¹ တိတု၊ နင်စာ မှန်ကန်သင့်တော်ဟေက ညွန်ကြားချက်ရက်အင်မယ် ဟောကိုဆနိန်အီးပေါ်က။ ² အဆက်ပြောင်ကလူရက်အင် သမ္မာသတိငါမား၊အပါနာကအပါနာ သိက္ခာစောင့်ထိန်းလူမား၊ ပညားအိမ်းဆင်ခြင်ထောင့်မား တိုက်တွန်းယင့်။ ဘုရားရှင်အပေါ်ယာယုံကြည်ကဇိဉ် ၊အယောက်က လူ့ရက်ကအပေါ်ယာ မေတ္တာတရားပီကဇိဉ် စိတ်ရှည်သည်းခံကဇိဉ် ငါ့ဆနပ်အင်း။ ³ အဆက်အရွယ်ပြောင်ကတာဆာလှောင်ရက်အင် ဘုရားတရားယင် ကြည်ညိုကဇိဉ် ဆနိန်အီယင့်။အမှာရက်အင် အယောက်ကလူ့ရက်အင် အတန်ဇိဉ်ယဲ့။အရက်က အငှားဆာအဖြစ်ဇိဉ်ယဲ့ ။ ⁴ မေဒေငါတောင်းမယ် အိမ်မားတာဆာလှောင်ရက်စာ အဆက်မန်ဆာက တာဆာလှောင်ဆာ ရက်အင် အိမ်ထောင်ရှင်မမီပီသမား လက်ဆင့်ကမ်းဆနိန်အီလူ့ကလူရက် ဖြစ်ဗား(ဖ်)က။ ⁵ အဆက်မန်ဆာက အိမ်ထောင်ရှင်မတာဆာလှောင်ဆာ ဟူးဝါတိုင်းစာ အပါနာရက်က မိသားစုယင် ချစ်ခင်ကြင်နာဟေက အိမ်ထောင်ရှင်မ မီရက်ဖြစ်ဗား(ဖ်)က။ အမှာရက်ကအဟိုလ့်ဗား(ဖ်) ရက်အင် ရိုသေလေးစားလင်က။ညီငါဒင့်မေ ဘုရားရှင်က နူတ်ကပတ်ရက်အင် အတန်ကိုငါဟေကလူ့ရက် အငန်နန်းက။ ⁶ မှနည်းအိမ်းမက်တာ မန်ဆာက တာဆာပြိုင်ရက်အင် အရာရာတိုင်းယင် အပါနာကအပါနာ စောင့်ထိန်းကဇိဉ် ဆနိန်အီယင်။ ⁷ အယောက်ကလူ့ရက်က စံနမူနာဆနပ်ကလူ့ဖြစ်မား မီဟေကအကျင့်ယင် စောင့်ထိန်းဇိဉ်ယင့်။နင် အမှာရက်အင် ဆနိန်ကိုဆုံးမကရပ် သိက္ခာသမာဓိ ရှိရှိဆုံးမကို ဆနိန်ယင့်။ ⁸ လူ့ရက်အင် ဆနိန်ကိုဆုံးမကရပ် ဟူးဝါယဲ့ဝေဖန်ကအလူမား မှန်ကန်ဟေကတရားတော် ရက်အင်မယ် အသုံးပြုယင့်။အတတ်ကဒေ ငါတောင်းမေ ဟူးဝါယဲ့ နင်ငင် အရှက်တကွဲ အကျိုးနည်းဖြစ်မား အလုပ်အန်လူပါ(လ်)က။ အဇာရီကအကြောင့်ယားငါနဲ့ အမှာရက်ကမား ညီရက်အင် အပြစ်တင်ကဇာတ် တူးအငါကအကြောင့် ဖြစ်ဟေ။ ⁹ အငှားဆာရက်စာ အမှာရက်က သခင်စိုးကက်ကအတိုင်း ရက်ပိုက်လိုက်နာပေါ်က။အမှာရက်က သခင်ယင် တူးပြန်ကိုအငါးပေါ်ပါ(လ်)က။ ¹⁰ သခင်ကဦဇားအကူ(ဖ်)ပေါ်ပါ(လ်)က အမှာရက်စာ အရိုးသားဆုံးအိမ်းယုံကြည်ထိုက်က လူ့ရက်ဖြစ်တုံးပေါ်က ငါကိုဆနိန်အီယင့်။ မေဒေငါတောင်မယ် ညီရက်က ကယ်တင်ရှင်ဘုရား အကြောင်းယင် ဟော်ဆနပ်ကရပ် လူရက်အ(လ်)ကြည်ညိုကဇိဉ် မှနည်းလမ်းတိုင်းအိမ်း လုပ်သင့်ဟေ။ ¹¹ ဘုရားရှင်စာ လူ့ဆာစုတ်ရက်အင် ကယ်တင်ကဇိဉ် ကြွယောယန်ကို ညီရက်ကအပေါ်ယာ အဆာတတ်က ကရုဏာပီကအကြာင့်ယင် ဆနပ်ကိုအီဒက်ဟေ။ ¹² ညီရက်စာ ဘုရားရှင်ယင် မရိုမသေအလုပ်ကအိမ်း လောကီကာမဂုဏ်ရက်အင် စွန့်လွှတ်ကဇိဉ် ။မှလောကကြီးယာ ရိုးသားဖြောင့်မတ်ကအိမ်း သင့်တင့်လျှောက်ပတ်ကို တုံးကဇိဉ် တရားတော်ရက်အင် ဟောကြားကို ဆနိန်အီဒက်ကဟေ။ ¹³ ဘုန်းကျက်သရေတော်အိမ်း ပြည့်စုံဟေက ဘုရားရှင်အိမ်းညီရက်က ကယ်တင်ရှင်ခရစ်တော် ယေရူဘုရား ပြန်ကိုကြွယောယန်က ညီရက်မျှော်လင့်ချက်အပြည့်အိမ်း စောင့်ကိုတုံးဟေ။ ¹⁴ ပညတ်တော်ရက်အင် ညီရက်ချိူးဖောက်တက်ဟေက ညီရက်အင် ကယ်တင်ကဇိဉ်အိမ်း အပြစ်ရက်သန့်စင်ကလင်ကဇိဉ်အတွက် ကိုယ်တော်ယေရူနာ အပါနာက အဆက်အင်ဒင် စွန့်လွှတ်လင်ကဟေ။ကိုယ်တော်စာ ညီရက်အင် အမှာက မိသားစုဝင်ဖြစ်မား စိတ်အားထက်သန်ကို ကောင်းမူရက်မယ် လုပ်ဇိဉ်ကက်ဟေ။ ¹⁵ မှတရားတော်ရက်အင် ဆုံးမကိုဆနိန်အီးကရပ် နင်ကငါဟေက စွမ်းရည်အိမ်းအခွင့်အာဏာ ရက်အင် အသုံးပြုယင့်။ဟူးဝင်ယဲ့ နင်ငင် လေးစားကြည်ညိုမူရက် အပျက်ဇိဉ်ယဲ့။