¹ Kinangoka padapita magole khumi na manayi ndidayenda pomwe ku Yerusalemu pabodzi na Banaba, ndidantenga pomwe Tito pabodzi na ine. ² Ndidayenda thangwe la kuzimbuliwa nakuti ndikawauze uthenga bwabwino ndibo ndilalikira kuna wanthu wa Mitundu wasaya kupemphera. Ndidasewera mkabisila kuna iwo ndiwo akhaoneka kuti mbakufunikira kuti ndiwatsimikizire kuti ndikuthamanga lini--pinango ndikumanga_lini bzakusaya basa. ³ Soma neye Tito, ndiye akhali pabodzi na ine na omwe akhali M'herene, omwe adakakamiziwa kuti agwatiwe. ⁴ Adzinza wakunamizira adabwera mkabisira kudzazondera ufulu ndibo tikhanabo mwa Khilisitu Yesu. Iwo akhafunisisa kutisandusa anyabasa ife, ⁵ soma tilibe kuwafundukira mwakuwatazira neye nakabodzi, kuti choonadi cha uthenga bwabwino chikhale na imwepo nampodi chichoke. ⁶ Soma iwo wakuoneka kuti mbakufunikirai(chilichense ndicho anacho chilibe basa kuna ine, Mulungu ambatambiralini nkhope ya munthu)_iwo, ndikulewa, iye ndiye anioneka wakufunikira alibe kuthimizira chinthu kuna ine. ⁷ Pakunyang'anasisa, adaona kuti adaikha kuna ine uthenga bwabwino kuna ndiwo alibe kugwatiwa, ninga Petulo adaikhiliwa uthenga bwabwino kuna iwo ndiwo adagwatiwa. ⁸ Nakuti Mulungu, omwe adaphata basa kuna Petulo kumtuma kuna iwo wakugwatiwa, umweyo waphata pomwe basa kwa ine kundituma kuna wanthu wa Mitundu. ⁹ Pomwe Yakobo, Kefa, na Yohani, omwe adayeziwa ninga ma khoma, adazindikira chisomo ndicho chipasiwa kuna ine, adamupasa Banaba boko la madidi la chibvelano na ine. Iwo adatawiliza kuti ife tiyende kuna wamitundu na wakugwatiwa. ¹⁰ Iwo adakumbira pokhapo kuti tikumbuke anyakusauka, chinthu chokhacho chomwe ndidakulumiza kuchichita. ¹¹ Soma ndipo Khefa adabwera ku Antiyokeya, ndidagazana naye iye pa nkhope yache thangwe adaima mwakuphonyeka. ¹² Pomwe akhanati kufika amuna winango kuchokera kuna Yakobo, Kefa omwe akhadya pabodzi na wa Mitundu. Soma ndipo adafika amuna amwewa, iye adabzipambula ndipo adakakhala kutali na wa Mitundu wale. Iye akhachita mantha na wale ndiwo adagwatiwa. ¹³ Ndiye pale Ayuda wakusala wale adaphata pomwe m'maso pabodzi naye. Neye Banaba adatengiwa na kuphata m'maso pabodzi na iwo kuna iwo. ¹⁴ Soma pomwe ndidaona kuti khalidwe lawo lilkulondalini chadidi cha uthenga bwabwino, ine ndidasewera kuna Kefa kutsogolo kwa wanthu wense, ''Penu imwepo ndimwe Ayuda soma mukukhala ninga wa mitundu neye ninga ayuda, mungawauze tani wa Mitundu kuti akhale ninga Ayuda?'' ¹⁵ Ife patekha ndife ayuda mwakubalidwa ndifelini wakuphonyeka kuna wa Mitundu; ¹⁶ nakuti inkudziwa kuti palibe munthu adzayeziwa wakusaya kuphonya na basa la lamulo soma kudzera mwa chikhulupiliro cha Khilisitu Yesu. Tsono ife tidakhulupiliradi mwa Khilisitu Yesu kuti tikayesewe wakulungamira na chikhulupiliro cha Khilistu neye kut na basa la lamulo. Nakuti na basa la lamulo. Nakuti na basa la lamulo palibe ndiye angayeziwe wakulungama. ¹⁷ Soma penu, tikunyang'ana kuyeziwa wakulungamira kuna Khilisitu, ife tense tidzagumanika wakuphonya, kodi Khilisitu ni mtumiki wa tchimo? Ndikuhulupilira kuti neyee! ¹⁸ Nakuti penu ndikumangapomwe bzinthu ndibzo ndidabzidzonga, nditsimikizira kuti ni dzamanga pomwe ndekha. ¹⁹ Nakuti kudzera mwa lamulo ndidafa mwa lamulo, kuti ndikakhale na moyo mwa Mulungu. Ndidamanikiwa pa mtanda pabodzi na Khilisitu. ²⁰ Ndine lini pomwe wa moyo, soma Khilisitu omwe ali mwa ine. Moyo ndiye tsapano ndinawo mwathupi ndilinawo mwa chikhulupiliro cha Mwana wa Mulungu, omwe adandikonda achibzipeleka yekha kuna ine. ²¹ Ine ndikuchiyesa lini chakupambana chisomo cha Mulungu, nakuti penu chikhulupiro chimbachoka ku lamulo, ndiye kuti Khilisitu adafa pakusaya basa!