¹ یرمیاہ کی دعااے خداوند جو کچھ ہم پر ہوا اُسے یاد رکھ۔ نِگاہ کر اَور ہماری رُسوائی کو دیکھ۔ ² ۔ہماری مِیراث پردیسیوں کو ۔ اَور ہمارے گھر اجنبیوں کو دِیئے گئے ہیں۔ ³ ۔ہم یِتیم اَور بے والد ہوگئے ہیں۔ ہماری مائیں بیواؤں کی مانند ہیں۔ ⁴ ہم نقدی (چاندی )کے عِوض پانی پیتے ہیں۔ اَور قیمت دے کر ایندھن لیتے ہیں۔ ⁵ ہم گردن پر جُوالئے ہُوئے گھِسیٹے جاتے ہَیں۔ ہم تھک گئے ہیں لیکن ہم آرام کرنے نہیں پاتے۔ ⁶ ہم اہِل مِصر ؔاَور اہلِ اسُوؔر کی طرف۔ اپنا ہاتھ پھیلاتے ہیں تاکہ روٹی سے سیر ہوں۔ ⁷ ۔ہمارے باپ دادا نے گُناہ کِیا۔ پر اَب وہ موجُود نہیں ہَیں۔ اَور ہم اُن کی بَدی کی سزا اٹھاتے ہَیں۔ ⁸ غُلام ہم پر حکومت کرتے ہَیں۔ اَور کوئی نہیں جو ہمیں اُن کے ہاتھ سے چھُڑائے ۔ ⁹ ہم بِیابان کی تلوار کے سبب سے۔ جان بازی کرکے اپنی روٹی لاتے ہَیں۔ ¹⁰ قحط کی بادِسُموم کے سبب ہمارا چہرہ تنُور کی مانند جھلس گیا ہَے۔ ¹¹ صیُوؔن میں عورتوں کو ۔ اَور یہُودؔاہ کے شہروں میں کنُواریوں کو بے حُرمت کِیا گیا ۔ ¹² سردار اُن کے ہاتھ سے لٹکائے گئے۔ بزُرگوں کے چہرے کا لحاظ نہ کیا گیا ۔ ¹³ نَوجوانوں نے چکّی کا پاٹ اُٹھایا۔ اَور لڑکوں نے ایِندھن کے نِیچے ٹھوکر کھائی۔ ¹⁴ پھاٹکِوں میں کوئی بزُرگ باقی نہیں۔ اَور نَوجوانوں کا گانا بجانا موقُوف ہوگیا ہَے۔ ¹⁵ ہمارے دِل سے خُوشی چلی گئی ہَے۔ ہمارا رقص ماتم سے بدل گیا ہَے۔ ¹⁶ تاج ہمارے سر پر سےگِر پڑا ہَے۔ ہم پروا ویلا۔ ہم نے گُناہ کِیا ہَے۔ ¹⁷ اِسی سبب ہمارا دِل غمگین ہوگیا ہَے۔ اِن باتوں کے باعِث ہماری آنکھیں دُھندلاگئی ہیں۔ ¹⁸ کوہِ صیُوؔن کی وجہ سے جو وِیران ہَے۔ اَور جِس پر گیدڑیاں چلتی پھرتی ہَیں۔ ¹⁹ پر تُو اَے خُداوند اَبد تک تخت نِشین ہَے۔ اَور تیرا تخت پُشت در پُشت قائم ہے۔ ²⁰ تُو ہمیں ہمیشہ کے لئے کیسے بھُولے گا؟ تُو ہمیں مُدّت تک کیوں ترک کرے گا؟ ²¹ اَے خُداوند ہمیں اپنی طرف پھیر ۔ تو ہم پھریں گے۔ ہمارے ایّام کو ویسے ہی کر جیسے قدیم میں تھے۔ ²² کیا تُو ہمیں ہمیشہ کے لئے ردّ کردے گا؟ کیا تُو ہم پر اِس قدر ناراض ہَے؟