¹ Elyo Yaweh walandile kuli Mose ati, ''Nomba walamona ifyo nala cita kuli Farao. Webo walamona ifi, pantu akaleka bakaye pa mulanda wabukali bwa kuku boko kwandi. Pa mulandu wamaka ya kuboko kwandi, akalenga bena ukufuma mu calo cabo. ² Lesa walandile kuli Mose kabili walandile kul ye ati, ''Ninebo Yaweh. ³ Nabonekele kuli Abrahamu, kuli Isaki, nakuli Yakobo nga Lesa uwamaka; Nomba mwishina lyandi, Yaweh, ntaishibikwe kuli bo. ⁴ Kabili napangile icipangano nabo, pakwebati ningaba pela icalo ca Kenani, icalo emo baleikala nga abeni, icalo ico bakokabila. ⁵ Nakucilisha, ndyumfwile ukuilishanya kwa bena Israeli abo abena Egypto bacusha, kabili ndilingile ukwibukisha icpangano candi. ⁶ Eco, landa ku bena Israeli, 'Ninebo Yaweh. Nkomifumya mubusha mu bena Egypto, kabili nkomilubula mwebo ukufuma kumaka yabo. Nkamilubula mwebo no kuboko kwandi ukwamaka, elo namaka ya mibombele ya bupingushi. ⁷ Nkamibula mwebo kuli nebo nga bantu bandi, kabili nkesa kuba Lesa wenu. Mukeshiba ukuti ninebo Yahweh Lesa wenu, uwamifumishe mubusha mu bena Egypto. ⁸ Nkamileta mu calo ico nalapile ukupela kuli Abrahamu, kuli Isaki elo na kuli Yakobo. Nkacipela kuli mwebo nge ncende yenu. Ninebo Yaweh.''' ⁹ Ilyo Mose aishile kulanda ifi ku bena Israeli. Tabaumfwile kuli ye pamulandu wakunashiwa kwabo mubusha. ¹⁰ Elyo Yahweh aishile kulanda kuli Mose, ukutila, ¹¹ 11''Kabiye kebe Farao, imfumu yamu Egypto, ukuleka abantu bamu Israeli baye ukufuma mu calo cakwe.'' ¹² Mose aishile kulnda kuli Yaweh ati, ''Nga cakuti abena Israeli tabomfwile kuli nebo, cindo cikalenga Farao ukumfwa kuli nebo, pantu ntaishiba ukulanda?'' ¹³ Yaweh aishile kulanda kuli Mose elo nakuli Aaron. Wabapele icipope pa bena Israeli elo napali Farao, imfumu yabena Egypto, ukufumya abena Israeli mu calo ca bena Egypto. I ¹⁴ Ifi efikolwe fyaba shibo' mu mayanda: Abana baume bakwa Reuben, ibeli lyabena Irsaeli, bali ni Hanoki, Palu, Hezron, elo na Kami. Ulu elwali uluko lwafikolwe fyakwa Reuben. ¹⁵ Abana baume bakwa Simeo bali ni Jemuel, Jamini, Ohad, Jakini, Zoha, elo na Shaul-- umwana mwaume wa mwanakashi umwina Kenani. Ishi eshali inko sha fikolwe fyakwa Simeon. ¹⁶ Apa epa tantikilwa amashina ya bana baume bakwa Levi, pamo nabo ba fyelwe nabo. Bali ni Gershom, Kohati, kabili na Merari. Levi aishile kwikala mpakafye 137 imyaka. ¹⁷ Abana baume bakwa Gershom bali ni Libini, elo na Shimei, mundupwa shabo. ¹⁸ Abana baume bakwa Kohati bali ni Amram, Izha, Hebron, kabili na Uzziel, Kohati aishile kwikala mpakafye 133 imyaka. ¹⁹ Abana baume bakwa Merari bali ni Mahli elo na Mushi. Aba baishile kuba uluko ulwa fikolwe fya bena Levite, pamo nabo ba fyelwe nabo. ²⁰ Amram aishile kupa Jochebed, nkashi yakwa wishi. Aishile kumu fyalila Aaron elo na Mose. Amram aishile kwikala imyaka 137 elo ilyo afwile. ²¹ Abana baume bakwa Izha bali ni Korati, Nefesi elo na Zichri. ²² Abana baume bakwa Uzziel bali ni Mishael, Elzafan, kabili na Sitiri. ²³ Aaron aishile kupa Elisheba, umwana mwanakashi wakwa Ammnadab, nkashi wakwa Nahshon. Aishile kumufyalila Nadab elo na Abihu, Eleazar elo na Itama. ²⁴ Abana baume bakwa Kora bali ni Assir, Elkana, elo na Abiasafi. aba baishile kuba ifikolwe fya luko lwa bena Koraite. ²⁵ Eleaza, umwana mwaume wakwa Aaron, aishile kupa umo umu bana banakashi bakwa Putiel. Aishile kumu fyalila Fineasi. ifi efikolwe fyaba shibo mu mayanda mukati kabena Levi ukulingana nenko shabo. ²⁶ Aba bantu babili bali ni Aaron elo na Mose uyo Yaweh alandileko, ''Fumyeni abena Israeli mucalo ca Egypto, mu mabumba ya baume balubuli.'' ²⁷ Aaron elo na Mose balanda kuli Farao, imfumu yamu Egypto, ukubasuminisha bena ukufumya abena Israeli mu Egypto. Aba ebantu bamobene Mose kabili na Aaron ²⁸ Elyo Yahweh aishile kulanda kuli Mose nu calo ca Egypto, ²⁹ aishile kulanda kuli ye, ''Ninebo Yaweh. Kalande kuli Farao, imfumu yamu Egypto, fyonse ifyo nkokweba.'' ³⁰ Lelo Mose aishile kulanda kuli Yaweh, ''Nebo Ntaishiba kulanda bwino, eico cindo Farao akoumfwila kuli nebo.