2 ^{1 2} 1 ನಿಂಗನೆಕೋ ಸ್ವಸ್ಥಬೋದನೆಕಿ ಸರಿಯಾಯಿ ವಾಸೆತಂಗೋ . 2 ಹೆಂಗಿಂಡೆಕೆ , ವೃದ್ದರು (ವೈಸಯಿಕ್ರಗ್ಯ ) ಸ್ವಸ್ಥಚಿತ್ತರಾಯಿಕ್ರಗ್ಯ ಗೌರವಯಿಕ್ರಗ್ಯ ಜಿತೆಂದ್ರಿಯರು ನಂಬಿಕೆ ಪ್ರೀತಿ ತಾಳ್ಮೆ ಇಲ್ಕುರು ಸ್ವಸ್ಥತೆಯಿಕುರ್ದು ಇಂಡು ಸೋನ್ನರೆ. ^{3 4 5} 3 ಹಂಗೆ ವೃದ್ದ (ವೈಸಾಯಿಕ್ರ ) ಪಂಲಗ್ಯ ನಡತೆಕುರು ಪರಿಶುದ್ದತ್ಕು ಸರಿಯಾಯಿ ಇಂದು ಸುಳ್ಳ ಸೊಂಡ್ರಾಗ್ಯ ಶ್ಯಾನ್ನ ಮದ್ಯಪಾನ ಸೈರಗ್ಯ ಆಗ್ದೆ. 4 ದೌರ್ತ ವಾಕ್ಯ ದೊಷಿಸಲ್ಪಡರ್ಕಾನಿ ಯೌವಾನ ಪಂಲಗ್ಯ ಸ್ವಸ್ಥಚಿತ್ತಾರು ತಗ್ಟ ಮನಾಗುನ್ನ ಮಕ್ಕಿಳ್ನ ಪ್ರಿತಿಸ್ರಗ್ಯ 5 ವಿವೇಕಯಿಕ್ರಗ್ಯ ಪತಿವ್ರತೆ ಉಟ್ನ ಪತುಗ್ರಾಗ್ಯ ನಾಲ್ಲಗ್ಯ ತಾಗ್ಟ ಮನಾಗುಂಕು ವಿದೇಯಾರಾಗುರ್ದುಯಿಂಡು ಆಲ್ಕಿ ಸೋನ್ನು. ^{6 7 8} 6 ಹಾಂಗೆ ಯೌವನಾಸ್ಥರು ಸ್ವಸ್ಥಚಿತ್ತಾರಗುರ್ದುಯಿಂಡು ಅಲ್ನ ಎಚ್ಚರ್ಸು . 7 ಆದಿ ವಿಷಯತ್ಕುರು ನೀನ ಸತ್ಕಾರ್ಯಾತ ಮಾದರಿಯಾಯಿ ಕಟ್ಗೊಂಡು ಬೋದನೆಕುರು ನಿರ್ಮಲತ್ವನ ಗೌರವನ ಯಥಾರ್ಥತೆನ್ನ ಖಂಡಿಸುರ್ಕು ಅಗ್ದೆಯಿಕ್ರತ ಸ್ವಸ್ಥವಾನ ಒಕುನ್ನ ಕಾಟ್ಟು ; 8 ಇತಿಂಡು ವಿರುದ್ದಪಕ್ಷತದು ನಿಗ್ಟ ವಿಷಯತ್ಕುರು ಕೊಟ್ಯತ್ತ ಸೊಂಡ್ರುಕು ಎದು ಇಲ್ಲದೆ ನಾಚಿಕೆಪಾಡಕು. ^{9 10} 9 ಸೇವಾಕರು ತಗ್ಟ ಯಾಜಮಾನ್ಕು ವಿದೇಯಾರಯಿಂದು ಆದಿಕುರು ಅತಾತೆಯ ಮೆಚ್ಚುಸುರ್ಕು ಪ್ರಯಾಸಪಡ್ತ ಎದ್ರು ಒಕು ವಾಸೆತುದೇ 10 ಯೇತುನು ಪೆಚ್ಚುಗ್ದೆ ನಂಬಿಗಸ್ತರಿಂಡು ಕಾಟಿಗೊಂಡು ನಾಗ್ಟ ರಕ್ಷಕನಾನ ದೌರ್ತ ಉಪದೆಶತ್ಗು ಆದಿ ವಿಷಯತ್ಕುರು ಸಿದ್ದವಾಗುರ್ದುಯಿಂಡು. ಎಚ್ಚರಿಸು. ^{11 12 13} 11 ಯೆಂತಿಗಿಂಡೆಕೆ ಆದಿ ಮನುಷ್ಯರ್ಕು ರಕ್ಷಣೆ ಸೈರ ದೌರ್ತ ರಕ್ಷಣೆ ಪ್ರತ್ಯಕ್ಷವಾಸು . 12 ನಾಂಗ ಭಕ್ತಿ ಹೀನತೆನ ಲೋಕತ ಆಸೇನ ಉಟೊಟ್ಟು ಲೋಕತ್ಕುರು ಸ್ವಸ್ಥಚಿತ್ತರಾಯಿ ನೀತಿವಂತರಾಯಿ ಭಕ್ತಿಯುಳ್ಳವಾರಯಿ ಬದುಕುರ್ದುಯಿಂಡು ಅದು (ಅ ಕೃಪೆ ) ನಂಗುಲ್ಕು ಬೋದಿಸಾಕು . 13 ನಂಗ ಭಾಗ್ಯಕರವಾನ ನಿರಿಕ್ಷೆನ್ನ ಮಹತ್ತಾದ ದೌರ ನಾಗ್ಟ ರಕ್ಷಕನಾನ ಯೇಸುಕ್ರಿಸ್ತನ ಪ್ರಭಾವತ ಪ್ರತ್ಯಕ್ಷತೆನ್ನ ಎದ್ರು ಪಕಾರೆ ¹⁴ 14 ಅದು ನಾಂಗುಲ್ನ ಆದಿ ದುಷ್ಟತಾನತಿಂಡು ವಿಮೋಚುಸುರ್ಕು ಸತ್ಕ್ರಿಯೆಕುರು ಅಸಕ್ತರಾನ ಅಸಾಮಾನ್ಯ ಮಂದಿಲ್ಕಿ ತಂಕಾಯಿ ಪರಿಶುದ್ದ ಸೈಯಿರ್ಕು ತಾನೇ ಒಪ್ಪಿಸಿ ಕುಡ್ಚು . ¹⁵ 15 ಈ ಕಾರ್ಯತ ವಿಷಯತ್ಕುರು ವಾಸೆತ ಎಚ್ಚರ್ಸ್ತ ಪೂರ್ಣ ಅದಿಕಾರತಿಂಡು ಖಂಡಿಸ್ತ ಇರು .ಎದು ನೀನ ತಿರಸ್ಕಾರ ಸೈದೆಯಿಕೊಟ್ನು.