¹ Elyo Yaweh aishile kulanda kuli Mose, ati, ² ''Pa bushiku bwa kutampilapo ubwa mwenshi wakubalilapo mu mwaka upya mufwile mwa panga itenti, itenti lyakukumaninamo. ³ Mufwile mwabikamo ne mbokoshi ya bunte muli lyena, kabili mwebo mufwile no kufimba insalu shakucingilisha. ⁴ Mufwile ukuletapo itebulo no kubika fyonse bwino ifisangwapo. Elyo mufwile ukuletamo ica kwikalapo ama lampi elo mukabikepo amalampi. ⁵ Mufwile ukubikamo ulubani lwa golide pa bulambo ku ntanshi ya mbokoshi ya bunte, elo webo ufwile ukufimbapo insalu pa mwenshi we tenti. ⁶ Mufwile ukubikamo ubulambo bwa kupelelapo amalambo aya koca pa ntanshi ya mwinshi we tenti, lyakukumaninamo. ⁷ Mufwile ukubikapo icakusambilamo icikulu pa kati ke tenti lyakukumaninamo elo no bulambo elo webo ukabikemo na menshi. ⁸ Webo ukashingulusheko no lubansa kuli cena, elo webo ukakobekeko ne nsalu pakwingila mu mansa. ⁹ Mufwile ukubula amafuta ya busubo no kusuba itenti na fyonse ifilimo. Mufwile ukucipatulako na fyonse ifilimo kuli nebo; elo cena cikaba ica mushilo. ¹⁰ Ufwile ukusuba ubulambo bwa cabupe ca koca na fyonse ifisangwapo. Ufwile wampatwilako ubulambo elo bukaba ubwa shilisha kuli nebo. ¹¹ Webo ukasube icipe ca mukuba ne samba lya ciko kabili cikabe icipatwilwa kuli nebo ¹² Ufwile ukalete Aroni na bana bakwa abaume pa mwinshi we tenti lyakukumaninamo elo ukabasambe na menshi. ¹³ Ukafwike Aroni insalu iyo iya paltwilwa kuli nebo, ukamusube elo akabe uwa patwilwa kuli nebo pakuti akambombele nga shimapepo. ¹⁴ Ufwile ukabule na bana baume bakwe kabili ukabafwike ne mikansu. ¹⁵ Ukabasube nga fintu wa subile shibo pakuti bakambombele nga bashimapepo. Ukusubwa kwabo kukabalenga ukuba bashimapepo ba muyayaya mu bantu pa nkulo yabo bonse.'' ¹⁶ Ifi efintu ifyo Mose aishile kucita; aishile kucita fyonse ifyo Yahweh amukonkomeshe. Alicitile ifi fintu fyonse. ¹⁷ Eico itenti lyali bikilwe pa bushiku bwaku balilapo ubwa mu mweinshi wa kubalilapo mu mwaka wa bubili. ¹⁸ Mose aishile kwimika itenti, no kubika amashinte mufifulo fyayako, no kubika imfulemu, isha yikete imipindo ya ciko, no kubika impanda elo ne fya yimikwa. ¹⁹ Abikile ne fya kufimba kwi tenti lya mushilo no kubikako itenti kuli cena, nga fintu Yaweh amukonkomeshe. ²⁰ Epakwisa kubula amafunde ya cipangano kabili aishile kuyabika mu mbokoshi. epakwisa kubika ifimutyi ku mbokoshi no kubika inkupiko yapa mafuto. ²¹ Epakwisa kuleta imbokoshi mwi tenti lya mushilo. Ena ekwisa kubikako insalu sha kucingilisha pakuti shingafimba imbokoshi ya bunte, nga fintu Yaweh amukonkomeshe. ²² Ekwisa kubika itebule mukati ke tenti lyakukumaninamo, ku kapinda ka kukuso ake tenti lya mushilo, kunse ya nsalu shakufimbako. ²³ Aishile kubika bwino umukate pe tebulo ku cinso cakwa Yahweh, nga fintu Yahweh amukonkomeshe. ²⁴ Epakwisa kubikamo ifyakwikalapo amalampi mwi tenti lyakukumaninamo, ukucilinganya ukufuma kwi tebulo, ku kapinda ku kukulyo ake tenti lya mushilo. ²⁵ Epakusanika amalampi pa ntanshi yakwa Yaweh, ngefyo Yahweh amukonkomeshe. ²⁶ Epakwisa kubika ububani bwa golide pa bulambo mukati ke tenti lya kukumaninamo ku ntanshi ys nsalu shakucingilisha. ²⁷ Epakwisa kocelapo no bubani ubwakununkila, nga fintu Yahweh amukonkomeshe. ²⁸ Epakukobeka insalu shakucingilisha pa mwinshi we tenti lya mushilo. ²⁹ Aishile kubikamo ubulambo bwa ca bupe ca koca pa mwinshi we tenti lya mushilo, itenti lya kukumaninamo. Nao epakwisa kupela icabupe ca koca kabili ne ca bupe ca ng'ano, nga fintu Yaweh amukonkomeshe. ³⁰ Epakwisa kubikamo icakusambilamo pa kati ke tenti lya kukumania no bulambo, elo aishile kubikamo amenshi ya kusamba. ³¹ Mose, Aroni, elo na bana bawkwe abaume baishile kusamba ku maboko yabo elo na makasa yabo mu ca kusambilamo ³² ilyo lyonse bene bakoya mwi tenti lya kukumaninamo elo na lyonse ilyo bakoya pa mulu pa bulambo. Balekusamba, nga fintu Yaweh akonkomeshe Mose. ³³ Mose aishile kubika ulubansa ukushinguluka itenti lya mushilo, elo no bulambo. Aishile kubikapo insalu shakucingilisha pa kwingila mu mansa. Muli uyu wine musango, Mose aishile kupwisha umulimo. ³⁴ Elyo ikumbi lyaishile kufimba pe tenti lya kukumaninamo, elo no bukata bwakwa Yahweh bwaiswile mwi tenti lya mushilo. ³⁵ Mose afililwe ukwingila lya kukumaninamo pantu ninshi ikumbi licili pali lyena, kabili ninshi ubukata bwakwa Yaweh buli na bwisula mwi tenti lya mushilo. ³⁶ Ilyo lyonse ikumbi lyali kufumapo pa mulu we tenti lya mushilo, abena Israeli baletendeka ukuba pa bulendo bwabo. ³⁷ Lelo nga cakuti ikumbi talimine pa mulu no kufuma pe tenti lya mushilo, lyena ninshi abena Israeli tabasele. Balinokwikalafye pamo mpaka ubushiku likema. ³⁸ Pantu ikumbi lyakwa Yahweh lya leba pe tenti lya mushilo akasub, elo nomulilo wakwe wakekuba pali cena ubushiku, calekuba icakuboneka pa lwa lala kubena Israeli bonse ukufika napakupwisha kwa lwendo lwabo.