¹ Bakumbushe ukuti babike ubulughli namaka, babe bakupulikila, ukwisengania pambombo shoshi inyisa, ² Mutakamupangile yumo amatingo, manye abe wa lwisi, sona abe bakwibatika, alangishe ukwiyisha ku bandu boshi. ³ Papo kale utwe tukaba bakushita kwinong'ono sona bashita kupilikila. Tukasofeshiwangasona tukabombelaubutumwa nifinyenywa nifyakutuhobosha fyaluko nuluko. Tukaba babibi sona nukubenga yumo numunine. ⁴ Lole mwo ukwiyisha indumbula kwa Chala umupoki wutusona nulughano lwake pa mundu lwaboneka, ⁵ chitakaba chakufumila mumbombo sha mugholofu shisho akabomba, lole muchisa chake akatupoka utwe, ukwendela mukusuka kwa chicho chapapiwa kubupya sona nukwanduliwa kwa mbepo mbikemo, ⁶ yuyo u Chala akamukungila ubukabi kukwitu ukwendela mwa Yesu Kilisitu umupoki witu, ⁷ ukuti tukelupiwa nichisa chake, tungaba wa chilingo mulusubilo lwa bwumi bwa bwila nabwila. ⁸ Amashu ghoshi ghabaghile. Ngulonda uwe ukuti ukakamile pafindu ifi, ukuti boshi babo bakasubila mwa Chala bakaba bakucheba nukwika bene mumbombo inyisa. Ifindu ifi fyisa sona fyakulondiwa kuboshi. ⁹ Lole muleke ifyakuyughisania ifya bukonyofu sona utupanga utwalukosona nifyakulwana sona nubulwe ukufyana nisha lulaghilo. Ifindu ifyo fyakushita pindusona fyakushita kubaghila. ¹⁰ Mumukane weshi yuyo akupangisha ukughanikana pakati pinyu, panyuma pakubasoka kamukene pamu kabili, ¹¹ ukumanya ukuti umundu isa uyo ang'anamuka ukufuma ku sila ingolofu sona ukutula imbibi sona akwikomania mwene. ¹² Mwo natuma u Atemasi pamu u Tikikasikukwakowendelele sona mwise kukwangu ku Nikkapolisi, konasala ukuti tinikaleko mupaka mulupepo. ¹³ Ubombe fyoshi uwe ukumutuma u Zenasi umulongi sona nu Apolosi, musila yabo manyebasowe nakamu. ¹⁴ Abandu witu babaghile bamanye ukwiyingisha mumbombo inyisa nukwafwa fifyo fikulondiwa mwa nakalinga, sona ukuti manye babe bakushita ifiseke. ¹⁵ Boshi babo bali nune bakukulamuka uwe. Mubalamuke babo batughanite utwe mulwitiko. Ichisa chibe numwe mweshi.