಯಮಾ ಚಜಕೋ ನವ್ವನಿಜೇನೂರ್ ಹಾತೇತಿ ಚೊಡಾನೂ ಕನ್ ಯೇರೂಸಲೇಮೇವಾಸ್ ಮಕರುಕೋ ಈ ಅಚ್ ಕಮ್ ವತ್ತಚಜಕೋ ಜನ್ನೇನ ಅಚ್ಹೋ ದೇಕಾವಾಜು ಅರಾಜ್ ಕರೋ ³² ಹನು ಮ ದೇವೇರ್ ಖಾತ್ರೆರ್ ನ್ಯೆ ಅನಂದೇರೋ ವೇನ್ ತಮಾರ್ ಧಾಂಯಿ ಆನ್ ತ್ಮಾರ್ ಸಾತ್ ಆರಾಮ್ ಲೂಚು. ³³ ಶಾಂತಿವಾಳೋ ದೇವ ತ್ಮಾರ್ ಸೇರ್ಸೋಬತ್ ರೇದ. ಅಮೇನ್.