¹ Sométase toda persoa ás autoridades que gobernan; porque non hai autoridade senón de Deus, e as que existen, son constituídas por Deus. ² Por tanto, o que resiste á autoridade, opúxose ao ordenado por Deus; e os que se opuxeron, sobre eles recibirán condenación. ³ Pois os gobernantes non son motivo de temor para os de boa conduta, senón para o que fai o mal. Desexas, pois, non temer a autoridade? Fai o bo e terás gabanza dela, ⁴ pois é para ti un ministro de Deus para ben. Pero se fas o malo, teme; pois para iso leva a espada, pois é ministro de Deus, un vengador que castiga a quen practica o mal. ⁵ Por tanto é preciso someterse, non só por razón do castigo, senón tamén por causa da conciencia. ⁶ Pois por isto tamén pagades impostos, porque os gobernantes son servidores de Deus, adicados en concreto a isto. ⁷ Pagade a todos os que debades; a quen imposto, imposto; a quen tributo, tributo; a quen temor, temor; a quen honra, honra. ⁸ Non debades nada a ninguén, senón amádevos uns a outros; porque quen ama a seu próximo, cumpriu a lei. ⁹ Porque isto: Non cometerás adulterio, non matarás, non furtarás, non cobizarás, e calquera outro mandamento, resúmese nestas palabras: Amarás teu próximo como a ti mesmo. ¹⁰ O amor non fai mal ao próximo; por tanto o amor é cumprimento da lei. ¹¹ E facede todo isto, coñecendo o tempo, que xa é hora de espertarnos do sono; porque agora a salvación está máis perto de nós que cando cremos. A noite está moi avanzada, e o día está perto. ¹² Por tanto, tiremos as obras das tebras e vistámonos coas armas de luz. ¹³ Andemos con decencia, como de día, non en orxías e borracheiras, non en promiscuidade sexual e luxurias, non en pleitos e envexas; ¹⁴ antes, ben, vestídevos do Señor Xesuscristo, e non alimentedes a vosa mente con malos desexos.