¹ ဘုရားရှင်က အစေခံပေါလုကမှာဘင်း တိတုကမှာ စားရေးနက်ကဟေ။ ငါစာ ကိုယ်တော်ယေရူက အတပည့်ဟူးဝါယဲ့ ဖြစ်ဟေ။ ဘုရားရှင် ကလိင်ဟေက လူရက်စာ ဘုရားရှင်ယင်ပိုကို ယုံကြည်သက်ဝင်ကဇိဉ်အတွက် ဆုံးမသွန်သင်ကဇိဉ် ငင် အဗား(ဖ်)ဘုရားရှင် ဖြောင်နှစ်အန်ကဖြစ်ဟေ။ ² မှကမ္ဘာအတိုင်မှီပင် ဘုရားရှင်နာ ညီရက်အင် နီစ္စထာဝရအဆက်အင် မုချလူလင်ကငါကို ဗျာဒိတ်တော်အီဒက်ဟေ။ ဘုရားရှင်စာ ဝပ်ကိုမုသားငါဟေက ကင်းစင်ယင့်။ ³ မှအကြောင့် အချိန်တန်နဲ့ မှမင်္ဂလာတရားတော်ရက်အင် ဟောကဇိဉ် ငင်ယုံကြည်စွာမှာကြားပီဒက်ဟေ။ ညီရက်အင် ကယ်တင်ဟေကဘုရားရှင်က ပညတ်တော်ရက်အင် ထုတ်ဖော်ကို ဟောကဇိဉ်ယဲ ငါ့ပီဒက်ဟေ။ ⁴ “တိတု”နင်စာ ငါကယုံကြည်ချက်အတိုင်း ယုံကြည်ကလူ့ဖြစ်ကို ငါက အဆာအရင်းဒေလေ ချစ်ခင်ဟေကအကြောင့် မှစားယင် နင်ကမှာရေးအီနက်အန်ဖြစ်ဟေ။ ညီရက်က အဗား(ဖ်)ဘုရားရှင်အိမ်း ညီရက်က ကယ်တင်ရှင်ယေရူခရစ်တော်အားဖြင့် နနိန်ရက်ကအပေါ်ယာ ငြိမ်းချမ်းဟေက ကောင်းချီးမင်္ဂလာ ထုပ်စေ။ ⁵ ငါစာ ကရေတကျွန်းယာ နင်ငင့်ပီဒက်က ရည်ရွယ်ချက်နာ မြို့တိုင်းယာငါဟေက အသင်းတော်ရက်ကအတွက် သင်းအုပ်ဆရားရက်ခန့်ပီကလူမားအိမ်း ငါအဆောင်ရွက်လူကရက်အင် ဆက်လက်ကိုဆောင်ရွက်လူမားကအတွက်ဖြစ်ဟေ။ ⁶ အသင်းခေါင်းဆောင် ခန့်အပ်ကရပ် မီဟေကဂုဏ်သတင်းအိမ်းပြည့်စုံကလူ့ဖြစ်ကို အိမ်ထောင်ရေးယာ သစ္စာငါကို တစ်လင်တစ်မယားစနစ် ကျင့်သုံးကလူ့ရက်ဖြစ်ပေါ်က။ အိမ်မားလူရက်က အဆာ၊ဆာအိပ်ရက်စာ ဘုရားရှင်ယင် ယုံကြည်သက်ဝင်ကို အနို(လ်)၊အဗား(ဖ်)က ဆုံးမဟေက အတေးထမ်း ရိုင်းစိုင်းကလူ့ရက်အဖြစ်ပေါ်ပါ(လ်)က။ ⁷ အသင်းတော်ယင်ခေါင်းဆောင်က လူ့ရက်စာ ဘုရားကအမူတော်ယင် စီမံခန့်ခွဲဆောင်ရွက်ဟေက ကြီးကြပ်ကလူ့ဖြစ်ကို အမိန်းမီငါဟေက လူ့ဖြစ်ပေါ်က။ အမှာရက်စာ စိတ်ဆိုးလွယ်ကလူ့၊ မောက်မာကလူ့၊သေသောက်ကျူးကလူ့၊အရန်းဖြစ်ကလူ့,လောဘပြောင်ကလူ့ အဖြစ်ပေါ်ပါ(လ်)က။ ⁸ အိမ်မားဒေလေက လူ့ရက်ဖြစ်ပေါ်ကအစား အမှာရက်စာ အနင်းရက်အင် နွေးထွေးပျူငှာကို ကြိုဆိုကို ဧည့်ဝတ်ကျေပွန်ကလူ့ဖြစ်ပေါ်က။ မိတ်ဆွေကောင်းပီသပေါ်က။ အိမ်မားသင်းအုပ် ဆရားရက်စာ ပညာသတိအိမ်းပြည့်စုံကို ရိုးသားဖြောင့်မတ်ကလူ့၊ဘုရားဝတ်အိမ်းတုံးကက်ကလူ့၊အပါနာ ကအပါနာ ထိန်းချုပ်လူကလူ့ဖြစ်ပေါ်က။ ⁹ အသင်းတော်ဆောင်ရက်စာ သမ္မာတရားရက်အင် လက်စွဲအကိုးကို ဟောကိုငါဆနပ်ကို ဆုံးမကလူ့ဖြစ်ပေါ်က။မှအကြောင့် အသင်းတော်ခေါင်းဆောင်ရက်စာ လင်းလွဲတုံးက လူတိုင်းယင် ကူညီဖေးမကို လင်းမှန်ယင် ထုတ်မားဆနပ်အီပေါ်က။ ¹⁰ အိမ်မား တရားရက်အင် ဆန့်ကျင်ကို အကျိူးမဲ့ဟေက တူးရက်အင် ဝပ်ကိုငါ့ဆနပ်ကလူ့ရက် ဘောင်းကိုငါဟေ။အထူးသဖြင့် အတတ်ကဒေလေက လူ့ရက်စာ မေရှိယက နောက်လိုက်တပည့် စုတ်ရက်အင် အရေးဖျားအထုတ်ကဇိဉ်မယ် ထောင့်ဟေ။ ¹¹ မှအကြောင့် အမှာရက်အင် အိမ်မားကစ္စရပ်ရက်အင် အငါ့ကဇိဉ်တာမြစ်ပေါ်က။အမှာရက်စာ အရှက်တကွဲအကျိူးနည်းဖြစ်ဇိဉ်က အ့ဆာနိန်ကကစ္စရပ်ရက်အင် ဆနိန်အီကအတွက် မိသားစု ဆူယာလုံး ယုံကြည်မူရက် အစီကလင်ပေါ်ကဟေ။ ¹² ပညာရှိပရောဖက်ဟူးဝါနာ “ကရေတကျွန်းသားရက်စာ ရက်ပိုင်ဝပ်ကထောင့်ဟေ။ မလိမ်းရိုင်းတိရိစ္ဆာန်ရက်တေ အစားကြူးကို နာပျင်ကလူ့ရက်ဖြစ်ဟေ။”ငါကို ဟက်တာကရပ် ငါ့ပီဒက်ဟေ။ ¹³ အိမ်မားတူးနာ အဒင့်ဖြစ်လင်ကဟေ။အတတ်ကဒေ နာပျင်ကလူရက်အင် ဘုရားယားယုံကြည် မြတ်နိုးကို ယုံကြည်ချက်ခိုင်မာကဇိဉ် နိုးဆော်အီပေါ်က။ ¹⁴ အိမ်မား ပညာမဲ့ကယုဒလူမျိူးရက်က ဒဏ္ဏာရီတန်ဒူရက်အိမ်း လူရက်ကပြုပြင်ပြောင်းလဲပီက ပညတ်တရားတော်ရက်အင် အာရုံအစိုက်ယဲ့ ။အိမ်မားဦဇားရက်စာ သမ္မာတရားရက်အင် လိုက်နာကအငါ့က လူ့ရက်က ပြုပြင်ပြောင်းလဲပီက ပညတ်တော်ရက်မယ် ဖြစ်လင်ကဟေ။ ¹⁵ သူတော်စင်ရက်ကစိတ်နှလုံးစာ သန့်ရှင်းစင်ကြည်ကအကြောင့် အိမ်မားလူ့ရက်ကအတွက် အရာရာစာသန့်ရှင်းစင်ကြည်ဟေ။ညီငါဒင့်ယဲ့ ကိုယ်ကျင့်တရားအမီကို ဘုရားရှင်ယင် အယုံကြည်က လူ့ရက်ကအတွက် ဆူယဲ့ကဦဇားရက်သန့်စင်ကအငါပါ(လ်)။အိမ်မားလူရက်က စိတ်နှလုံးသားအိမ်း ဟီရီဟြတ္တပရားနှစ်မျိူးစလုံး ပျက်စီးပေါ်ကဟေ။ ¹⁶ အမှာရက်စာ အင်းဆီး(လ်)အိမ်းဘုရားကြည်ညိုကို လက်တွေ့ယာက(လ်) ဘုရားဆန့်ကျင်က လူရက်ဖြစ်ဟေ။ အိမ်မားဒေလေက လူ့ရက်စာ အဆယ်ကမီကလူ့ရက်ဖြစ်ဟေ။အမှာရက်စာ ဘုရားရှင်က ဩဝါဒရက်အင် အလိုက်နာကို မီဟေကဆူယဲ့ဒင်လုပ်ကဇိဉ် အသင့်တော်က လူ့ရက်ဖြစ်ဟ