¹ ናንዳካ እየወ ጊታይ ኣኔን ሎዶቅያዬ ፕርዻ ጊታይ ማር ኣን ከሩዋ ጌዬ እባጄን ፓይላ ጋኒኔ እያን ኣርሼኑጝ ሃዎሽያ እንካ እባጅቶጝ፤ ² ፕርዻ ሻን ጊዬይ ካሌምዬዬ ካቆቤኬ ናሺማጝ፣ ካጌይ ኮልሾ ሳጊ እንካ ኬልሺኔኔ ካጊባጄ ክርስቶስ እን ኣይ ኦኬ ድኬንካ ባሪዮግ ሃቁዋቅትሽባ፤ ³ እን ድኮጝ ኦካ ፓካልማሞዬ ሆድማሞካ ኦኬ እባጄኔ ፓይላ ካጌዮጝ ሃኬ ታይ ኔኒዬ። ⁴ ውር ክየምጵንዻ ከሃሳዋ ኣግሲዬን ካማር እየው ቱዋኔኔ ሃሜይሼባ እየው ይዕጝ ⁵ ከኣሩጝ ካኣኒንቴ ከኦጉዩ ዹኩጝ ከመንፈስ ሃኣኔን ከእየወ የቆብቴኬ ልኪዬ ከእምነት ቁዋቃ እን ጉዩ ኣኔንኬ ክርስቶሴ ሃጌይዬ ዋዝንሲያ ኣን። {ከኦካ ኦግታይ ውር ኣሽክዮጝ ከክርስቶስ ነጻ ማቲዬን} ⁶ ኣኪ ከእያይ የናሺቴ ኢየሱስ ክርስቶስ ታቺ እኑጝ ቆቢባ ከእሺ እያይ፤ ⁷ ዾቅሜንኬ እሺዬ ቁዋቅትሺዬ፤ ከእያይ የእርርቶጝ ቁዋቅትሽ ከእምነቴ፣ ቦፓይንቴ ጎሺ ካናካ ሺዺዬ ቆቢባ። ⁸ ማርኬ ኦካ ክርስቶሴኔ፣ ከኦኬ ድሲዬንካ ውሬ ከኦካ [ፍልስፍናዬ ከኦኬ ማም ጊታይ ሻምሼ ሕግካ ፔኑጜ ውር ክየምጵንዻ ካማር እየው ሮጉዬኔ ኣጅቴባ። ⁹ [ቋቄንካ ሃሳዋ] ፓይላ ከሩዋ ቆባ ከእሺዬ፤ ¹⁰ እየውዻ ከክርስቶስ እን ኣይ ሹቦካ ጌጳሞዬ ጌጳሲዬኔ ፓይላ የማቲያያ ፓሲ። ¹¹ የኣያኬ እሺዬ የቆርና ቆርኔን እን ማሬኬ ቡዋ ቆርኔኑጝ፤ ከክርስቶስ ቆርኔን የቡላያ ዴንታካ ኣሩጝ እን ኣይካ ሴሶጝ፤ ¹² ከዱቅኔንዻ ቱቱክ እየው ከእሺዬ፤ ከቁዋቅትካ ባሪዮ እን ቲት እሺ ከኣርሼን ኪያኒ ኣምኒዬን ፕር የናሹጛያ ከእሺ። ¹³ እየውዻ ከሴሶ ጉዩዬ ከዴንታካ ኣሩጝ እን ጉዩካ ሴሶዬ ከእን የማርቴ ቆርኔን የኣርሼ ኣንቴባዬ፣ ባሪዮ ሻማ እየው ከክርስቶስ እያይ፤ ሺዕሺሼያ ኡዋው ሴሶ ጉዋዩዻ ፓይላ፤ ¹⁴ ወርቀት ቶኬን እንካ ባጃ ኣኔን ኡዋው ኖኩዬኔ ኣኔን ኡዋው [ኦኬ ቢቴን] ኣይን ከሕጋን ኔኒዻ ላልዬን፣ [ቸንክሪ] ከኦካ ጻጵኔኔ ቡላ ከኦካ ጉዋር። ¹⁵ ጎቢንታካ ታታቻኔ ውር ጊታይ ጌጳሲዬዬ ከኡፑቴን ናሹጝኬ ኦካ ጻጵኔኔ ከሺሪቴ ኦካ ጳሌ ከጌይንቶጝ ሻማ። ¹⁶ ኣኪ ኣይኒን ከኦግታይ የኣምቶጝ ኣይኒን ከኦግታይ የማቶጝ ወይ ኣይኒን ቶንቶሮጝ፣ ከትጌሻኔ ሹ እንካ ሶጵሳዬ ጎቢዬን ውር ክየምጵንዻ ካማር እየው ኦኬ ኮምሼን፤ ¹⁷ ናንዳካ ኦግታጝ ኣኔን ፓይኔኑጝ የኣያ ሙዎሌ፤ ዬ ሩዋ ሃክርስቶስ። ¹⁸ ሹቃቲካ ካሎኔ ይሁኔንካ ውርካ ኤርጎዬ ጊታይ ናሺ ውር ክየምጵንዻ ካማር እየው ካቲንሲዬኔ ኣጅቴባ። ውር እን ኣኔን እያይ ናንዳካ ሹካ እን ሃጌዮጝ ከኦይ ኣይ ይርክ ሳጊ ሻም እሺ ኤምኑ ዼጌ ከሹቦካ ኣሩጝ ቋቁሼ ቃቦካ ማም እያይኔ ሻሜን ጵራጵራ፤ ¹⁹ ውር ይንዻ፣ ሩዋ ኔኑ ፓይላ ከቃዋዬ [ቹቺሼ ከሙራዬ] ቦወን ዳዓኖዻዬ ከጌጵንታ እን ባሪዮ ኣይኖጝ ከእን ጌጵሾጝ ከኦይን ኣይ ኔኑጝ ኣኔኬን ኦኬ። ²⁰ ከኦካ ፔኑጝ የኣርሼያ ከክርስቶስ ከጋጝያጝ ኣኪ ሃናንዳካኦ ናንዳካ ውርካ ፔኑጝ የኣይቴ ጊታኬናካ ዋይሺንቴ ሕጉጝ? ²¹ ኦይ ጎሜን/ ኦይኬ ካት ዱሜ ቶዬን/ ኦይ ዱሜን/ ከእን ሺጜ እያይ፣ ²² ኦግታጝ ፓይላ ናንዳካጝ ሻሜኬ ኤርጎካ ውሬ እርርሲኔኔ ኣያ ጊታኬና ካሻምሼ ኦኬ ክያኒያጝ ሃጊታኬና ካህዬን ማም። ²³ ኦግታጝ ከኦካ እን ኤምኑጝ ከማኒትካ ይሁኔን ጊታይ ሙኖጝ፣ ከሹቃትካ ካሎን ከሩዋ ጋራጋራ ሻሜን