¹ Lole umwe, yugha ifindu fifyo fikukolelana ningomelesho inyisa. ² Manyisha abosongo manye babange nilyoyo, bakwikola, wamahala, wakugholoka mulwitiko, mulughano, sona abe bakukibilila. ³ Musila yiyi, manyisha abakolo abosongo babe nutuyilo utwa kugholoka, manye babe bayanja pamu batakabe batumwa babwalwa, babe bamanyishibafindu ifyisa, ⁴ sona manyisha abakolo abanandi ukughana abalume babo sona abaghane abana babo, ⁵ babe bamahala, abelupe, abasungili abisaabanyumba, sona babe bakupulikila abalume babo, ukuti amashu gha Chala ghatakayughiwange akabibi. ⁶ Misila yiyi, bakashe abalisha abakeke ukubombesha ifindu mwa mahala. ⁷ Musila shoshi wibike ukuba chifwanikisho cha mbombo inyisa mufimanyisho fyinyu, muboneshe akayilo akisa, nulughindiko ⁸ sona amashu aghagholoke ghagho ghatangasushiwa, ukuti yumo yuyo akwegfha uwe akakoshiwe isoni papo batanacho chimo ichibibiichakuyugha ifya utwe. ⁹ manyisha abatumwa ukupulikila abosongobabo mufufindu fyoshi, ukubahobosha sona manye batatikanaghe nabo, ¹⁰ ukuti manye bibilaghe ukufuma kukwabo, mubuyo bwake balaghishange ulwitiko ulwisa, ukuti musila shoshio bayughaghe umwakupala ifimanyisho fya chala witu umupoki. ¹¹ Muchisa cha Chala atendekeshishe ubupoki bwa boshi. ¹² Fikutumanyisha utwe ukukana uto chala nifichenywa fya muchisu, sona ukwikala mwakwikola, ukwikala mwakugholoka, sona ukwikala mwa Chala utubalilo utu. ¹³ Mwo tukutesha kundashi ukwa kwambililaulusubilo lwitu ulusayiwa, ukuboneka kwa bushisha bwa Chala witu umukulu sona nu Yesu Kilisitu umupoki. ¹⁴ U Yesu akiyipa mwene kukwitu ukuti atupoke utwe ukufuma kububibi sona ukwipanga ukuti ubelufwe mwene ukuba bandu bapashima babo bakunyenywa ukubumba inyisa. ¹⁵ Ukuyugha ifindu ifi, mubakashe abandu ukuti baba bombelaghe, sona mubalinganiange namahala ghoshi. Leka nayumo akusulaghe.