¹ Elyo abantu bamwene ukuti Mose akokola nganshi ukwika bwangu pa lupili, balilekulongana pamo kuli Aaron kabili balandile kuli yee ati, ''Is, utupangile icimpasho ca mulungu kabili icikalatutungulula. Pantu uyu Mose, umuntu uyo uwatufunishe mu calo ca Egypto, tatwishibe icicitikile kuli yee.'' ² Eco Aaron alandile kuli bo ati, ''Koloboleni utumipeto twa golide ku bakashi benu ku matwi, elo na ku matwi yabana benu abaume elo na bana benu abanakashi, elo mulete kuli nebo.'' ³ Bonse abantu epakufula imipeto iya golide iyo bakwete ku matwi yabo kabili no kutwala kuli Aaron. ⁴ Nao epakupoka imipeto ukufuma kuminwe yabo kabili afibula noku fyengulula ne cela ca cikombola elo no kubumbamo icakupalana ne ciponti camulungu wa ngombe. Elyo balekupunda no kulalanda ati, ''Alale uyu emulungu obe, Israeli, uwakufumishe mu calo ca Egypto.'' ⁵ Elyo amwene ifi, alikulile ubulambo pantanshi ya ciponti ca ng'ombe kabili abilile imbila alandile ati, ''Mailo kukaba inshikunkulu ya kusefya no kucindika Yahweh.'' ⁶ Abantu mu bushiku bwankonkelepo ulucelocelo balimine baleta amalambo ya koca batula ne mituulo elo ne mituulo ya kuba pamo. Elyo baikele panshi no kulya elo no kunwa, kabili elyo baima no kwamba ukusefya bubibubi. ⁷ Elyo Yahweh alandile kuli Mose, ''Kabuye bwangu bwangu, ku bantu bobe, abo wafumishe mu calo ca Egypto, pantu nabolungana abene. ⁸ Baalifuminemo bwangu bwangu munshila iyo nebo nabakonkomeseshemo. Balipangile icimpashanya ca ciponti ca ng'ombe elo balecipepa elo baletuula amalambo kuli co. Balikulanda ati, ''utu etulesa tobe, isreali,utwakufumishe mucalo ca Egypto.'' ⁹ Elyo Yahweh alandile kuli Mose ati, ''Nebo ndibamwene aba bantu, moneni, aba bantu bali ni bankosa mitwe. ¹⁰ Nomba elyo, ndinokubalanga ubukali bwandi. Nobukali bwandi bulepona pali bo, pakuti ni ngabalofya. Elyo ndecita umushobo uukalamba ukufuma muli webo.'' ¹¹ Lelo Mose apapatile nganshi kuli Yahweh Lesa wakwe. Alandile ati, ''Yahweh, cindo walafulilwa uyu musango nganshi pa bantu bobe, abo wafumishe mu calo ca Egypto kubukalamba bwa maka yobe kabili na kukuboko kobe ukwamaka? ¹² Cindo ebena Egypto teti balandile ati, 'Acitile amapange yabi kuli bo no kubafunya mu ca Egypto, nokubepaila mu mpili elo no kubonaula no kubafunya mu mpanga yonse pano calo?' Bwesha umutima obe ukufuma ku bukali bobe elo wileta ici icakukanda aba abantu bobe. ¹³ Ibukisha Abraham, elo na Isaac, elo na Israeli, ababomfi bobe, abo walapilepo we mwine elo walandile kuli bo ati, ''Nebo nkalenga abamulupwa lobe ukusanda nganshi nge ntanda sha mu mulu, elo nebo nkapela abamulupwa lobe icalo nebo nalaile ukumipela mwebo. Bali no kucikwata abana benu umuyayaya.'' ¹⁴ Ilyo Yahweh abweseshe umutima wakwe ukubafunya mu kukandwa uko alandile ati kubakanda aba bantu. ¹⁵ Elyo Mose apilibukile elo aiciluka pa mulu walupili, ninshi nakwata ifipampa fibili ifya cipangano ca mafunde mu minwe yakwe, ifipampa fyalilembelwepo konse ku ntanshi na ku numa. ¹⁶ Ifi ifipampa ni Lesa umwine wa fibashile, elo no kulembapo ni Lesa umwine ewalembelepo, afibikile napa fipampa. ¹⁷ Ilyo Yoshua aumfwile icongo ca bantu ulo balikupunda, ena alandile kuli Mose ati, ''Muli icongo ca kulwa mu nkambi.'' ¹⁸ Lelo Mose alandile ati, ''Ico tecongo ca kucimfya, elo teciunda ica bantu abacimfishe, lelo ciunda ca kwimba nebo ndeumfwa.'' ¹⁹ Ilyo Mose apalamine ku nkambi, abwene iciponti ca ngombe elo na bantu balecinda, elo aishilekukalipa nganshi, aposele ne fipampa ifyo akwete mu minwe yakwe, elo fyatobaika no ku tobaikila mwisamba lya lupili. ²⁰ Aishilekubula iciponti ca ngombe ico abantu babumbile, acoca no mulilo, acishonaula casangukafye ngolukungu, elo uputila mu menshi. Elyo apele abantu bakwa Israeli ati nweni. ²¹ Elyo Mose alandile kuli Aaron ati, ''Cindo ico aba bantu bakucitile, pakuti webo ulete ulubembu lwakula nganshi pali bo?'' ²² Aaron aishilekulanda ati, ''Ala wikalipa muli uyu musango, we shikulu wandi, walibeshiba aba bantu, ifyo baikala mukucita ifyabubifi. ²³ Balandile kuli nebo ati, 'Tubumbile umulungu wesu uwakututangilila fwebo. Ulo uyu Mose, umuntu uwatufunishe mu calo ca Egypto, tatwishibe icicitike kuli yee.' ²⁴ Eico nebo nalandile kuli bo ati, 'Uyo onse uukwete ifya golide, lekeni afifule; Bapele kuli nebo ifya golide elo nebo nafiposele mu mulilo, elo mwaishilekufuma iciponti ca ng'ombe.'' ²⁵ Mose amwene ukuti aba bantu balebutuka mukufulungana (pantu Aaron abalekele uku kanatungululwa, ukuleka abalwani babo ukubaseka). ²⁶ Elyo Mose ailekutalama pamwinshi wa mpongolo wa nkambi elo alandile ati, ''Uyo onsefye uuli kulubali lwakwa Yahweh, ese kuli nebo.'' Bonse abena Levi baishile kukolongana no ku mushinguluka. ²⁷ Alandile kuli bo ati, ''Yahweh, Lesa wakwa Israeli, alilandile ukuti: 'Lekeni umwaume onse akake ulupanga mu musana no kushinguluka ku mwinshi ukufuma epo watampila ukufika nepo wapela mu nkabi yonse, elo epaye ndume yakwe, cibusa wakwe elo no mwina mupalamano wakwe.''' ²⁸ Bamwana Levi bacitile ifyo Mose abebele ukucita. Elo palibulya bushiku aba bantu baishilekufwa amakana yatatu. ²⁹ Mose alandile kuli ba mwana Levi ati, ''Mwebo mwapatulwako kuli Yahweh lelo, pantu namuipela umulimo ukwipaya abana benu elo na ba ndume shenu, eico Yahweh wamaka namipela ipalo lelo.'' ³⁰ Ubushiku bwakonkelepo Mose alandile ku bantu ati, ''Mwalicita ulubembu ulukalamba nganshi. Nomba nebo nalaya kuli Yahweh. Limbi kuti nayamipapatilako pa lubembu lwenu.'' ³¹ Mose epakubwelelamo kuli Yahweh elo ayakulanda ati, ''Yangu, aba bantu balicita ulubembu ulukalamba nganshi elo balibumbile icilubi ca golide. ³² Lelo nomba, napapata babeleleniko uluse palubembu lwabo; lelo ngawakana, umfutemo mwibuku lyobe ilyo walemba.'' ³³ Yahweh alandile kuli Mose ati, ''Uyo onsefye uwacitile ulubembu kuli nebo, uyo muntu nebo ndemufutamo mucitabo candi. ³⁴ Eico nomba kabiye, utungulule abantu ku ncende iyo nebo nalandile kuli webo. Mona, malaika wandi akulakutungulula webo. Lelo pabushiku bulya ubo nkakanda bena, Nebo nkabakanda pa lubembu lwabo.'' ³⁵ Yahweh aishilekuponya icinkunka pa bantu pamulandu wa kubumba iciponti ca ngombe, ico Aaron ubumbile.