¹ Luhanyesa ibo mbo baolese basambesi la mikondji, la bakumbaeli laa masala malo, ² la soo botongi moto, la bobi la ehole, la ebongu, la motema molo ale bato fee. ³ Lita lambo iso limoo tobi boso bibebe, bato ba bokahala, milefanya, mokobe mwa kamo bilenge fee ya loomba, bouhi la bofangangalu la atite ya kamo mbe, ihe yengani bafelesene laasu. La tofelesene iso angene. ⁴ Nde, ambeke bolobwa Mungu mouhesi mwasu la loundo lwa nde ale bato loeneni, ⁵ auhesi iso, soo lital ndjaso yasu ya tondoyo eyi yikeli iso , nde lita la buha bwa nde la mbowa ya bolufesemi bwa imbale bwa moenda mwengi. ⁶ Emo moweleli inde iso la wiiye la mbowa ya Yesu Kilisito mouhesi mwasu, ⁷ llita lambo bonyemolemi la buha bwa nde, toundjwe, la boteli motema, bangene la lisomba la boumi bwa omoongo. ⁸ Yoohi lile la omoongo la lenangi mbo oimele ndjaso yiyi, litalambo eba baimeli Mungu babande botongi misala milo. ⁹ Simela eyi yile bolo la isabo ale bato. Nde seinye fehe ya ekaka, toholo, miso, mawesani ma ngele litambo mtila isato la mati la bosiyo. ¹⁰ Tohohala, mbisa ya bokebisi aye mbala ya ososo, la mbala ya imbale, oyo oyesa botshaani, ¹¹ nde olubi mbo moto ya elenge yeyo ee oboso ee ombisa, la ekela ndjaso mbee, la boti loomba laa itumbo. ¹² Ekeka yetomela bono mba aye Atalemase, Tikite, hoesa oye totumane la Nikolopose, lityalambo eyo nde aenganesi mba boyei waa etesa ekeka ya fio. ¹³ Enganesa loendo lwa Senasi, mofalesi mwa ngele, la emwa Apolo la elenge mbo babee la bohola bwa luba. ¹⁴ Yengani ebasu baengele botongi masala malo lita la boenganesi kamo ya kbakakbaka , mbo bohomee boboti tuma tolo. ¹⁵ Eba fee bale la mba baopaya aye. Paya ebananga iso atite ya boimeli. Seinye lifee la Mungu libe laanu atuba.