1
విగ్రహాలకు బలి అర్పించిక్కురుత గురించి: నంబురు అడ్డేరు తెలివి ఇక్కిరాయే యిండు నంబురుకు గొర్తు. తెలివి ఉప్పొంగాదు గాని ప్రేమ క్షేమాభివృద్ధిని కలుగ జేయాదు.
2
ఏదన్నా అత్తుకు ఎందాదన్న గొర్థిండు భావించిగా, అదు గ్రహించురుదు ఎందాదిండిగా అదు తెలుజుగురత్తన తెలుజుగిల్లా యిండు.
3
ఏదన్నా దేవురున ప్రేమించక్కుదు ఇండిగా దేవురుకు అదు గొర్తు ఇంగురు వాత.
4
అందుచేత విగ్రహాలకు అర్పించిక్కురుత తింగురు విషయమునకు వందిగా, ఈ లోకంకోరు విగ్రహం ఇంగురుదు వట్టిది. ఒండే ఒండు దేవురు తప్ప ఇంకొండు దేవురు ఇల్లా యిండు నంబురుకు గొర్తు.
5
దేవతలు, ప్రభువు లు యిండు కూటుగక్కురాయ చాలా మంది కీదు. ఆకాశము కోరు, తర్రి మేని దేవుతలు ఇంగిరాయ ఎత్తనమంది ఇందప్ప టికి,
6
నంబురుకు ఆసా ఒండే దేవురు కీదు. ఆయన తండ్రి అగు దేవురు. ఆయన ద్వారా సమస్తము కలిగి కీదు. ఆయన కోసరమే నంబురు కీరో. అన్నగే నంబురుకు ప్రభువు ఒండే కీదు. ఆయన యేసు క్రీస్తు. ఆయన ద్వారా అడ్డి కలిగి కీదు. నంబురు కూడా ఆయన ద్వారానే ఉనికి కలిగి కీరో.
7
అయితే ఈ తెలివి అడ్డేరుకు ఇల్లా. కొంతమంది ఇత్తుకు మినిగల్లే విగ్రహాలను ఆరాధించురాయ కాబట్టి అయిలు తింగురు పదార్థములను విగ్రహాలకు అర్పించిక్కుదిండు భావించి తింగాదు. అయిలుట మనస్సాక్షి బలహీనం ఆగురు దు వలన అది అయిలుకు అపరాధం ఆక్కుదు.
8
కలి విషయముకోరు నంబురుకు దేవర చ్చుండు ఎంతారు మెప్పు వామాదు. నంబురు ఎందాదన్న తింగులుడుసా నంబురు తక్కువాయ అల్లా, తిండ్రిగా ఎక్కు వాయ అల్లా.
9
అయితే నింగ్లుకు ఇక్కురు ఈ స్వేచ్ఛ విశ్వాసం కో బలహీనంగా ఇక్కిరాయికి అభ్యంతరంగా ఇల్లారుగుండా పాతుకొంగు.
10
ఎన్నగా ఇండిగా, సత్యం గురించిన అవగాహన ఇక్కురు నీను విగ్రహాలు నిప్పించిక్కురు స్థలముకోరు తింగం దిగా బలహీన మనస్సాక్షి ఇక్కిరాలు పాతిగే, అదు విగ్రహాల కు అర్పించిక్కురు పదార్థాలను తింగిత్తుకు ధైర్యం ఎత్తేందు గాదు.
11
ఏత్తుకోసం క్రీస్తు సొత్తోసో విశ్వాసము కోరు బలహీనంగా ఇక్కురు ఈ నిట సోదరుడు నిట తెలివి వలన పాడైపోక్కుదు.
12
ఇన్నగా నింగ్లు నింగుట సోదరులకు వ్యతిరేకంగా పాపం సేయిరు వలన, విశ్వాసముకోరు బలహీ నంగా ఇక్కిరాసా మనస్సాక్షిన నొప్పించురుదు ద్వారా, నింగ్లు క్రీస్తుకు వ్యతిరేకముగా పాపం సేయక్కురంగా.
13
కాబట్టి నట కలి నట సోదరుడు విశ్వాసముకో జారిపోగిత్తుకు కారణమా సా, నట సోదరునికి అభ్యంతరం కలిగించారుగుండా ఇక ఎన్నడు కర్రీ తింగుమాటి.