¹ اَیُّوبؔ کا اعترافِ قصورپھر خُداوند نے اَیُّوبؔ سے کلام کر کے کہا کہ۔ ² جو قادرِ مُطلِق کو ملامت کرتا ہے کیا وہ خاموش نہ ہو گا یا جو خُدا کی شِکایت کرتا ہے کیا وہ اُس کا جَواب دے گا؟ ³ تب اَیُّوبؔ نے خُداوند سے جَواب میں کہا کہ۔ ⁴ دیکھ مَیں ناچیز ہُوں۔ مَیں تُجھے کیا جَواب دُوں۔ مَیں اپنا ہاتھ اپنے مُنہ پر رکھتا ہُوں۔ ⁵ مَیں ایک بار بولا اَور پھر نہ بولُوں گا۔ بلکہ دوبار مگر اور کُچھ نہ کُہوں گا۔ ⁶ خداوند کی دوسری تقریر پِھر خُداوند نے بگُولے میں سے کلام کر کے اَیُّوب سے کہا کہ ۔ ⁷ اپنی کَمر باندھ اَور مَرد بن مَیں تُجھ سے سوال کرُوں گا پس تُو مُجھ سے بیان کر۔ ⁸ کیا تُو میرے عدل کو باطل ٹھہرائے گا۔ کیا تُو مُجھ پر اِلزام لگائے گا تاکہ تُو خُود بے اِلزام ٹھہرے؟ ⁹ کیا تیرا بازُو خُدا کا سا ہے؟ کیا تُو اُس کی آواز کی مانند گرج سکتا ہے؟۔ ¹⁰ اَب اپنے آپ کو شوکت اَور فضِیلت سے سَنوار۔ اَور حشمت اَور جلال کا لباس پہن۔ ¹¹ اپنے غُصّے کا جوش اُنڈیل دے۔ اَور ہر مغرُور پر نظر کر کے اُس پست کر۔ ¹² ہر مغرُور پر نظر کے اُسے ذلیل کر۔ اَور بدَ کاروں کو اُن کے مکانوں میں پیِس ڈال۔ ¹³ اُن سب کو مِٹّی میں چُھپا دے۔ اَور اُن کے چہروں کو گڑھوں میں بند کردے۔ ¹⁴ تب میں بھی تیری تعریف کرُوں گا۔ کیونکہ تیرا دہنا ہاتھ تُجھے بچا سکتا ہے۔ ¹⁵ دریائی گھوڑے دریائی گھوڑے پر نظر کر جِسے مَیں نے بنایا۔ وہ بَیل کی طرح گھاس کھاتا ہے۔ ¹⁶ دیکھ۔ اُس کا زور اُس کی کَمر میں ہے۔ اَور اُس کی قُوّت اُس کے پیٹ کے پٹھوں میں ہے۔ ¹⁷ وہ اپنی دُم دیودار کی طرح ہِلاتا ہے۔ اَور اُس کی رانوں کے اَعصاب جالی دار ہیں۔ ¹⁸ اُس کی ہَڈّیاں پیتل کی نالیاں ہیں۔ اَور اُس کی پسلیاں لوہے کی سلاخیں ہیں۔ ¹⁹ وہ خُدا کی خاص صنعت ہے۔ اُس کے خالق نے اُسے تلوار بخشی ہے۔ ²⁰ پس پہاڑ اُس کے لئے چارہ مُہیا کرتے ہیں۔ اَور وہاں سب جنگلی جانور کھیلتے کوُدتے ہَیں۔ ²¹ وہ نیستان کی آڑ اَور دَلدَل میں کَنول کے نیچے لیٹتا ہے۔ ²² کَنول کے درخت اُسے اپنے سائے میں چُھپا لیتے ہَیں۔ وادی کے بید کے درخت اُس کے اِردگرد ہوتے ہیں۔ ²³ اگر دریا کی طَغیانی اُس پر آ جائے تو بھی وہ کانپتا نہیں ہے۔ خواہ کوئی یردن اُس کے مُنہ تک آچڑھے۔ ²⁴ اُس کے چوکِس ہوتے ہُوئے اُسے کون پکڑے گا۔ یا پھندے سے اُس کی ناک میں چھید کرے گا