¹ Estou dicindo que o herdeiro, namentres é un neno, non é diferente do escravo, aínda que sexa dono da súa propiedade, ² senón que está baixo a tutela de administradores e titores ata que se cumpra a tutela establecida polo seu pai. ³ Así tamén, cando eramos nenos estabamos escravizados polos principios elementais do mundo. ⁴ Pero cando se cumpriu o tempo Deus enviou ao seu fillo nacido dunha muller baixo a lei. ⁵ El fixo isto para redimir a aqueles que están baixo a lei para que puidesemos ser adoptados coma fillos. ⁶ E porque vos sodes fillos, Deus enviou ao Espírito do seu Fillo aos nosos corazóns, que clama: "Meu Pai". ⁷ Así que xa non es un escravo, senón un fillo, e se es un fillo, tamén es un herdeiro por medio de Deus. ⁹ Daquela, cando non coñeciades a Deus, erades servos daqueles deuses que pola súa natureza non o son realmente. ⁸ Pero agora que coñecestes a Deus, ou mellor dito, que sodes coñecidos por Deus, Cómo é posible que volvedes a principios débiles, inútiles e elementais? Queredes ser escravos de novo? ¹⁰ Andades a gardar os días especiais, as lúas novas, as estacións e os anos. ¹¹ Temo que o meu traballo por vos fose en van. ¹² Rógovos, irmáns, que vos fagades coma min, xa que eu me fixen coma vos. Tratástesme ben. ¹³ Sabedes que cando eu vos anunciei o evanxeo a primeira vez estaba enfermo. ¹⁴ Vós non me rexeitastes por isto, pola contra, recibístesme coma un anxo de Deus, como a Cristo Xesús mesmo. ¹⁵ Onde está agora o sentir de bendición que tivestes? Porque teño por certo que, se vos fose posible, sacariadesvos os ollos e mos dariades a min. ¹⁶ Volvinme agora o voso inimigo por dicirvos a verdade? ¹⁷ Eles poñen empeño en convencervos para que vos unades a eles pero non para ben. Queren que vos separedes de min para que os prefirades a eles. ¹⁸ É bo ser apasionado con boa intención sempre, e non só cando estou presente con vós. ¹⁹ Meus filliños, outra vez estou sufrindo dores de parto por vós ata que Xesús Cristo sexa formado en vós. ²⁰ Gustaríame estar agora ahí presente e cambiar o meu ton, porque estou abraiado con vós. ²¹ Dicídeme os que desexades sometervos á lei, non escoitades o que a lei di? ²² Porque está escrito que Abraham tivo dous fillos, un da serva e outro da muller libre. ²³ Pero o fillo da serva naceu como nace todo o mundo ^{lit. segundo a carne} , e o fillo da libre en cumprimento da promesa. ²⁴ Isto pode ser interpretado coma unha alegoría xa que estas dous mulleres representan dous pactos. Un procede do Monte Sinaí e deu a luz a fillos para ser escravos; Este é Agar. ²⁵ Agora ben, Agar representa ao Monte Sinaí que está en Arabia e ela representa o actual Xerusalem, pois vive na escravitude cos seus fillos. ²⁶ Pero a Xerusalem de arriba é libre, e ela é a nosa nai. ²⁷ Porque está escrito: Gózate ti, estéril que non das a luz. Clamade e gritade de ledicia vos que non estades sufrindo dores de parto. Porque os fillos da muller abandoada son máis numerosos dos da muller que ten marido. ²⁸ Vos, irmáns, como Isaac, sodes fillos da promesa. ²⁹ Naquel tempo sucedeu o mesmo que agora: o que naceu de xeito natural ^{lit. segundo a carne} perseguiu ao que naceu segundo o Espírito. ³⁰ Pero qué di a Escritura? "Bota fora á escrava e ao seu fillo; porque o fillo da escrava non partirá a herdanza co fillo da libre". ³¹ Polo tanto, irmáns, non somos fillos da escrava, senón da libre.