4 ¹ . Wakatɛ sɛka tɩ nẽr-buuri la dooge Zʋrdẽ kʋlaaga la ba’asɛ la, tɩ Nawẽnnɛ yele Azoze yetɩ: ² «Looge , bʋraasɩ pia la ayi nẽrba la wuu pʋam, buuri woo nẽra ayɩla ³ dee yele ba tɩ ba sẽŋɛ ka dɩksɛ kuga pia la ayi mõgrɛ la tẽn-sʋka zẽ-sɛka tɩ kãabgɔ kẽma la ze la, tarɩ ba sẽŋɛ zẽ-sɛka tɩ ya wʋ gã’arɛ yʋ’ʋŋɔ ẽna». ⁴ Azoze wi bʋraasɩ pia la ayi la tɩ a daan botɩ ba looge Ɩsrayɛlɩ buuri la pʋam, buuri woo nẽra ayɩla la, ⁵ Yele ba yetɩ: «Tole ya ya Nawẽnnɛ n ka tarɩ ba’asgɔ nõ-bĩŋre daka la nẽŋam Zʋrdẽ kʋlaaga la tẽn-sʋka. Nẽra woo dɩkɛ kugre ayɩla buke a bɔkʋm tarɩ wa’am, la wʋn ẽŋɛ se’em tɩ Ɩsrayɛlɩ buuri la woo tara kugre ayɩla». ⁶ Kug-bãma n wʋn bɔna dɛna la dãalgɔ ya tẽŋa sʋka. ya kɔma sãn wa sɔkra ya tɩ ba bãŋɛ kug-bãma võorɛ de la bẽm bɔ ya, ya lerge ba yetɩ: ⁷ «Zʋrdẽ ko’om na daan beŋe la bʋyi, Nawẽnnɛ nõ-bĩŋre daka la nẽŋam wakatɛ sɛka tɩ ba daan tarɩ ẽ lɔŋra ẽ na. Kug-bãma wʋ dɛna la tẽerɛ bɔ’ɔra Ɩsrayɛlɩ dõma wakatɛ wuu pa’ala tɩ ko’om na beŋe la bʋyi». ⁸ La Ɩsrayɛlɩ nẽrba daan ẽŋɛ Azoze n daan pa’alɛ ba se’em na mɛ. Tɩ ba loge kuga pia la ayi Zʋrdẽ mõgrɛ la tẽnsʋka, looge ayɩla woo Ɩsrayɛla buuri la ĩyã, wʋ zuudãana n daan sose [yele] Azoze se’em na, tarɩ ba sẽŋɛ ba zĩ’irgo zẽ’am. ⁹ Azoze le botɩ ba kuge kuga pia la ayi Zʋrdẽ mõgrɛ la tẽnsʋka, kãabgɔ kẽma la n daan tʋ nõor-bĩŋre daka nãma n daan zẽ-sɛka, tɩ ba bɔna mi halɩ wa paagɛ zĩna , [ tɩ kuga ken bɔna mi halɩ wa paagɛ zĩna]. ¹⁰ kãabgɔ kẽma n daan zɛɛrɩ daka la, daan ze la Zʋrdẽ mõgrɛ la tẽnsʋka, halɩ tɩ ba ẽŋɛ bõn-sɛba wuu tɩ Nawẽnnɛ bɔ Azoze nõorɛ tɩ ba ẽŋɛ la. La de La bɛla tɩ Azoze ẽŋɛ bõn-sɛba wuu tɩ Amoyisi yetɩ ba ẽŋɛ la. Tɩ nẽrba daan dooge mõgrɛ la tɔtɔ. ¹¹ Wakatɛ sɛka tɩ nẽrba la wuu dooge mõgrɛ la doone ba’asɛ la, tɩ kãabgɔ kẽma la n daan tʋ Nãwẽnnɛ nõor-bĩŋre daka la, le lui nẽrba la nẽŋam. ¹² Arubã buuri bʋraasɩ, la Agatɩ buuri, la Amanase bu-pʋsʋka daan sẽnnɩ la zɛbrɛ sẽnnɛ, Ɩsrayɛlɩ dõma basɛba nẽŋam, wʋ Amoyisi n daan yele ba seɛm na. ¹³ Ba daan de wʋ sʋdaasɩ tʋs-pinaasɩ yɛ zɛbrɛ lɔgrɔ, mãasʋm zɛbrɛ la ĩyã,sẽnna lɛnna tɩ ba zɛbɛ, tɔglɛ Zeriko bɔba, Nawẽnnɛ n ka tarɩ ba’asgɔ nẽŋam. ¹⁴ Daarɛ ẽŋa, Nawẽnnɛ n ka tarɩ ba’asgɔ wɔɔgɛ [ zẽkɛ] [nã’asɛ] Azoze mɛ Ɩsrayɛlɩ dõma wuu nifũm, tɩ ba nãnna a ke’eŋo la, wʋ ban daan nãnnɩ Amoyisi se’em a vɔm wuu pʋam na. ¹⁵ Bɛla poorʋm Nawẽnnɛ n ka tarɩ ba’asgɔ yele Azoze yetɩ: ¹⁶ « Bɔ kãabgɔ kẽma la n tʋ daka, tɩ Nawẽnnɛ nõor-bĩŋre gõnnɔ boe mĩ na nõorɛ tɩ ba dooge Zʋrdẽ kʋlaaga la pʋam [yetɩ ba ze’ele Zʋrdẽ kʋlaaga la tẽŋasʋka dooge]» ¹⁷ Tɩ Azoze bɔ kãabgɔ kẽma la nõorɛ yetɩ: « ze’ele ya Zʋrdẽ kʋlaaga la tẽŋasʋka dooge » ¹⁸ wakatɛ sɛka tɩ kãabgɔ kẽma la n tʋ Nawẽnnɛ n ka tarɩ ba’asgɔ nõor-bĩŋre daka la ze’ele kʋlaaga la tẽŋasʋka dooge doone ba’asɛ, tɩ ba nãma taglɛ tẽn-kɛ’ɛŋa zuo la, Zʋrdẽ ko’om na le wẽ lagɩm na taaba zɔta, saara a nɔ-gãma wʋ põn ẽn zɔta se’em na. ,[ saara a nɔ-gãma wʋ ba põn zɔta se’em na] ¹⁹ La de la pɔspɔsɩ wõrga dabsa pia daarɛ tɩ Ɩsrayɛlɩ dõma dooge Zʋrdẽ,ka tĩ ba zĩ’irgo zẽ’a Gilgalɩ n boe Zeriko zanõa bɔba. ²⁰ La de la Gilgalɩ tɩ Azoze botɩ ba kuge kuga pia la ayi sɛba tɩ dɩksɛ [gɛ] Zʋrdẽ tẽŋasʋka la. ²¹ Dee yele Ɩsrayɛlɩ dõma yetɩ: « Ya yɩɩsɩ sãn wa sɔkra ba sɔdõma tɩ ba bãŋɛ kug-bãna võorɛ, ²² Ya wʋn tɔgɛ pa’alɛ ba tɩ Zʋrdẽ daan lebge la kɛ’ɛŋa tɩ Ɩsrayɛlɩ dõma pãrgɛ dooge. ²³ Se’ere n soe la, ya Nawẽnnɛ n ka tarɩ ba’asgɔ botɩ kʋlaaga la beŋe mɛ kʋɩ ya nẽŋam halɩ ka paagɛ wakatɛ sɛka tɩ ya dooge ẽ ba’asɛ, wʋ n daan basɛ tɩ mẽelŋɔ mõgrɛ la kʋɩ tɩ tɩ dooge se’em na. ²⁴ A ẽŋɛ bɛla tɩ tẽŋa wã zuo nẽrba wuu bãŋɛ ya Nawẽnnɛ n ka tarɩ ba’asgɔ pãŋa n zo’oge se’em, dee tɩ yãma mẽŋa wʋ nãnna [zɔta] ẽ daarɛ woo.