3 ¹ Beere n wiige tɩ Azoze la Ɩsrayɛlɩ wuu isge Sitim [tẽŋa la pʋam] zẽ-sɛka tɩ ba zĩ la sẽŋɛ ka paagɛ mõgrɛ yʋ’ʋrɛ n de Zʋrdẽ nõorʋm zĩ’ire bilam gu’ura ba doore. ² Dabsa atã daarɛ nẽrba la nẽŋadõma gilge ba zĩ’irgo zẽ’a mɛ, bɔ ba nõorɛ yetɩ: ³ «ya sãn wa yẽ tɩ kãabgɔ kẽma n de levɩtɩ dɩkɛ ya Nawẽnnɛ nõorɛ bĩŋre daka isge zẽ-sɛka tɩ ya zĩ la dɔla ba» ⁴ La ya basɛ tɩ yolõm bɔna yãma la bãma tẽŋatʋka paagɛ kilomẽtre ayɩla, ya da gãŋɛ bɛla. [zãagɛ ya la ba masɛ wʋ kilomẽtre ayɩla, ya da gãŋɛ bɛla.] Bɛla tɩ ya wʋn bãŋɛ so-sɛka tɩ ya wʋn doose, se’ere n soe la, ya nãn ka doose so-ẽna. ⁵ Tɩ Azoze yele nẽrba la yetɩ: «Malgɛ yay a mẽŋa sõŋa, se’ere n soe la beere [beesã] tɩ Nawẽnnɛ n ka tarɩ ba’asgɔ wʋ ẽŋɛ la yel-kɩrsɩ ya tẽŋasʋka ya zẽ’a. ⁶ Dee yele kãabgɔ kẽma la yetɩ: Dɩkɛ ya Nawẽnnɛ nõor-bĩŋre daka tole nẽrba la nẽŋa sẽnna. Tɩ ba dɩkɛ Nawẽnnɛ nõor-bĩŋre daka la tole nẽrba la nẽŋa sẽnna». ⁷ Tɩ Nawẽnnɛ n ka tarɩ ba’asgɔ yele Azoze yetɩ: «zĩna nõo mam wʋn pɔsɛ zẽkra [nã’asra] fɔ Ɩsrayɛlɩ nẽrba wuu nifũm, tɩ ba bãŋɛ tɩ mãm wʋn bɔna la fɔ wʋʋ mam n daan boe la Amyisi se’em na. ⁸ Bɔ kãabgɔ kẽma la n zɛɛrɩ Nawẽnnɛ nõor-bĩŋre daka la nõ-ẽna. Ya sãn paagɛ zʋrdẽ nõorʋm tɩ ya nãma sige ko’om na pʋam ya zɛa» ⁹ Tɩ Azoze yele Ɩsrayɛlɩ nẽrba la wuu yetɩ: «vurse ya lɛm selse ya Nawẽnnɛ n ka tarɩ ba’asgɔ yetɔga. ¹⁰ Sɛla n wʋn ẽŋɛ botɩ [basɛ] tɩ ya bãŋɛ tɩ Nawẽnnɛ n vɔɩ boe la ya lɛ, la tɩ a wʋn to’oge Kana tẽŋa bɔ ya, dee to’ose Itite,la Evẽyẽ dõma, la Ferezeyẽ dõma la girgazeyẽ dõma, la Amorɩyẽ ¹¹ dõma, la yebuseyẽ dõma tẽnsɩ bɔ n wãna» Zuudãana Nawẽnnɛ n soe dunĩa wuu nõor-bĩŋre daka wʋn pãargɛ Zʋrdẽ ko’om ya nẽŋam. ¹³ Bɛla, lɛlɛɛ wã, looge ya bʋraasɩ pia la ayi Ɩsrayɛlɩ buuri la wuu pʋam ,buuri woo bʋraaga ayɩla. ¹² Kãabgɔ kẽma la n zɛɛrɩ dùnĩa Nawẽnnɛ nõor-bĩŋre daka la sãn dɩkɛ ba nãma sige Zʋrdẽ ko’om na pʋam, ko’om na wʋn beŋe mɛ zẽ’esɩ bʋyi, ko-sɛba n zotɩ sigra la wʋn ze’ele wʋ lalga la. ¹⁴ Tɩ nẽrba la vagsɛ ba fu-deto tɩ ba sẽŋɛ ka dooge Zʋrdẽ ko’om na, tɩ kãabgɔ kẽma n zɛɛrɩ nõor-bĩŋre daka la bɔna ba nẽŋa sẽnna. ¹⁵ La daan de la bõn-kɔɔla lagsgɔ wakatɛ, tɩ Zʋrdẽ pɩrɛ la ko’om saara a nõ-gama. La kãabgɔ kẽma n zɛɛrɩ nõor-bĩŋre daka la n paagɛ ko’om na nõorʋm dɩkɛ ba nãma sige ko’om na pʋam, wakatɛ ẽŋa mẽŋa ko-sɛba n ze’ele zãazãarɛ zɔta sẽna la ze’ele mɛ, ãna wʋ lal-woko la, lɛm tẽŋa yʋ’ʋrɛ n de Adam n yɛgɩ la tẽŋa yʋ’ʋrɛ n de Sɩtarɩtẽ. ¹⁶ Dee tɩ ko-sɛba n zotɩ dɔla Zʋrdẽ nã’arɛ tɔlla wɛ’ɛsa mõgrɛ, tɩ ba wi’iri tɩ mõg-kɩ’ɩŋa la pʋam na mẽ ze’ele ka le zɔta. ¹⁷ Tɩ nẽrba la pãrgɛ Zʋrdẽ dooge Zeriko bɔba. Dee tɩ kãabgɔ kẽma n zɛɛrɩ Nawẽnnɛ nõor-bĩŋre daka la zɛ kʋlaaga la pʋam tẽŋasʋka kɛ’ɛŋa pʋam. Wakatɛ ẽŋa Ɩsrayɛlɩ dõma sẽnnɩ la kɛ’ɛŋa pʋam dɔɔra dee tɩ ba zɛ la bʋraanɛ halɩ tɩ nẽrba la wuu wa dooge ba’asɛ.