¹ اُس کے غُصّہ نے میرے دِنوں کو تباہ کر دِیا ہے۔ اَور صرِف قبر میرے لئے باقی ہے۔ ² یقیناً۔ کیا مذاق اُڑانے والے میرے پاس نہیں؟ اور میری آنکھ ان کی چھیڑ چھاڑ پر رہتی ہے۔ ³ تُو ہی اپنے پاس میرا ضامِن ہو۔ کون ہے جو میرے ہاتھ پر ہاتھ مارے؟۔ ⁴ کیونکہ تُو نے اُن کے دِلوں کو سمجھ سے مِحرُوم کِیا ہے۔ اِس لئے تُو اُنہیں سرفراز نہ کرےگا۔ ⁵ جو اپنے دوستوں کو لُوٹے جانے کے لئے حوالے کرتا ہے اُس کے فرزندوں کی آنکھیں تکان سے افسُردوہ ہو جائیں گی۔ ⁶ اُس نے مُجھے قوموں کے لئے عبرت ناک بنایا۔ اَور لوگ میرے مُنہ پر تُھوکتے ہیں۔ ⁷ یہاں تک کہ میری نظر غم سے دُھندلا گئی ہے۔ اَور میرے اعضا سائے کی طرح مُرجھاتےہَیں۔ ⁸ اِس پر راست باز حیران ہو گئے۔ اَور بے گُناہ شریرکے خلاف کھڑا ہو گیا۔ ⁹ اَور صادِق اپنی راہ پر قائم رہتا ہے۔ اَور جس کے ہاتھ صاف ہیں۔ اُس کی قُوّت زیادہ ہو جائے گی۔ ¹⁰ لیکن تُم پھِرو اَور سب کےسب آؤ۔کیا مَیں تُمہارے درمیان کوئی عقلمند آدمی نہیں پاؤں گا؟ ¹¹ میرے دن پورے ہوگئے ہیں۔ اَور میرے مقصد بلکہ میرے دِل کے ارمان مٹ گئے ہیں۔ ¹² وہ رات کو دِن سے بدلتے ہیں۔ وہ کہتے ہیں کہ روشنی تاریکی کے نزدیک ہے۔ ¹³ میری اُمّید کیا ہے؟ پاتال میرا گھر ہے۔ اَور تارِیکی میں مَیں نے اپنا بِستر بِچھایا۔ ¹⁴ میَں گڑھے سے کہتا ہُوں کہ اَے میرے باپ۔ اَور کیِڑوں سے کہ اے میری ماں۔ اَے میری بہن۔ ¹⁵ پس میری اُمّید کہاں۔ اَور کون میری اقبال مندی کو دیکھے گا ؟ ¹⁶ کیا وہ میرے ساتھ پاتال میں اُتریں گے۔ کیا ہم مِل کر خاک میں آرام کریں گے؟