¹ Lita la ye, asa ndjaso yeengani la maluhanyi malo. ² A sa mbo mionde babe bato ba fohi, tondoyo, ndjaa la boimeli, laa loundo, laa motema mosa. ³ Asa mbo mionde mia batomi babe la mombani molo, mwengani, ba bee la matongi, ba bee ba mwi ba mana; baengani bofi maano. ⁴ Laa bosiyo bwa bofalesi batomi ba songe liya mbisa, banange balome la bana babu, ⁵ bakande mitema, bawee mbeli ya balome babu, batonge misala mwa ndao, balo, baolese balome babu, lita mbo yohi la Mungu li sabwee. ⁶ Faa limoo loili ale yembemba mbo babe la bofohu. ⁷ Oenese ayengene ndembe ndoo laa ndjaso fee, la bofi mafalesi malo, ⁸ maohi malo, mati la mapusano, lita la mbooyo afeleseni laye abwe yombi, abee la lwaso lobe angoo lomoto lwa boaseli iso. ⁹ Fa loili ale basali baolese bangenge babu, bahenese ibo la ndjaso fee, babee baemaleli, ¹⁰ baibee luba, nde baenese bikeka fee elenge yeyo lita la boolesi laa ndjaso fee, maluhanyi ma Mungu mouhesi mwasu. ¹¹ Lita lambo lifee la Mungu, esokwelo ya bouhi bwa bato fee, leenesemi. ¹² Yele yefalesa iso bokili ndjaso ya liindi la kamo ya mwano la bouhi, la elao yeye, benganeli la boala, la omoongo la bonyemu, ¹³ la lohenele lwa bokumbaeli boenesemi bwa lifefia la Mungu la mouhesi mwasu Yesu Kilisito. ¹⁴ oyo afi boumi bwande lita lasu mbo asoole iso la obee bofee, la mbo tobe ekanga ya nde, yenyemolemi laa nde la tobe la mofoto mwa botongi ndjaso ndoo. ¹⁵ Asa ndjaso yiyi, fa loili, la faamela, la bolengi fee. Moto a lefolee aye.