2 ² ሃኣኔንባ ኦካ ጫቃን ጉዩዬ ኢየሱስ ክርስቶስ እን ጻጵዮጝ፣ ሃእሺጵን ዬ ሃማሬ እንቃ እባጄኑጝ ሃቱምያዬ። ³ ሃኩኔ ኦጉዩዻ ሃኬ ዻቾዬ ሪግዬ፣ ፕርዻ ሃኬ ሪጄን ጁዋኑ። ⁴ ክያጃ ናኒዻ ውር ሜይሼን ናኒዻ ሃቁዋቅትካ መንፈስ ዹዋልሺኔን ዬ፣ ሃኣኔኬን ክያጃካ ፓካልማሞ ኬና ሱዱሚኔ፤ ⁵ ይንዻ እምነት ጉዩ ሃኬ ቁዋቅትካ ባሪዮ ዬ ሃኬ እያይ ማርሼ ፓካልማሞካ ውር ሙኒሼኑጝ። {ፓካልማሞ እን ጌዬኬ መንፈሱጝ} ⁶ ዬ ከኦካ ውር ጊታይ እባጅ ክያጃጝ ሃሓሳዋባ ፓካልማሞ፤ ካኣይባዬ ማር ፓካልማሞካ ፔኑጜን ወይ ማር ፓካልማሞካ ታታቻንካ ውርካ ፔኑጝ ካካይዬን። ⁷ ኣይባዬ ኦካ ድኬንካ ባሪዮ ባድኬዬ ኣኖጝ ሃፓካልማሞ፤ ፓካልማሞጝዻ ባሪዮ ከኦካ ሌሜንካ ቦን ጊታባካ ሌሜን ሃእን ሌምሼ ቱምዬ ናንዳካ ጎቢንታ ጉዋዩጝ። ⁸ ከኦካ ታታቻን ጊታጝካ ፔኑጝ ክየምጵንዻ ካኒ ጊባጅኬን ፓካልማሞ እኑጝ፤ ዋንቲ ጊባጃያጝ ጻጵኬን ታቺ እን ጎቢዮጝ። ⁹ ካኣይባዬ፣ ከእያይ ቶኮጝ፤ «እን ካርቡ ማሬ ጌዬኑጝ፣ «እን ናቡ ማሬ ዋዬኑጝ፣ «እን ሻንካ ውር ማሬ ቃብዬኑጝ፣ ባሪዮ ናንዳካ ጊታይ ናሺ እሹጝ ኣሽክያዬ» ¹⁰ ዬ ባሪዮ ዹዋልሼያ ኡዋው ይጝ ከታካ መንፈስ። መንፈስዻ ኦይንካ ባሪዮ ኣኔን ቱዎጝዻ ሺዽኬኔ ቶይባ ፓይላ። ¹¹ ከኣኦይን ኣኔን ቱዎጝ ከመንፈስ ኔኒ እንቃ ከኦካ ጫቃንካ ውር ሃኒን ካእባጅ ቃቦካ ውር ክየሙጝ? ከእያይዻ ከኦካ መንፈስካ ባሪዮ እንቃ፣ ውር ክየምጵንዻ ኬናካ እባጅ ቃቦካ ባሪዮ ኣኔኬን። ¹² ሃኬ መንፈስ እን ኣይኬ ታካ ባሪዮጝ ዬ፣ ሃካ ቦዋኬን መንፈስካ ፔኑጝ፤ ይንዻ ካእባጅ እን ባሪዮ ኣዬ ኡዋው ማም እያይኔ ጊያ። ¹³ እን ኡዋው ካሃሳውቶጝ ሃይዕጝ፤ ማርኬ ክያጃ እን ሃእርርቴ ከኦካ ፓካልማሞካ ውሬኔ፣ ሃሓሳዋባ ክያጃ እን ሃእርርቴ ከኦካ መንፈሱጝ፤ ካክያጄ ኣኩሉካ መንፈስዻጝ ሃኬ ክያጃካ መንፈስ። ¹⁴ ውር እን ማርካ መንፈስ ኣዬኑጝ ቻሊኬን ኦይን ኣይኬ መንፈስካ ባሪዮ ቦወን፤ ናንዳካ ኦ ኣይን ኣኔንኬ እያይ ናንዳካ እሺ ሃሞኚነት፤ ናንዳካጝ ቶዬኬ መንፈስዻጝ፣ ቻሊኬን እባጄን። ¹⁵ ዬ ውር እንካ መንፈሱጝ ቶይባ ኦኬ ፓይላ ዬ ቶይኬን እሺ ኤምኑ ከውር ክየምጵንዻ። ¹⁶ ካእርርሲዮጝ፣ ሃኒን ኣጅ