¹ Waja, anuwanan remmo ni do, da nlen ma Aco ma mura uka nan uyisiza, kando gemse ezenŋi. ² Remmo ni da woro kirka agata a ano magunta nan macara, baka awe tăzen uyiya birwa ne. ³ To Aco unu magaŋgaŋ manze, mara piyuhuŋi, nan rinyaŋana riŋi aza ono macara. ⁴ Itǝndǝse hedo iŋi anyima Aco, da ŋi woze, i ko i wushji a wuza emegemese iwa wunaŋi ewoze. ⁵ Taye tede tenze, da Aco we birwa biŋi a tibarsa tă Adǝshǝri nan umutana aza unu kassa. ⁶ Waja ira wuna huŋi, anuwanan, anyimi riji ra Aco Yeso unu kassa, da ŋi cikǝ keken na anagemese ŋaru cikǝŋe dan nan emegemse iwa bezeŋi ni. ⁷ Baka ŋi ru se izekima ŋi tarse do a tidodonza tedo. Woro watǝ cikǝ anyima haŋi uga anu dira onu nyanan woro ne. ⁸ I wată ko i wushu imunshu oye a kawai ne. Ama i wa mutana iwoze ituma nan oŋwe, nan atitinya, anyimi tuma i kpaikpai, nan otejeje, baka tago i cikǝ utira oŋe ne. ⁹ woro na wuza igiya dan udira zene, ama da e bezeŋi megemse ŋi nin massaza a woro. ¹⁰ Uca ogemese i wa cikanŋi, iwa buki ŋi, "Zale ono gemese matin wuza ituma ne tago ma wushi imunshu ni," ¹¹ bakase ina kuna ago ayeya haŋi tă barsa ucikǝ madoro ze. Nŋe ŋa ta ka ituma ne, yakama apetepete anlen ma ye. ¹² Anageme ira bǝnaŋe anyimi riji ra Aco Yeso unu kassa, a ŋa wuza itumeŋe wete da ŋa mura imunshu eheŋe. ¹³ Nze ŋi, anuwanan, tago ŋi cope birwa anyimi wuza imi wuma ne. ¹⁴ Ingase owe anyima haŋi nyamene retuma reto, ru mi, tago iyiyabo ko iguraŋi nan me ne, da ma kuna imme. ¹⁵ Tago i ni mi uga ununyamenu ŋi ni, ama i bezeme nan ri-wǝnon. ¹⁶ Ira taye da Aco uni shammo, nyaŋi ucikǝ shammo kuyyu ca a kuyyiya. Täya ton tenze, Aco cikǝn ŋi zale. ¹⁷ Igiya ze kö ohoŋ, Paule, nan owuna uwarohoŋ ze anyimi kuyya retuma. Nane ze en darse. ¹⁸ Täya ton tenze, da zalu ŋi Aco Yeso unu kassa weŋi ogwene.