¹ Pauma ya ifi fintu fyacitike, Mose na Aloni bailile kuli Farao kabili balandule, ''Ifi efyo Yaweh, Lesa wakwa Isreali, walandile: 'Leka abantu bandi baye, ukutibenga nkwatila ukusefya mu matololo.''' ² Farao alandile, ''Yaweh ni nani? Nindo iyo ningomfwila kwishiwi lyakwe nokuleka Isreali aye? Nshamwishiba Yaweh; nokucilapo, nshaleke Isreali aye.'' ³ Balilandile, ''Lesa waba Hebere alikumene nafwe. Natulekuya pabushiku bwa butatu mulwendo lwesu mumatololo kabili no kupela icelambo kuli Yaweh Lesa wesu pakutietusansa ne cikuko nangu ulupanga.'' ⁴ Lelo imfumu ya Egypito yalandile kuli bo, ''Mose na Aloni, nindo mukosendala abantu ukufuma kuncito yabo? Bwekeleniku ncito yenu.'' ⁵ Naye walandile, ''Nomba muli abantu abengi muncende yesu kabili mukobalenga ukuleka incito yabo'' ⁶ Pali bulya bwine bushiku, Farao wapele icipope ku bantu naba cilolo walandile, ⁷ ''CIba nga kunuma, tamufwile ukupela abantu impimbili shakupangila injelwa. Lekeni abene baye nokuikolonganikila impimbili. ⁸ Eco, mufwile kabili ukupoka kuli bo impendwa ya njelwa imo yine iyo bale kupangana kale. Mwisuminatonse utunono, pantu banang'ani. Eco bakoitila kabili bakolanda, 'Tusuminisheni balekuya nokupela ilambo kuli Lesa wesu.' ⁹ Fusheniko ukufina kwancito ya baume pakuti bekatililwe nayo nokukana posa amano ku mashiwi yabonaushi.'' ¹⁰ Eco bakapitao na bacilolo abankalwe na cilolo balile nokwishibisha abantu. Balandile, ''Ifi efyo Faro alandile: 'Nshakulamipelapo impimbili iyili yonse. ¹¹ Imwe mwebene mufwile ukya no kusende impimbili konse uko mwinga shisanga, lelo ukufina kwacito takwacepeko.'' ¹² Eco abantu balisalangene muncende yonsefye iya Egypito ku kukonganika insansu isha mpimbili. ¹³ Bakapitao abankalwe balikonkenyepo ukubakonkomesha no kulanda, ''Pwisheni incito yenu ngalilya line impimbili shapelwe kuli mwe.'' ¹⁴ Bakapitao abankalwe bakwa Farao bauma ba cilolo ba bena Isreali, abo bamo bene abantu abo babikile ukulolekesha paba ncito. Balikonkenyepo ukulekubepusha, ''Nindo tamupangile injelwa shonse isha cilafwaikwa kuli mwe, nangu mailo kabili lelo, nge fyo mwale kucita kale?'' ¹⁵ Eco bacilolo bakwa Isreali balishile kuliFarao kabili balilile kuli wo. Balilandile, ''Nindo ukocitila ababomfi bobe muli iyi nshila? ¹⁶ Impimbili tashikopelwa kuba bomfi benu nangula pamo, lelo bacili bakotweba, 'Pangeni njelwa!' nomba, lelo cilubo cabantu bobe.'' ¹⁷ Lelo Farao walandile, ''Muli banang'ani! Mwe mulanda, ' Tusuminishe tuye kupela icelambo kuli Yaweh.' ¹⁸ Eco nomba bwekeleni kuncito. Tapali impimbili iyi yonse nkapelwa kuli mwe, lelo mufwile ukupanga inambala cila bushiku.'' ¹⁹ Bacilolo bakwa Isreaali balimwene ukuti bali mubwafya ilyo babebele, ''Tamufwile ukucefya inambala ya njelwa cila bushiku.'' ²⁰ Balikumenye Mose na Aloni, baiminine kunse ya musumba, ilyo bafumine kuli Farao. ²¹ Balilandile kuli Mose na Aloni, ''Yaweh engalolesha pali mwe kabili nakumupanika, pantu mwatulenga ukulufyanya mu cinso cakwa Farao kabilio nababomfi bakwe. Mwabika ulupanga Muminwe shabo kukutwipaya.'' ²² Mose walibwekele kuli Yaweh kabili walandile, ''Shikulu, nindo walengela ubwafya kuli aba bantu?Nindo wantuminine pakubala? ²³ Apofye naishile kuli Farao kukusosa kuli ye mwishina lyenu walilenga ubwafya kuli aba bantu, kabili taulubwile abantu bobe nakalya.