¹ Agalatiya wakupusa imwe! Mbani adakulodzani imwe? Pakhali pomwe Yesu Khilisitu akhanati kuonesiwa pa maso panu ninga wakumanikiwa pa mtanda. ² Ichi ni chinthu chokhacho ndicho ndikhafuna kuti ndipfunzire kuchokera kuna imwe: Kodi mudatambira Mzimu thangwe la basa la lamulo pinango thangwe la bzakubva bzachikhulipiliro? ³ Kodi ndimwe wakupusa? Wakuti mudayamba na Mzimu, tsapano mufuna kumaliza na bzakuipa bza thupi? ⁴ Kodi im we mudabva bzakuwawa bzizinji pakusaya basa_ penu mterepoyo mpsakusaya basa? ⁵ Apa iye omwe adakupasani Mzimu wa basa achichita mwa imwe bza mphamvu na mabasa ya lamulo pinangokubva bza chikulupilo? ⁶ Ninga Abulahamu ''adakhulupila Mulungu iye adayesiwa wachilungamo,'' ⁷ na terepoyo, dziwani, kuti, iwo omwe anachikhulupiro ni wana wa Abulahamu. ⁸ Bza kunemba, bzikuoesa kuti Mulungu adzayesa wakulungama wanthu wa Mitundu na chikhulupiro, adayamba kale kulalika mafala ya bwino ya Abulahamu, akulewa, ''Mwa imwe mitundu yense idza dalisiwa.'' ⁹ Na terepoyo, iwo omwe anachikhulupiro adzadalisiwa pabodzi na Abululahamu, munthu wachikhulupiro. ¹⁰ Wense omwe ambatenda mabasa ya lamulo ali pansi pa themberero; ninga momwe bzida nembiwa, ''Ngwakutembereriwa aliyense omwe ambakondwa lini na bzinthu bzakunembiwa m'tsamba ya malamulo, achiyachita iwo.'' ¹¹ Tsapano psakudziwikiratu kuti palibe munthu angayesiwe wa wakulungama pamaso pa Mulungu na lamulo, thangwe, ''kungama kumbakhala na chikhulupiro.'' ¹² Tsono lamulo limba chokera lini kuchi khulupiro, soma, ''Munthu omwe ndiye ambachita mabasa ya lamulo adzakhala na moyo na bzobzi.'' ¹³ Khilistu adatiombola ife ku themberero la lamulo na themberero mkukhala m'malo mwa ife_ ninga kuda nembiwa, ''Wakutembererewa aliyense ni omwe adamanikiwa pa muti''_ ¹⁴ soma na madalitso ya Abulahamu yadabwera kuna wanthu wa Mitundu na Khilistu Yesu, soma na chikhulupiro tidatambira lonjezo la Mzimu. ¹⁵ Adzinza, lekani ine ndisewere ninga munthu. Munthu adakonziwa kuti kukhale na lamulo, palibe munthu ndiye aniyezera pinango kuthumizira. ¹⁶ Tsapano aya ni malonjezo yomwe yadaseweredwa kuna Abulahamu na mbewu yache. Iyo yalibe kulewa, ''kuna mbewu,'' yakuyenda kuna azinji, m'malomwache kuna m'bodzi, ''na mbewu yako,'' omwe ni khilistu. ¹⁷ Tsapano chomwe ine ningasewere ni ichi: Lamulo, lomwe lidaiyikiwa magole madzana manayi namakumi matatu yapitayo, lilibe kuti likhale laku ndendemera na pangano lakuikiwa kale na Mulungu, kuti likhale lonjezo. ¹⁸ Nakuti penu nyakupita manyumba anibwera na lamulo, ndiye kuti palibe pomwe kubwera na lonjezo. Soma Mulungu adapereka fovolo lonjezo kuna Abulahanu. ¹⁹ Chasala, nchiyani, nichakulinga cha lamulo? Bzida thumizirika thangwe labzakuphonya kufikizana mbewu ya Abulahamu idza bwera kuna omwe lonjezo lidawa konzewera. Lamulo lidakonzewera angero na m'manja mwa nkhopse. ²⁰ Tsapano nkhopse mba zinji neye munthu m'bodzi. Soma Mulungu ni m'bodzi. ²¹ Apa lamulo likugazana nalonjezo la Mulungu? Mwachidziwire neye! Nakuti penu lamulo lidaperekiwa kuti lika pereke moyo, na chilungamo chikukonza kwera na lamulo. ²² Soma bzakunemba bzidatsekereza chili chense pansi pa tchimo soma kuti lonjezo na chikhulupiro mwa Yesu Khilistu chikaperekiwe kuna omwe akhulupira. ²³ Tsapanochikhanati kubwera chikhulupiro, ife tikhadasungiwa pansi pa lamulo, tikhadafungiriwa kufikana chikhulupiro chidadzati tsudzula. ²⁴ Tsono apa lamulo lidadzakhala phungu wathu kutifikisa kuna Khilistu, na ibzi ife tidakhala wa chilungamo na chikhulupiro. ²⁵ Soma tsapano chikhulupiro chidabwera, ife tikhala lini pomwe na pansi pa phungu. ²⁶ Nakuti imwe mwense ndimwe wana wa Mulungu kudzera na chikhulupilo cha Khilistu Yesu. ²⁷ Nakuti azinji wa imwe omwe muda batiziwa na khilistu muda bzivazika mwekha na Khilistu. ²⁸ Apa palibe pomwe Myuda pinango Mherene, apa palibe pomwe nyabasa pinango nyaumfulu, apa palibe pomwe mamuna pinango mkazi, nakuti imwe mwense ndimwe m'bodzi mwa Khilistu Yesu. ²⁹ Kinangoka penu ndimwe Khilistu, ndimwe mbuya ya Abuluhamu, wamanyumba omwe adalonjezewa.