¹ Polo, mosali mwa Mungu, la motomemi mwa Yesu lita la boimeli bwa omoongo, ebo bole laa elenge ya bonyemu, ² Laa eyo ebotama boteli motema bwa boumi bwa omoongo omoongo, ebo bo botiemi esemba, sokba bikeka bia hala la Mungu oyo aila ititae. La oyo aenesi yombi la nde la ekeka ya nde la litondoli eli lifemi mba ale Mungu mouhesi mwasu. ⁴ Ale Tito,mwana ya mba ya bobotemi laa boimeli bwasu. Seinye mbo lifee la Mungu la ehole yiwelemele aye ale Mungu Sango la Yesu Kilisito mouhesi mwasua. V 5 Letii aye laa Kelete, lita lamboote laa mbowa yeengani eyi yitiala, la mbo, laa elenge ya isosa sambam ate mionde laa moi la moi. ⁶ Ambeke yele la moto ati la mapusano, molome ya motoomi momoti oyo ale la bana baimeli, bale la mafeleki ma misambo la yenge. ⁷ Yengani mbo Moonde abee la mofoto, soo bohahu, soo minunga mia yombi. ⁸ Abe moluteli abiya ya bato balo, la bofohu, tondooyo, ndjaa, moteema mosa. ⁹ Abeteme la yoohi la omoongo obona afalesemi lo, litambo abe la alonge bofi bato loili laa elenge ya maluhanyi ma ndjaa, la bohuli bato ba tofenya. ¹⁰ Yele la buiya ale bato batenemi mambute, bato ba yenge, baasasi ekaka ekaka la beititai. ¹¹ Yengani mbo akandele ibo monoo. Bale betshaa manginda fee, befalesa ndjaso eyi yitshengani bofalesemi lita la seeli ya yombi. ¹² Omoti atite yabu, motondoli mwa bu, aasi mbo: bakelete, bikeka fee baititai, nyama ya bohahu, bato bainange misala. ¹³ Mboli yiyi yele omoongo. Llo, faamela ibo la bokbamu, imbo babe la boimeli bonyemwi, V 14 la mbo baimelee ngele ya bayuda la ngele ya bato iyi yifemba yoohi la omoongo. ¹⁵ Luba fee lile ndjaa lita la eba bale ndjaa, luba angoo limoti liti ndjaa lita la eba bale la liindi la eba mitema mikbamu, weli bwa bu la maluhanyi mabu maosehama. ¹⁶ Betonga mosala ambo bato balubi Mungu, ango nde bale beangina inde la misala ma bu mabe, ma yenge, la bailonge botongi mosala molo.