¹ Waja uca u ra Aco Yeso unu kassa, nan u gurohodo arevento nan me, nze woro sǝŋǝra ŋi, anuwǝnan, ² da tago birwa biŋi be tore, né i cara birwa nan uvunu ne nan re-retuma ne, né nan retuma redo ne, bakase atiwu ra Aco na riga deŋe. ³ Tago i deke owe gǝllǝ ŋi a uyu runa ne. Baka atiyǝ me tin ra ne se uriziza ano nan usuru unu gǝllǝ, vana uwǝnǝ na ra. ⁴ Unu giya manze ono igaba nan uyisiza aza zale eme Adǝshǝri nan imu yisizo me. Aza nane ze, mawa ka cikǝ a akurǝ Adǝshǝri ma yisiza retareme manze Adǝshǝri. ⁵ I nin dunza uca ogemese inwa zinŋi, inwa bezezze ŋi tegogoro tigiya? ⁶ Waja a ŋi ru emegemse ina mantǝ mi, da ma rai uca u wuma. ⁷ Baka te-dodonzo ti unu macara, tira ituma, se uyu unu manto me sa valka me har mazene ma deke uruna me. ⁸ Enze asa buzari ono macara, onogemse Aco-Yeso sa wuri nvonkena asuru anu hame ma wome. Atiyu raime Yeso sa bezeme se madami iyabone. ⁹ Urai anu macara zalen adodonza haŋe te unu mǝri in agatame, tewero teme, nan tedodonza tenpore, ¹⁰ konzen nan ugǝllǝ u dira ma-gaŋgaŋ. Tegogoro tigiya tiwa unu wǝnǝ zi, baka ŋawa nyamene u kai tu-barsa ti-gangaŋ, tegemse tită wene ruma. ¹¹ Bakan nane ze Adǝshǝri ra tumoŋe nan ituma workozo, da ŋa garan npore. ¹² Imu mura ze ŋasa tore aji a gudaŋe, anagemse ŋawa ta gara nan ma-gangaŋ ne se ubarsa tedodonzo tenpore. ¹³ Bakan nane, Adǝshǝri egonme kö aza haŋi, ubarsa rewanaŋ rewa Aco. Baka Aco wa zakeni isǝnǝ iwu bura, iwu mura ruma, umamaro u uvunu, nan uyiya birwa a ma-gangaŋ. ¹⁴ Aza igiya ze awa tisaŋi a nlen ma saw di mura uyisiza uwa Aco Yeso unu kassa. ¹⁵ Bakan nane, anuwanan ,cikǝni tǝndǝsi, me ni emegemse ana bizani, ne a nlen né a retuma redo. ¹⁶ Waja taye tédo tenze, Aco nan retǝ reme, Yeso unu kassa, nan Acowa Adǝshǝri, unu barso hodo, se ma runudo suŋ, nan uwunahodo itǝdǝsi imu ra, baka ugwene, ¹⁷ urunu, konzen, upiyǝ birwa aza zale imi wuma, nan nlen ma wuma.